Siiqo Saba 1:3 - ጋሞ ማጻፋ

³ ኔ ቲዬቲዛ ሺቶይ ኣይ ማላ ሳዊዜ! ኔ ሱንይ ጼይጌቲዛ ዎዴካ ኣይ ማላ ኡፋይሲዜ! ጌላኦቲ ኔና ሄሳ ጊሻስ ሲቄቴስ።

Geeshsha Maxaafa

³ Ne tiyettiza shittoy ay mala sawizee! Ne sunththay xeygettiza wodekka ay mala ufayssizee! Geela7oti nena hessa gishshas siiqeettes.

Siiqo Saba 1:3 Referans Kwoze

ኤራንቻታ ማጻፋ 7:1

ሎኦ ሺቶፌ ሎኦ ሱን ኣስ፤ ዬሌታ ጋላሳፌ ሃይቆ ጋላሲ ሎኦ።

ዮሃኒሳ ሚሺራቾ 12:3

ማራማ ዳሮ ኣልኦ ዋጋራ ሻሜቲዳ ባጋ ሊቲሮ ጊዲዛ ጌሻ ናርዶሴ ሺቶ ኤካ ያዳ ዬሱሳ ቶሆ ቦላ ጉሳዳ ቶሆዛ ባ ሁኤ ቢናናራ ቁጫዱስ። ኬካ ሺቶ ሳዎይ ኩሚዴስ።

Siiqo Saba 4:10

ታስ ሲቆ ሚቾ ጊዲዳ ታ ሚሺራዬ! ኔ ሲቆይ ታና ኣይ ማላ ኡፋይሲዜ! ኔ ሲቆይ ዎይኔ ኡሻፌ ኣ ኡፋይሴስ፤ ኔ ሺቶይ ኡባፌካ ኣዲ ሳዌስ።

ዮሃኒሳ ኣጁታ 14:4

ሄይቲ ማቾንታይታ ጊዲዳ ጊሻስ ኢስቲ ማጫራ ኣቂዲ ቱንቤቴና፤ ኢስቲ ዶርሳይ ቢዛሶ ኢዛ ካሌቴስ፤ ኢስቲ ጾሳሲኔ ኢዛ ዶርሳዛስ ኣሳ ጋርሳፌ ጼራ ካ ማላ ሺቂዳይታ።

ፒሊጲሲዮሴ ኣሳስ 4:18

ታስ ኮሺዛይሳኔ ታና ኮሺዛይሳፌካ ቦላራ ኤካዲስ፤ ኢንቴ ታስ ዬዲዳ ማዶ ሚሻ ኣፍሮዲጾ ኩሼፔ ኤኪን ታ ፓጬይ ኩሚዴስ፤ ሃይሲ ዳሮፔ ጾሳ ኣቻን ኤኬቲዳ ዳሮ ሎኦ ሳዊዛ ያርሾ ማላ።

ዬ ማጻፋ 133:2

ሄሲ ኣሮኔ ሁኤን ቲጊን ቡቻራ ቢዲ ኢዛ ማይኦ ማጫራ ጋካናስ ጎጊዲ ሳዎ ቱኑ ጊዛ ኣልኦ ዛይቴ ማላ።

ዬ ማጻፋ 45:14

ባ ኣሌቆ ማይኦዛ ማይኣዳ ካዎዛኮ ባዉስ፤ ኢዚ ላጌ ጊዲዳ ጌላኦቲ ኢዞ ኣዣቢ ኢዛስ ኤኪ ዪዳ።

Maatosa 25:1

«ሄ ዎዴ ሳሎ ካዎቴያ ሚሺራ ሞካናስ ጾምፔ ኦይኪዲ ኬዚዳ ታሙ ጌላኦታ ሚሳታዉስ።

ኢሳያሳ ቲንቢቴ 61:3

ቃሴካ ጺዮኔን ካዮቲዛይታ ዶሺሳና ማላ፥ ቢዲን ጊሻስ ፑላቴ ካላቻ፤ ዬሆ ጊሻስ ኡፋይሳ ዛይቴ ኢስታ ሁኤን ታ ጉሳና ማላ፥ ጬጬ ኣያና ጊሻስ ጋላታ ሴሎ ታ ኢስታ ቦላ ጎጳና ማላ ታና ኪቲዴስ፤ ኢስቲካ ኢዛ ቦንቾ ቆንጪሳና ማላ ጎዳይ ቶኪዳ ጺሎ ሚ ጌቴቲ ጼይጌታና።

Siiqo Saba 5:13

ኢዛ ሻጋላቲ ማልኢዛ ሳዎ ማታታ ማላ፤ ዱማ ዱማ ቂማሜቲ ቶኬቲዳ ኣታኪልቴሶ ሚሳቴቴስ፤ ኢዛ ሜቴርሻቲ ካርቤ ሺቶይ ጾኪዛ ሱፌ ጪሻ ማላ ሎኤቴስ።

2ቆሮንቶሴ ኣሳስ 11:2

ኢሲ ጌሎንታ ጌሻ ጌላኦያ ባ ጌላኦቴን ኢሲ ኣዚናስ ጊጊዛ ማላ ታኒካ ኢንቴና ኪርስቶሳስ ጊግሲዳ ጊሻስ ታ ኢንቴ ጊሻስ ሎኦ ቆፋ ቆፓይስ።

Siiqo Saba 3:6

«ካርቤፌ፥ ኤጻኔፔኔ ዛልኣንቻታ ሳዎፔ ጊጌቲዳ ሺቶ ማላ ሳዎ ቱኑ ጋሼኔ ጩዋ ማላ ቱሉ ጋሼ ባዞራ ዪዛራ ሃና ኢዛ ኦኔ?

ሌሚሶ ማጻፋ 27:9

ሺቶይኔ ኤጻኔይ ኣስ ኡፋይሲዛይሳ ማላ፥ ሲቆ ላጌ ዞሬይካ ኡፋይሴስ።

Siiqo Saba 5:5

ሄሳፌ ጉዬ ታ ሲቆዛስ ካሬ ዶያናስ ዴንዳዲስ፤ ካሬዛ ዶያና ታ ኦይኪሺን ታ ኩሼፔ ካርቤይ ጾኬቲዴስ፤ ታ ቢራታፔካ ሺቶይ ጎጊዴስ።

ኬሳ ማጻፋ 33:12

ሙሴይ ጎዳስ፥ «ኔኒ ታና፥ ‹ሃይሳ ኣሳ ካሌ› ጋዳሳሺን ታናራ ኔኒ ኦና ኪቲዛኮ ታና ኤሪሳቤካ። ኔኒ፥ ‹ታኒ ኔና ኔ ሱንን ኤራይስ፤ ኔኒ ታ ሲንን ሳቤቲዳ ኣሳ› ጋዳሳ።

Siiqo Saba 6:8

ኡሱፑን ታሙ ማጫ ካዎቲ፥ ኦስፑን ታሙ ላጌ ማጫሳቲ፥ ቃሴ ቆዳይ ባይንዳ ጌላኦቲ ዴቴስ።

ኬሳ ማጻፋ 33:19

ጎዳይ፥ «ታኒ ታ ሎኤቴ ኡባ ኔ ሲንራ ኣና፤ ታ ጌሻ ሱንካ ኔ ኣቻን ኣዋጃና። ታኒ ጎዳ፤ ታኒ ማራናስ ኮይዛይታ ማራና፤ ቃሴ ሚሼታናስ ኮይዛይታስካ ሚሼታና።