ኡሩቲ ማጻፋ 4:10 - ጋሞ ማጻፋ

¹⁰ ቃሴ ሃይቂዳይሳ ሱን ኢስታሶ ኣሳ ሱን ጊዶፌ ዎይኮ ካታማ ኣሳ ማዝጋባፔ ዮንታ ማላ፥ ኢዛ ሱን ኢዛ ጺንጾ ጋዴን ጼይጌታና ማላ ሞኣቤ ዴሬ ማጫሲዮ ማሃሎኔ ማቾ ኡሩቶ ታ ኤካዲስ፤ ሄሳስካ ሃች ኢንቴ ማርካ» ጊዴስ።

Geeshsha Maxaafa

¹⁰ Qasse hayqqidayssa sunththi isttaso asaa sunththa giddofe woykko katama asaa mazgabaappe dhayontta mala, iza sunththi iza xinxxo gaden xeygettana mala Mo7aabe dere maccassiyo Mahaloone machcho Uruto ta ekkadis; hessaska hach intte markka» gides.

ኡሩቲ ማጻፋ 4:10 Referans Kwoze

ዛሬ ማጻፋ 25:6

ቃሴካ ኢስታፌ ዬሌቲዳ ኮይሮ ናይ ኢስራኤሌ ቢታን ሃይቂዳዴ ሱንይ ዮንታ ማላ ካሴ ሃይቂዳ ኢሻስ ና ጊዶ።

ኤፌሶኔ ኣሳስ 5:25

ኣዚናቶ! ኪርስቶሲ ዎሳ ኬዮ ሲቂዳ ማላኔ ባና ኢዚ ጊሻስ ኣ ኢሚዳ ማላ ኢንቴካ ኢንቴ ማቼታ ሲቂቴ።

Ibirawe 13:4

ኤኮይ ጌሎይ ኡባ ኣሳ ኣቻን ቦንቼቶ፤ ኢንቴ ሂ ጌሽ ጊዶ፤ ጋሶይካ ላይማ ኣሞይ ዲዛይታ ቦላኔ ላይማቲዛይታ ቦላ ጾሲ ፒርዳና።

ሚልካሳ ቲንቢቴ 2:14

ኢንቴካ፥ «ኢዚ ኣዛስ ኑ ያርሾዛ ኤኮንታ ኢጺዴ?» ጊዲ ኦይቻና፤ ሄሲካ ሃኒዳይ ኢንቴ ጫቆን ኤኬቲዳ ናቴቴ ማቼታራ ጫቄቲዳ ቃላ ኢንቴ ኣማኔቶንታ ላሊዳ ጊሻሳ፤ ጎዳ ጾሲ ኢንቴ ጊዶን ማርካ።

ዛካራሳ ቲንቢቴ 13:2

«ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና።

ሆሴኤ ቲንቢቴ 12:12

ያቆቤይ ሜስጴጾሚያ ባቃቲዴስ፤ ኢስራኤሌይ ማቾ ኤካናስ ሄን ሃጋዚዴስ፤ ኢዚስ ኢማና ጪሎሻ ጊሻስ ዶርስ ሄሚዴስ።

ሆሴኤ ቲንቢቴ 3:2

ሄሳ ጊሻስ ታ ኢዞ ታማኔ ኢቻሹ ሳቂሌ ቢራኒኔ 150 ኪሎ ባንጋን ሻማዲስ።

ኢሳያሳ ቲንቢቴ 48:19

ኔ ዜሬ ኣባ ሻሚንታ ማላ፥ ኔ ናይቲካ ቆዳይ ባይንዳ ጉዱላ ማላ ጊዳናሺን፤ ኢስታ ሱን ቁጬቴና፤ ታ ሲንፌ ዬቴናሺን» ጌስ።

ሌሚሶ ማጻፋ 19:14

ኬኔ ኣቆታይ ዬሊዳይታፔ ላቴቴስ፤ ኣኬካራ ዲዛ ማቻ ጎዳፔ ቤታዉስ።

ሌሚሶ ማጻፋ 18:22

ማቾ ዴሚዳ ኣሲ ሎኦ ሚሽ ዴሜስ፤ ሄሳዴይ ጎዳፔ ቦንቾ ኤኬስ።

ዬ ማጻፋ 109:15

ኢስታ ናጋራይ ጎዳ ሲንን ኡባቶ ቤቶ፤ ኢስታ ኣኬኪሲዛ ሚሺ ቢታ ቦላ ዶፖ።

ዬ ማጻፋ 34:16

ኢስታ ሃሳኢሲዛ ሚሽ ቢታፌ ይሳና ማላ፥ ጎዳይ ኢታ ኦዛይታ ባ ሃንቆ ኣይፌን ጼሌስ።

ኢያሶ ማጻፋ 7:9

ካናኔ ኣሳይኔ ሃ ቢታን ዲዛ ሃራ ኣሳይ ዉሪ ሃ ዮኦዛ ሲዪዲ ኑና ዶዳና፤ ቢታ ቦላፌ ኑ ሱን ይሳና፤ ሂስቲን ኔ ጊታ ሱን ጊሻስ ጋዳ ኔ ኣይ ኦኔ?» ጊዴስ።

ሜቴ ማጻፋ 29:27

ሄ ሚሺራቴ ሳሚንታ ኡባ ዉርሳ፤ ቃሴ ካሎቲዛሮካ ኑኒ ኔስ ኢማና፤ ሄሳፌ ጉዬ ሃራ ላፑን ላይ ታስ ኦሳ» ጊዴስ።

ኡሩቲ ማጻፋ 4:9

ቦኤዜይ ጪማታሲኔ ዴሬ ኡባስ፥ «ታኒ ኣቢሜሌኬ ኣቆታኔ ኢዛ ናይታ ኬሎኔኔ ማሃሎኔ ኣቆታ ኡባ ኑሃሚፔ ሻሚዳይሳስ ሃች ኢንቴ ዉሪካ ማርካ።

ሜቴ ማጻፋ 38:9

ጊዶ ኣቲን ኦናኔይ ዬሌቲዛ ናይቲ ባስ ጊዶንታይሳ ኤሪዲ ባ ኢሻ ማቼይራ ኣቂዛ ዎዴ ኣይዴካ ባ ኢሻስ ናይ ዬሌቶንታ ማላ ባ ዜሬ ቢታን ጉሴስ።