ዛካራሳ ቲንቢቴ 9:14 - ጋሞ ማጻፋ

¹⁴ ጎዳይ ኢስታ ቦላ ቆንጫና፤ ኢዛ ዪሻይ ዎልቃን ማላ ፖፖልኡ ጋና፤ ኡባፌ ዎልቃማ ጎዳይ ጹሩምባ ፑናና። ዱጌሃፔ ኬዚዛ ጎቴ ጫርኮ ማላ ኢዚ ባና።

Geeshsha Maxaafa

¹⁴ GODAY istta bolla qonccana; iza yiishshay wolqqanththa mala popol7u gaana; Ubbaafe Wolqqama GODAY xurumba punnana. Dugehappe keziza gote carko mala izi baana.

ዛካራሳ ቲንቢቴ 9:14 Referans Kwoze

ዬ ማጻፋ 18:14

ባ ዎንዳፌዛ ዪሻ ዬዲዴስ፤ ባ ሞርኬታካ ላሊዴስ፤ ዎልቃን ፖኦ ኪቲዲ ኢስታ ዬዴዴስ።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

ዛካራሳ ቲንቢቴ 14:3

ሄሳፌ ጉዬ ጎዳይ ካሴ ኦላ ጋላስ ኦሌቲዛ ማላ ሄ ካዎቴታ ኦላናስ ዴንዳና።

ዛካራሳ ቲንቢቴ 2:5

ታኒ ታርካ ኢዚስ ታማ ዲርሳ ጊዳና፤ ኢዚ ጊዶን ታኒ ኢዚስ ቦንቾ ጊዳና› ጌስ ጋዳ ዮታ» ጊዴስ።

ኢሳያሳ ቲንቢቴ 27:13

ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።

ኢሳያሳ ቲንቢቴ 21:1

ኣባ ላንቄን ዲዛ ባዞ ቢታስ ዮቴቲዳ ጎዳ ቃላይ ሃይሳፌ ካሊዛይሳ። ዱጌሃ ባጋፌ ጎቴ ጫርኮይ ፒቲ ኤኪ ዪዛ ማላ ዎራጂዛይ ሺሮ ዴንዛ ባዞ ቢታፌ ዬስ።

ዮሃኒሳ ኣጁታ 6:2

ቃሴካ ቦ ፓራ ቤያዲስ፤ ሄ ፓራዛ ቦላ ባ ኩሼን ዎንዳፌ ኦይኪዳዴይ ዴስ፤ ኢዛስ ኣኪሊሌይካ ኢሜቲዴስ፤ ኢዚካ ጾኒዛዴ ጊዲዲ ጾኒ ጾኒ ባናስ ኬዚዴስ።

ኢምባቆ ቲንቢቴ 3:11

ኔ ፒሪሳ ዬዲዳ ኔ ዪሻታፔኔ ጾልቄቲዛ ኔ ቶራ ፖኦፔ ዴንዲዳይሳን ኣርሼይኔ ኣጊናይ ባ ዲዛሶን ኤቂ ኣቲዳ።

ኢሳያሳ ቲንቢቴ 30:30

ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

Ibirawe 2:4

ጾሲ ቃሴካ ማላታታ፥ ማላሊሲዛ ሚሻታ፥ ዱማ ዱማ ማላታታ ኦሶኒኔ ባ ሼኔ ማላ ኢሚዳ ጺሎ ኣያና ኢሞታታ ባጋራ ኢስታ ማርካቴ ሚንዴስ።

ኦሮሜ ኣሳስ 15:19

ሄሲካ ሃኒዳይ ጺሎ ኣያና ዎልቃን ማላታታ ባጋራ ሃኒዴስ፤ ሄሳ ማላንካ ዬሩሳላሜፔ ኢልዋቆሬ ጋካናስ ታ ኪርስቶሳ ሚሺራቾ ቃላ ሳባካዲስ።

ዛካራሳ ቲንቢቴ 12:8

ሄ ጋላስ ኢስታ ጊዶን ዳሮ ላፋ ጊዲዳይ ዳዊቴ ማላ ሚኖ ጊዳና፤ ዳዊቴሶ ኣሳይ ቃሴ ኢስታፌ ሲን ሲን ቢዛ ጾሳ ማላኔ ጎዳ ኪታንቻ ማላ ጊዳና፤ ዬሩሳላሜን ዲዛይታስ ጎዳይ ጎንዳሌ ጊዳና።

ኢሳያሳ ቲንቢቴ 31:5

ካፎይ ቦላራ ኣላንዛ ማላ ኡባፌ ዎልቃማ ጎዳይ ዬሩሳላሜ ካማና፥ ናጋናኔ ኣሻና፤ ኢዚ ቦላራ ኣዲ ኢዞ ኣሻና» ጌስ።

ኢሳያሳ ቲንቢቴ 18:3

ኢንቴኖ ሳኣ ቦላ ዲዛ ኣስ ኡባቶ! ዙማታ ቦላ ማላታይ ካቄቲሺን ኢንቴ ቤኣና፤ ዛዬይ ፑኔቲሺን ኢንቴ ሲያና።

ኢያሶ ማጻፋ 10:42

ኢያሶይ ኢሲቶ ኦላ ኬዚዲ ሄ ካዎታኔ ኢስታ ቢታ ኡባ ጾኒዴስ። ሄሲካ ሃኒዳይ ጎዳ ኢስራኤሌ ጾሳይ ባ ዴራስ ኦሌቲዳ ጊሻሳ።

Maatosa 24:31

ኪታንቻታካ ዳሮ ዎልቃማ ጹሩምባ ጊሪሳራ ዬዳና። ኢስቲካ ዶሬቲዳይታ ኦይዱ ጉላፔ ሳሎስ ሃ ጋጻፔ ሄ ጋጻ ጋካናስ ኡባ ኢሲሶ ሺሻና።

ኢምባቆ ቲንቢቴ 3:14

ጎቴ ጫርኮ ማላ ኑና ላላናስ ዪዳይሳ፥ ኣይኮይ ባይንዳ ማንቆዛ ጌማራ ሚታናስ ኣሞቲዛይሳ፥ ኦላንቻታ ሃላቃ ጊዲዳይሳ ኢዛ ዛራ ጫዳዳሳ።

ኢዮቤ ማጻፋ 37:9

ዎልቃማ ጫርኮይ ፑዴሃፔ ዴንዴስ፤ ሞጪዛ ጫርኮይ ፑዴሃፔ ዬስ።

ዬ ማጻፋ 18:15

ኣቤት ጎዳዉ! ኔኒ ሴሪዳ ዎዴኔ ኔ ሃንቆይ ኤጺዳ ዎዴ፥ ጊታ ኣባቲ ኢቺዳ ቢታይ ቤቲዴስ፤ ቃሴ ሳኣ ዮቻይ ቆንጪዴስ።