ዛካራሳ ቲንቢቴ 14:11 - ጋሞ ማጻፋ

¹¹ ዬሩሳላሜይ ዳሮ ኣሲ ዳናሶ ጊዳና፤ ሄሳፌ ጉዬ ኢዛ ዩኩ፤ ኢዚን ዲዛ ዴሬይ ሂርጋይ ባይንዳ ዎፓን ዳና።

Geeshsha Maxaafa

¹¹ Yerusalaamey daro asi daanaso gidana; hessafe guye iza dhayukku; izin diza derey hirgay baynda woppan daana.

ዛካራሳ ቲንቢቴ 14:11 Referans Kwoze

ዮሃኒሳ ኣጁታ 22:3

ሄሳፌ ጉዬ ቃንጌ ሙሌካ ዴና፤ ጾሳ ኣልጋይኔ ዶርሳዛ ኣልጋይ ሄ ካታማይን ዳና፤ ኢዛ ኦሳንቻቲ ኢዛስ ጎይናና።

ኣሞጼ ቲንቢቴ 9:15

ታ ዴሬ ኢስራኤሌ ኣሳ ታኒ ካሴ ኢስታ ቢታን ዛራዳ ቶካና፤ ታኒ ኢስታስ ኢሚዳ ቢታፌ ኢስቲ ናምኣን ቃሌቲ ዬቴና» ጌስ ጎዳይ ሳሎ ጾሳይ።

ዮሃኒሳ ኣጁታ 21:4

ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

ዛካራሳ ቲንቢቴ 8:8

ኢስቲ ዬሩሳላሜን ዴኣና ማላ ታ ኢስታ ዛራ ሃ ኤሃና፤ ኢስቲካ ታ ዴሬታ ጊዳና፤ ታኒካ ጺሎቴኒኔ ኣማኔቴን ኢስታ ጾሳ ጊዳና» ጌስ።

ዛካራሳ ቲንቢቴ 8:4

ኡባፌ ዎልቃማ ጎዳይ፥ «ኣዴ ጪማቲኔ ማጫ ጪማቲ ካሴ ማላ ዬሩሳላሜ ዱቡሻን ኡታና፤ ኢስታፌ ኢሶይ ኢሶይ ጪማቴ ጋሶን ጉፌ ኦይኪዲ ሄሜታና።

ዛካራሳ ቲንቢቴ 2:4

ሂስቲዲ ኢዛስ፥ «ዎጻ ባዳ ሄሳ ናቴ ኣዴዛስ፥ ‹ዬሩሳላሜይ ኢዚን ዲዛ ኣሳ ዳሮቴፌኔ ሜሄ ዳሮቴፌ ዴንዶይሳን ካታማ ዩሾን ጊምቤ ዲርሳ ኮሼና።

ኢዩኤሌ ቲንቢቴ 3:20

ሄሳ ጋካናዉ ታኒ ሃሎ ኬሶንታ ኣጊዳ ጺሎታ ሱ ጊሻስ ሃሎ ኬሳና፤ ዩሁዳይኔ ዬሩሳላሜይ ቃሴ ሜርናስ ታ ዴሬይ ዴኢዛሶ ጊዳና፤ ታኒካ ጾሳይ ጺዮኔ ዙማ ቦላ ዴኣና» ጊዴስ።

ኢዩኤሌ ቲንቢቴ 3:17

«ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ሂዚቄላ ቲንቢቴ 37:26

ታኒ ኢስታራ ሳሮቴ ጫቆ ቃላ ጌላና፤ ሄ ጫቆ ቃላይካ ሜርናስ ጊዳና። ታኒ ኢስታ ሚንና፤ ጮሪሳና፤ ታ ኬካ ኢስታ ጊዶን ሜርናስ ዎና።

ኤርማሳ ቲንቢቴ 31:40

ኣሃይኔ ቢዲን ዬጌቲዛ ሾባ ኡባይ ኣርሼይ ሞኪዛ ቄዲሮኔ ሾባራ ቢዲ ፓራ ፔንጌ ጋካናስ ዲዛ ቲ ጊዳ ዴምባይ ኡባይ ጎዳስ ዱማቲዳዝ ጊዳና፤ ሄሳፌ ጉዬ ሄ ካታማያ ሾዴቱኩኔ ላሌቱኩ» ጌስ።

ኢሳያሳ ቲንቢቴ 66:22

ጎዳይ፥ «ታኒ ሜና ኦራ ሳሎቲኔ ኦራ ሳኣይ ታ ሲንን ሚኒ ዳናይሳ ኢንቴ ሱንኔ ኢንቴ ዜሬ ሱን ሄሳ ሚኒ ዳና።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 26:1

ሄ ጋላስ ሃ ዬይ ዩሁዳ ቢታን ዬጼታና። ኑስ ሚኖ ካታማይ ዴስ፤ ጾሲ ኢዛ ጊምቤታኔ ሚጻታ ኣቶቴስ ኦዴስ።

ታይቦ ማጻፋ 21:3

ጎዳይ ኢስታ ዎሳ ሲዪዲ ማዲዳ ጊሻስ ኢስቲ ካናኔ ኣሳ ጾኒ ኦይኪዳ፤ ሄሳ ጊሻስ ኢስራኤሌ ኣሳይ ኢስታኔ ኢስታ ካታማ ሙሌራ ዲፒ ሂስቲ ይሲዳ፤ ኢስቲ ዉሪ ዉሪዳይሳ ኤራናስ ሄሳ ሄ ጋዴዛ፥ «ሆርማ» ጊ ሱንዳ።

ኤርማሳ ቲንቢቴ 32:37

«ታ ሚኖ ሃንቆኒኔ ጊታ ቦሻን ታ ኢስታ ጎዳ ዬዲዳ ቢታ ኡባፌ ሺሻና፤ ሂስታዳ ሃሶሆ ዛራ ኤሃዳ ሳሮቴን ታ ኢስታ ዎና።

ዛካራሳ ቲንቢቴ 8:13

ዩሁዳ ዴሬኔ ኢስራኤሌ ዴሬ ኣሳቶ! ኢንቴ ካሴ ካዎቴታ ጊዶን ቃንጌቲዳ ዴሬ ማላ ቆዴቲዴታ፤ ሃኢ ጊዲኮ ታ ኢንቴና ኣሻና፤ ኢንቴካ ኣንጆስ ጊዳና፤ ሄሳ ጊሻስ ባቦፍቴ፤ ሚኒቴ።

ዛሬ ማጻፋ 33:28

ሄሳ ጊሻስ ኢስራኤሌ ኣሳይ ሳሎፔ ኢራይ ኢዚን ቡኪዛ ቢታይን፥ ካኔ ዎይኔ ኡሺ ኢዚን ኩሚዳ ቢታይን ሂርጋይ ባይንዳ ሳሮን ዴኣና።

ዛካራሳ ቲንቢቴ 12:6

«ታ ሄ ጋላስ ዩሁዳ ካሌዛይታ ዶሬ ሚ ጊዶን ዲዛ ታማ ጮጬ ኬሳና፤ ካ ሚርቄ ጊዶን ዲዛ ጾምፔ ላጮ ኬሳና፤ ኢስቲ ባፔ ሃዲርሳራኔ ኡሻቻራ ዩዪ ኣ ዲዛ ዴሬታ ጹጋና፤ ዬሩሳላሜይ ጊዲኮ ባ ዲዛሶፔ ሙሌካ ቃጹኩ።