ዛካራሳ ቲንቢቴ 9:17 - ጋሞ ማጻፋ

¹⁷ ኢስቲ ኣይ ማላ ሎኦኔ ፑላ ኣስ ጊዳኔሻ! ካ ናቴታ ዎይኔ ኡሺ ጌላኦታ ኣንቃርሳና።

Geeshsha Maxaafa

¹⁷ Istti ay mala lo7onne puula as gidaneeshshaa! Kaththi naateththata woyne ushshi geela7ota anqarsana.

ዛካራሳ ቲንቢቴ 9:17 Referans Kwoze

ኢሳያሳ ቲንቢቴ 33:17

ኔ ኣይፌቲ ካዎዛ ፑላቴ ቤኣና፤ ሃኮን ሚጬቲ ዲዛ ቢታካ ቤኣና።

Siiqo Saba 7:9

ኔ ሜቴርሻቲ ኤሳ ኢሊሎ ማላ ማልኤቴስ» ጊዴስ። «ሂስቲኮ ሄ ሎኦ ኢሊሎይ ታ ሲቆዛ ሜቴርሻታ ጊዶራኔ ኣቻታ ጊዶራ ዱጌ ዎሎሉ ጊ ጎጎ።

Siiqo Saba 5:10

«ታ ሲቆይ ዳሮ ሎኦኔ ሚኖ፤ 10,000 ኣቱማሳ ጋርሳን ኢዛ ማላይ ዴና።

ዬ ማጻፋ 90:17

ኣቤት ጎዳዉ! ኑ ጾሳዉ! ኔ ኪያቴ ኑናራ ጊዶ፤ ኑ ኦዛ ኡባ ኑስ ኢንጄሳ፤ ኤሮ! ኑ ኦዛ ኡባ ኑስ ኢንጄሳ።

ዬ ማጻፋ 50:2

ሙሌራ ሎኦ ጊዲዳ ጺዮኒፔ ጾሲ ፖኢሴስ።

ዬ ማጻፋ 45:2

ኣሳ ኡባፌ ኔኒ ኬሃ ሎኣሳ፤ ኔ ፑላን ኩሚዳ ቃላ ሃሳያሳ፤ ሄሳ ጊሻስ ጾሲ ኔና ሜርናስ ኣንጂዴስ።

ዬ ማጻፋ 36:7

ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።

ዬ ማጻፋ 31:19

ኔናን ዜምፓናስ ኔኮ ሺቂዳይታሲኔ ኔስ ያዪዛይታስ ኔኒ ኣሳ ሲንን ኢስታስ ኢማና ጋዳ ሚንጃ ዎዳ ኪያቴ ኣይ ማላ ዳሮ!

ኬሳ ማጻፋ 15:11

«ኣቤት ጎዳዉ! ኤቃ ጾሳታ ጊዶን ኔ ማላይ ኦኔ? ጌሻቴን ቦንቼቲዛይ፥ ቦንቾን ባቢሲዛይኔ፥ ማላሊሲዛ ሚሽ ኦዛይ ኔ ማላይ ኦኔ?

ኦሮሜ ኣሳስ 5:20

ዎጋይ ዪን ሞሮይ ዳሪዴስ፤ ጊዶ ኣቲን ናጋራይ ዳሮይሳፌ ቦላራ ጾሳ ኪያቴ ኬሂ ዳሪዴስ።

ኦሮሜ ኣሳስ 5:8

ጊዶ ኣቲን ኑ ቡሮ ናጋራንቻ ጊዲ ዲሺን ኪርስቶሲ ኑ ጊሻስ ሃይቂዴስ፤ ሄሲካ ጾሲ ኑና ሲቂዛ ባ ሲቆ ሄሳን ቤሴስ።

ዮሃኒሳ ሚሺራቾ 3:16

ጾሳ ና ኣማኒዛይ ዉሪ ሜርና ዴኦ ዴማናፔ ኣቲን ዮንታ ማላ ጾሲ ሃይሳ ኣላሜዛ ዳሮ ሲቂዳ ጊሻስ ባ ሜጺ ኢሲ ናዛ ኢሚዴስ።

ዮሃኒሳ ሚሺራቾ 1:14

ቃላይካ ኣስ ጊዲዴስ፤ ጾሳ ኪያቴኒኔ ቱማን ኩሚዲ ኑናን ኣቂዴስ፤ ኢሲ ናስ ኣዋ ማታን ዲዛ ቦንቾ ሚሳቲዛ ኢዛ ቦንቾ ኑ ቤኢዶስ።

ኢዩኤሌ ቲንቢቴ 3:18

«ሄ ዎዴ ዙማቲ ዉሪካ ዎይኔ ሚን ኩማና፤ ዙምቡላን ዳሮ ማ ሚዛቲ ሄሜታና፤ ጎዳ ኬፌ ፑልቶይ ፑልታና፤ ዩሁዳ ዴሬን ዲዛ ሻፋታ ኡባ ሃ ኩማና፤ ሺጺሜ ሾባይ ሃ ካላና።

ኢዩኤሌ ቲንቢቴ 2:26

ኢንቴ ቡሮ ዳሮ ሚዲ ካላና፤ ኢንቴስ ማላሊሲዛ ሚሻታ ታ ኦዳ ጊሻስ ኢንቴ ታና ጎዳ ኢንቴ ጾሳ ጋላታና፤ ሃይሳፌ ጉዬ ታ ዴራ ዬላይ ጋኬና።

ኤርማሳ ቲንቢቴ 31:12

ኢስቲ ዪዲ ጺዮኔ ዙማ ቦላ ኡፋይሳ ማዛሙሬ ዬጻና፤ ኢስቲ ጎዳ ኪያቴ ጊዲዳ ካን፥ ዎይኔ ኡሻን፥ ዛይቴን፥ ዴይሻኒኔ ዶርሳ ላቃታን፥ ዎፋኖታኒኔ ኡሳታን ኡፋዬታና፤ ኢስቲ ሃ ፓጮንታ ኣታኪልቴ ሶሆ ማላ ጊዳና፤ ሃይሳፌ ጉዬ ኢስቲ ሙዞቴቴና።

ኢሳያሳ ቲንቢቴ 63:15

ኣቤት ጎዳዉ፥ ዱማቲዳ፥ ቦንቼቲዳኔ ቁ ጊዳ ኔ ኣራታፔ ሳሎፔ ዱጌ ጼላ፤ ኔ ዎልቃይኔ ኔ ሚሼቲዛ ሚሾይ ኣዋኔ? ኔ ኣሽኬቴይኔ ኔ ቃቴ ኑፔ ሃኪዴስ።

ኢሳያሳ ቲንቢቴ 63:7

ጎዳ ኪያቴ፥ ጎዳይ ኑስ ኦዳ ኦሶ ኡባ ጊሻስ፥ ኢዚ ጋላቴቲዛ ኦሶዛ ጊሻስ፥ ኢዛ ሲቆዛኔ ኢዛ ኪያቴ ኬና፥ ኢስራኤሌ ኬስ ኢዚ ኦዳይሳ፥ ኤ ኢዚ ኦዳ ሎኦ ኦሶታ ጊሻስ ታ ዮታና።

ዬ ማጻፋ 145:7

ኢስቲ ኔ ኪያቴ ዳሮዛ ዮታና፤ ኔ ጺሎቴ ኡፋይሳን ዬጻና።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

ዬ ማጻፋ 27:4

ታኒ ጎዳ ኢሲ ሚሽ ኦይቻይስ፤ ሄሲካ ታኒ ታ ዴኦ ላይ ኡባን ጎዳ ኬን ዴኣናሳ፤ ታኒ ጎዳ ቦንቾ ሎኦቴ ቤኣናሳ፤ ኢዛ ኬንካ ኢዛ ኮያሼ ዴኣናሳ።

ኤርማሳ ቲንቢቴ 31:14

ታኒ ቄሴታ ኬሃ ኣንጃና፤ ታ ዴሬዛካ ኪያቴ ካላና» ጌስ።

ዬ ማጻፋ 144:12

ኑ ኣቱማ ናይቲ ባ ናቴቴን ዳልቂዳልቂዲ ዲጪዛ ሚ ማላ ጊዴቶ! ኑ ማጫ ናይቲካ ካዎ ኬ ጉላን ኣሌቆስ ኤሲዳ ቱቄ ማላ ጊዴቶ።