ዛካራሳ ቲንቢቴ 12:5 - ጋሞ ማጻፋ

⁵ ዩሁዳ ኣሳ ካሌዛይቲ ባንታ ዎዚናን፥ ‹ኡባፌ ዎልቃማ ጎዳይ ኢስታ ጾሲ ጊዲዳ ጊሻስ ዬሩሳላሜን ዲዛ ኣሳይ ሚኖ› ጋና።

Geeshsha Maxaafa

⁵ Yuhuda asaa kaaleththizayti bantta wozinan, ‹Ubbaafe Wolqqama GODAY istta Xoossi gidida gishshas Yerusalaamen diza asay mino› gaana.

ዛካራሳ ቲንቢቴ 12:5 Referans Kwoze

ዛካራሳ ቲንቢቴ 10:12

ታኒ ኢስታ ጎዳን ሚንና፤ ኢስቲካ ኢዛ ሱንን ሲሜሬታና» ጌስ።

ኢዩኤሌ ቲንቢቴ 3:16

ጎዳይ ጺዮኔ ዙማ ቦላ ዬሩሳላሜን ዲሼ ባቢሲዛ ባ ቃላ ጊሪስ ሲሳና፤ ሳሎይኔ ሳኣይ ቃጻና፤ ጎዳይ ጊዲኮ ባ ዴሬ ኢስራኤሌስ ሺቂ ኣቲዛሶ ጊዳና።

ዬ ማጻፋ 18:32

ታስ ዎልቃ ኢሚዛይኔ ታ ኦጌ ሳሮ ኦዛይ ጾሳ።

ዬ ማጻፋ 144:1

ታ ኩሼታ ኦላስ፥ ታ ቢራታካ ጾንጌስ ሎሂሲዳ ጎዳይ ታ ዛላይ ጋላቴቶ!

ዬ ማጻፋ 18:39

ኦላስ ታና ዎልቃ ጊጺሳዳሳ፤ ታ ሞርኬታ ታ ሲንን ጉልባቲሳዳሳ።

ኢሳያሳ ቲንቢቴ 28:6

ኢዚ ፒርዲዛይታስ ሱሬ ፒርዳ ፒርዲዛ ኣያና ኦላ ካታማ ፔንጌፌ ዛሪዛይታስ ዎልቃ ጊዳና።

ዛካራሳ ቲንቢቴ 12:6

«ታ ሄ ጋላስ ዩሁዳ ካሌዛይታ ዶሬ ሚ ጊዶን ዲዛ ታማ ጮጬ ኬሳና፤ ካ ሚርቄ ጊዶን ዲዛ ጾምፔ ላጮ ኬሳና፤ ኢስቲ ባፔ ሃዲርሳራኔ ኡሻቻራ ዩዪ ኣ ዲዛ ዴሬታ ጹጋና፤ ዬሩሳላሜይ ጊዲኮ ባ ዲዛሶፔ ሙሌካ ቃጹኩ።

ዛካራሳ ቲንቢቴ 10:6

«ታኒ ዩሁዳ ኬ ሚንና፤ ታ ኢስታስ ቃቲዛ ጊሻስ ኢስቲ ካሴ ዲዛሶታ ኢስታ ዛራና፤ ታኒ ጎዳ ኢስታ ጾሳ ጊዲዳ ጊሻስ ታ ኢስታ ዎሳ ሲያና፤ ኢስቲካ ሃይሳፌ ካሴ ታ ዬጋ ኤሮንታ ኣሳ ማላ ጊዳና።

ኤርማሳ ቲንቢቴ 33:26

ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።

ኤርማሳ ቲንቢቴ 30:21

ኢስታ ካሌዛይ ኢስታ ባጋፌ ጊዳና፤ ኢስታ ኣይሲዛይ ኢስታ ጊዶፌ ዴንዳና፤ ታኒ ኢዛ ታኮ ሺሻና፤ ኢዚካ ታኮ ሺቃና። ታ ሺሾንታ ዲሺን ጻሊዲ ታኮ ሺቃናይ ኦኔ?

ኢሳያሳ ቲንቢቴ 60:17

ጻርቂማላ ሶሆን ዎርቃ፥ ቢራታ ሶሆን ቢራ ኤሃና፤ ሚ ሶሆን ጻርቂማላ፥ ሹቻ ሶሆን ቢራታ ኤሃና፤ ሳሮቴ ኔና ኣይሲዛዴ፥ ጺሎቴካ ኔስ ሃላቃ ሂስታና።

ኢሳያሳ ቲንቢቴ 32:1

ቤኢቴ፥ ካዎይ ጺሎቴን ካዎታና፤ ሃሪዛይቲካ ሱሬ ፒርዳን ሃራና።

ኢሳያሳ ቲንቢቴ 29:10

ጎዳይ ኢንቴ ቦላ ዎልቃማ ስኮ ዬጊዴስ፤ ኢንቴ ናቤታ ኣይፌ ጎዚዴስ፤ ኣጁታ ቤኢዛይታ ሁኤ ጉሉንቲሲዴስ።

ኢሳያሳ ቲንቢቴ 1:26

ካሴ ኔና ኣይሲዛይታ ማላ ሃራ ኔና ኣይሳናይታኔ ዞራናይታ ታኒ ኔስ ዴንና፤ ሄሳፌ ጉዬ ኔኒ፥ ‹ጺሎቴ ዲዛ ኣማኔቲዳ ካታማዮ› ጌቴታና።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ኢሳያሳ ቲንቢቴ 1:10

ኢንቴኖ ሶዶሜ ኣይሲዛይቶ! ጎዳ ቃላ ሲዪቴ፤ ኢንቴኖ ጋሞራ ዴሬቶ! ኑ ጾሳ ቲሚርቴ ኤዝጊ ሲዪቴ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዳናታ ማጻፋ 5:9

ታ ዎዚናይ ኢስራኤሌ ዳናታራ ዴስ፤ ኣሳ ጊዶን ዶሳን ባና ኣ ኢሚዳይታራ ዴስ። ጎዳይ ጋላቴቶ!

ዛካራሳ ቲንቢቴ 12:4

ሄ ጋላስ ታኒ ቶጋ ፓራታ ዳጋማን፥ ፓራታ ቶጊዳ ኣሳ ጎሻና፤ ኢስታ ሞርኬታ ፓራታ ቆቂሳና፤ ጊዶ ኣቲን ዩሁዳ ኣሳ ታኒ ታ ኪያ ኣይፌን ናጋና።

ዛካራሳ ቲንቢቴ 14:14

ዩሁዳ ኣሳይ ዬሩሳላሜ ባጋ ጊዲዲ ኦሌታና፤ ባና ዩዪ ኣዳ ካዎቴቲ ሃሪዳ ኣቆታ ኡባ ዎርቃ፥ ቢራ፥ ማይኦኔ ቆዳይ ባይንዳ ሚሽ ዲኢ ኤካና።

ኢሳያሳ ቲንቢቴ 28:5

ሄ ጋላስ ኡባፌ ዎልቃማ ጎዳይ ባ ኣሳፔ ጫሻ ኣቲዳይታስ ቦንቾ ካላቻኔ ፑላ ኣኪሊሌ ጊዳና።

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።