ዛካራሳ ቲንቢቴ 8:16 - ጋሞ ማጻፋ

¹⁶ ኢንቴ ኦናስ ቤሲዛ ሚሻቲ ሃይታንታ፤ ኢንቴ ኢንቴ ጋርሳን ኢሶይ ኢሳራ ቱሙ ሃሳዬቲቴ፤ ኢንቴ ዱቡሻንካ ቱማኔ ሱሬ ፒርዳ ፒርዲቴ።

Geeshsha Maxaafa

¹⁶ Intte ooththanaas bessiza miishshati haytantta; intte intte garsan issoy issaara tumu haasayettite; intte dubbushankka tumanne suure pirda pirdite.

ዛካራሳ ቲንቢቴ 8:16 Referans Kwoze

ኤፌሶኔ ኣሳስ 4:25

ኑ ዉሪካ ኢሲ ኣሾ ጊዲዳ ጊሻስ ዎርዶቴ ዲጊዲ ኑኒ ኑ ጋርሳን ኢሶይ ኢሳራ ኣኔ ቱማ ሃሳዮስ።

ዛካራሳ ቲንቢቴ 7:9

«ኡባፌ ዎልቃማ ጎዳይ፥ ‹ቱሙ ፒርዳ ፒርዲቴ፤ ኢንቴ ጋርሳን ኢሶይ ኢሳራ ማሬቲቴኔ ኢሶይ ኢሳስ ቃቲቴ።

ዬ ማጻፋ 15:2

ሱሬ ዴኦ ዴኢዛይ፥ ጺሎ ኦዛይ፥ ባ ዎዚናፔ ቱማ ሃሳይዛይ፥

ዛካራሳ ቲንቢቴ 8:19

«ኦይዳን ኣጊናን፥ ኢቻሻን ኣጊናን፥ ላፑን ኣጊናኒኔ ታማን ኣጊናን ኢንቴ ጾሚዛ ጾማይ ዩሁዳ ዴራስ ኡፋይሳ ጋላሲኔ ባኣሌ ጋላስ ጊዳና፤ ሄሳ ጊሻስ ኢንቴ ቱማቴኔ ሳሮቴ ኮዪቴ።»

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ሌሚሶ ማጻፋ 12:19

ዎርዶ ሃሳያይ ጉ ዎዴሳ፤ ቱማ ሃሳያይ ጊዲኮ ሜርናሳ።

ሌሚሶ ማጻፋ 12:17

ሱሬ ማርካይ ቱማ ማርካቴስ፤ ዎርዶይ ጊዲኮ ዎርዶ ማርካቴስ።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

1ታሶሎንቄ ኣሳስ 4:6

ሄሳ ማላን ኦኒካ ባሌቲዲ ባ ኢሻ ባሌፎ፤ ጋሶይካ ሃይሳፌ ካሴ ኑ ኢንቴስ ዮቲዳ ማላኔ ናጌታናስ ኣኬኪሲዳ ማላ ጎዳይ ሄይታንታ ማላ ናጋራ ኦዛ ኡባታ ቦላ ባ ሃንቆ ኤሃና።

ኤፌሶኔ ኣሳስ 4:17

ኣይዛቤታ ማላ ጮ ሜላ ቆፋን ሜላ ሲሜሬታናስ ኢንቴስ ቤሴና ጋዳ ታ ኢንቴና ዞራይስ።

Maatosa 5:9

ሳሮቴ ኦዛይቲ ኣንጄቲዳይታ፤ ኣይስ ጊኮ ኢስቲ ጾሳ ናይታ ጌቴቲ ጼይጌታና።

ሚኪያሳ ቲንቢቴ 6:12

ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ።

ሚኪያሳ ቲንቢቴ 6:8

ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?

ኣሞጼ ቲንቢቴ 5:24

ጊዶ ኣቲን ቱሙ ፒርዳይ ጎጊዛ ሃ ማላ፤ ጺሎቴካ ሚጮንታ ፑልቶ ማላ ጎጎ።

ኣሞጼ ቲንቢቴ 5:15

ኢታ ሚሽ ኢጺቴ፤ ሎኦ ጊዲዳዝ ዶሲቴ፤ ፒርዳ ፒርዲዛሶን ቱሙ ፒርዳ ጌላሶፒቴ። ጎዳይ ሳሎ ጾሳይ ኣቲዳ ኢስራኤሌ ኣሳ ማራናኮ ኦኔ ኤሪዛይ?

ሌዌታ ማጻፋ 19:11

« ‹ካይሶቶፒቴ፤ ኣስ ባሌፍቴ፤ ዎርዶ ሃሳዮፒቴ፤

ኤርማሳ ቲንቢቴ 22:3

ጎዳይ፥ «ሱሬ ፒርዳኔ ጺሎ ኦቴ፤ ቦንቄቲዳይታ ኡንኤዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱ ጉሶፍቴ።

ሂዚቄላ ቲንቢቴ 18:8

ኢዚ ዲቻስ ታልኤና፤ ቡቴ ዳሮ ዲቺካ ኤኬና፤ ባ ኩሼ ሞሮፔ ናጌስ፤ ኣሳስ ሱሬ ፒርዳ ፒርዴስ።

ሂዚቄላ ቲንቢቴ 45:9

« ‹ኡባ ሃሪዛ ጎዳይ፡ ኢንቴኖ ኢስራኤሌ ሃላቃቶ፥ ኢንቴስ ሃኢ ጊዳና! ኢንቴ ሻባርሲዛይሳኔ ኣሳ ኡንኤዛይሳ ኣጊቴ፤ ሱሬ ፒርዳኔ ጺሎቴ ኦቴ። ታ ኣሳ ኢስታ ላታ ቢታፌ ቃሊዲ ጎዲዛይሳ ኣጊቴ። ታኒ ኡባ ሃሪዛ ጎዳይ ሃይሳ ዮታይስ።

ሶፎናሳ ቲንቢቴ 3:13

ኢስራኤሌፔ ጫሻ ኣቲዳይቲ ናጋራ ኦሴቴና። ዎርዶ ሃሳዬቴና፤ ኢስታ ዶናንካ ጌኔ ሃሳያይ ዴና። ሄሳ ጊሻስ ኢስቲ ሚዲ ሳሮን ዴኣና፤ ኢስታ ባቢሳና ሚሺካ ዴና።

ዛካራሳ ቲንቢቴ 8:3

ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።

ዬ ማጻፋ 34:15

ጎዳ ኣይፌይ ጺሎታኮ ጼሌስ፤ ቃሴ ኢዛ ሃይ ኢስታ ዎሳ ኤዝጌስ።