ዛካራሳ ቲንቢቴ 14:6 - ጋሞ ማጻፋ

⁶ ሄ ዎዴ ታ ኬንቾይ፥ ሻቺኔ ፖኦይ ሙሌካ ዴና።

Geeshsha Maxaafa

⁶ He wode ta kenchchoy, shachchinne poo7oy mulekka deenna.

ዛካራሳ ቲንቢቴ 14:6 Referans Kwoze

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

2ጴጽሮሳ ኪታ 1:19

ሄሲ ዉሪካ ካሴ ናቤቲ ዮቲዳይሲ ቱሙ ጊዲዳይሳ ሎኤ ቆንጪሴስ፤ ሄሳ ጊሻስ ኢንቴ ማሶን ዲዛ ጾምፔስ ሎኤ ናጌቲዛይሳ ማላ ካሴ ናቤቲ ዮቲዳይሳ ሎኤ ናጌቲቴ። ኢንቴ ሄሳ ኦናይ ጋዴይ ዎንታናስ፥ ባዞይ ዞኣና ጋካናሲኔ ዎንቲ ማ ጾሊንቴዚ ኢንቴ ዎዚናን ፖኣና ጋካናሳ።

ዮሃኒሳ ሚሺራቾ 12:46

ታና ኣማኒዛይ ዉሪ ማን ዶንታ ማላ ታኒ ፖኦ ጊዳዳ ሃይሳ ሃ ኣላሜዛ ያዲስ።

ዬ ማጻፋ 112:4

ኪያ፥ ቃቲዛኔ ጺሎ ኦዛ ሱሬ ኣሳስ ማ ጊዶን ፖኦይ ፖኤስ።

ዮሃኒሳ ኣጁታ 11:3

ታ ማርካ ናምኣቲ ካዮ ማይኦ ማይኢዲ 1,260 ጋላስ ጋካናስ ቲንቢቴ ዮታና ማላ ታ ኢስታስ ዎልቃ ኢማና» ጌቴቲዴስ።

ቆላሲያሴ ኣሳስ 1:12

ኣማኒዛይቲ ላቲዛሶ ፖኦ ካዎቴ ላቲዛይታ ኑ ጊዳና ማላ ኑና ጋዳ ኑ ኣዋ ኢንቴ ጋላታናሳ።

ዮሃኒሳ ሚሺራቾ 1:5

ፖኦይ ማን ፖኢሴስ፤ ማይ ፖኦ ሙሌካ ጾኔና።

ሆሴኤ ቲንቢቴ 6:3

ኣኔ ኑኒ ጎዳ ኤሮስ! ኑ ኢዛ ሎኤ ኤራናስ ኣኔ ሚኔቶስ! ኢዚ ዎንታ ፖኦ ማላ ኑስ ቆንጫና፤ ቢታ ካልሲዛ ኣሱራ ኢራ ማላኔ ባልጎ ኢራ ማላ ኢዚ ኑኮ ያና» ጌስ።

ኤርማሳ ቲንቢቴ 4:23

ታኒ ሳኣ ጼላዳ ሳኣይ ሎኢ ጊጎንታይሳኔ ጮ ሜላ ዲዛይሳ ቤኣዲስ። ቃሴ ሳሎታ ጼላዳ ኢስታን ፖኦይ ባይንዳይሳ ቤኣዲስ።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ኢሳያሳ ቲንቢቴ 13:10

ሳሎ ጾሊንቴቲኔ ኢስታ ቡቴቲ ፖኦ ኢሜቴና፤ ኣርሼይ ቡሮ ሞኪዳ ማላ ማና፤ ኣጊናይካ ባ ፖኦ ኢሙኩ።

ሃዋሬታ ኦሶ 2:16

ጊዶ ኣቲን ሃይሲ ካሴ ናቤ ኢዩኤሌን ሂዝጊ ዮቴቲዳ ቃላይ ፖሌታናሳ፥

ሃዋሬታ ኦሶ 2:19

ቦላ ሳሎን ማላሊሲዛ ሃኖታ ታ ቤሳና፥ ጋርሳ ሳኣን ማላታታ ታ ቤሳና፤ ሱ፥ ታማይኔ ቱላላይ ሃናና።

ኢሳያሳ ቲንቢቴ 24:23

ኡባፌ ዎልቃማ ጎዳይ ጺዮኔ ዙማኒኔ ዬሩሳላሜን ጪማታ ሲንን ቦንቾን ካዎታና፤ ሄ ዎዴ ኣጊናይ ሻጴታና፤ ኣዋ ኣይፌይካ ዬላታና።

ሂዚቄላ ቲንቢቴ 32:7

ታ ኔና ይሲዛ ዎዴ ሳሎታ ጎዛና፤ ኢስታ ጾሊንቴታካ ሚሳና፤ ኣዋካ ሻራን ካማና፤ ኣጊናይካ ባ ፖኦ ዲጋና።

ሂዚቄላ ቲንቢቴ 32:8

ሳሎን ፖኢሲዛ ፖኦታ ኡባ፥ ኔ ቦላ ታ ሚሳና፤ ኔ ቢታ ቦላ ታ ማ ኤሃና› ጌስ።

ኢዩኤሌ ቲንቢቴ 2:30

ሳሎኒኔ ሳኣን ማላሊሲዛ ሚሻታ ታ ቤሳና፤ ሱ፥ ታማይኔ ጩዋ ቱሲ ቤታና።

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።