ኦሮሜ ኣሳስ 9:18 - ጋሞ ማጻፋ

¹⁸ ሄሳ ጊሻስ ጾሲ ማራና ኮይዛዴ ማሬስ፤ ኢዛ ዎዚና ሙሚሳና ኮይዛዴ ዎዚና ሙሚሴስ።

Geeshsha Maxaafa

¹⁸ Hessa gishshas Xoossi maarana koyzaade maarees; iza wozina muumisana koyzaade wozina muumisees.

Gamo Geesha Maxxafa New Testamen

¹⁸ Hessa gish Xooss marana koyzade maares. Iza wozina muumisana koyzade wozana muumises.

ኦሮሜ ኣሳስ 9:18 Referans Kwoze

ኢያሶ ማጻፋ 11:20

ጎዳይ ሙሴ ኣዛዚዳ ማላ ኢያሶይ ኢስታስ ቃቶንታ ኡባ ዎዴስ። ጋሶይካ ኢስቲ ኢስራኤሌታራ ኦሌታና ማላ ጎዳይ ኢስታ ዎዚና ዳሚሲዴስ።

ኬሳ ማጻፋ 4:21

ጎዳይ ሙሴ፥ «ኔኒ ጊብጼ ሲማዳ ቢዛ ዎዴ ታኒ ኔስ ኢሚዳ ዎልቃን ኔኒ ኦና ማላታታ ኡባ ጊብጼ ካዎ ፓሮኔ ሲንን ኔኒ ኦናይሳ ባሎፓ። ሂስቲንካ ኢዚ ኣሳ ዬዶንታ ማላ ታኒ ኢዛ ዎዚና ሙሚሳና።

ዛሬ ማጻፋ 2:30

ካዎ ሲሆኔይ ቃሴ ኑኒ ኢዛ ዴሬራ ኣ ባና ማላ ኮዪቤና፤ ጋሶይካ ጎዳ ኢንቴ ጾሳይ ሃች ኢንቴ ቤኢዛይሳ ማላ ኢዛ ኢንቴ ኩሼን ኣ ኢማናስ ኢዛ ዎዚና ሙሚሲዲ ኦቶራንቻ ኬሲዴስ።

ኢሳያሳ ቲንቢቴ 63:17

ኣቤት ጎዳዉ፥ ኑኒ ኔ ኦጌፔ ኬዛና ማላ፥ ኑ ዎዚና ቱሊሳዳ ኔስ ያዮንታ ማላ ኣይስ ኦይ? ኔ ኣይሌታ ጊሻስ ጋዳ፥ ኔስ ጺንጾ ጊዲዳ ቆሞታ ጊሻስ ጋዳ ኑኮ ሲማ።

ኬሳ ማጻፋ 7:13

ጊዲኮካ ጎዳይ ዮቲዳ ማላ ካዎዛ ዎዚናይ ሚኒዳ ጊሻስ ኢዚ ኢስታ ዮኦ ሲዮንታ ኢጺዴስ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ኬሳ ማጻፋ 7:3

ጊዶ ኣቲን ታኒ ካዎዛ ዎዚና ሚንና፤ ታኒ ጊብጼ ቢታን ታ ማላታኔ ማላሊሲዛ ሚሽ ዳርሳ ኦኮካ፥

ኬሳ ማጻፋ 9:12

ጊዶ ኣቲን ጎዳይ ሙሴስ ጊዳ ማላካ ካዎዛ ዎዚና ሚንዳ ጊሻስ ሙሴይኔ ኣሮኔይ ዮቲዛይሳ ካዎዚ ሲዮንታ ኢጺዴስ።

ኬሳ ማጻፋ 10:1

ሄሳፌ ጉዬ ጎዳይ ሙሴስ፥ «ጊብጼ ካዋኮ ጉዬ ሲማ ባ፤ ኣይስ ጊኮ ታኒ ጊብጼ ኣሳ ዎስታ ቃጻይዳኮኔ ማላታ ኢስታ ጊዶን ዎስታ ኦዳኮ ኢንቴ ኢንቴ ናይታሲኔ ኢንቴ ናይታ ናይታስ ዮታና ማላ፥ ቃሴ ኢንቴካ ታኒ ጎዳ ጊዲዳይሳ ኤራና ማላ፥ ታ ማላታ ኢስታ ጊዶን ኦናስ ኢዛ ዎዚናኔ ዳናታ ዎዚና ሚን ዎዲስ» ጊዴስ።

ኬሳ ማጻፋ 10:20

ጊዲኮካ ጎዳይ ካዎዛ ዎዚና ሚንዳ ጊሻስ ኢስራኤሌ ናይታ ዬዶንታ ኢጺዴስ።

ኬሳ ማጻፋ 10:27

ጊዶ ኣቲን ጎዳይ ካዎዛ ዎዚና ሚንዳ ጊሻስ ኢዚ ኢስታ ዬዳናስ ኮዪቤና።

ኬሳ ማጻፋ 11:10

ሙሴይኔ ኣሮኔይ ሃይታ ማላታታ ኡባ ካዎዛ ሲንን ኦኮካ ጎዳይ ካዎዛ ዎዚና ሚንዳ ጊሻስ ኢዚ ኢስራኤሌ ናይታ ባ ዴሬፔ ዬዶንታ ኢጺዴስ።

ኬሳ ማጻፋ 14:4

ታኒ ካዎዛ ዎዚና ሚንና፤ ኢዚ ኢስታ ጎዳና፤ ታኒ ካዎዛ ባጋራኔ ኢዛ ኦላንቻታ ኡባ ባጋራ ቦንቼታና፤ ጊብጼ ኣሳይካ ታኒ ጎዳ ጊዲዳይሳ ኤራና» ጊዴስ። ሂስቲን ኢስራኤሌ ኣሳይ ኢዚ ዮቲዳ ማላ ኦዴስ።

ኬሳ ማጻፋ 14:17

ታኒ ጊብጼ ኣሳ ዎዚና ሚንኮ ኢስቲ ኢንቴ ጉዬ ካሊዲ ኣባን ጌላና። ታኒ ካዎዛኔ ኢዛ ኦላንቻታ ኡባ ቦላ፥ ኢዛ ፓራ-ጋሬታኔ ቶጋ ኣሳታ ቦላ ታስ ቦንቾ ዴማና።

ዮሃኒሳ ሚሺራቾ 12:40

«ኢስቲ ባ ኣይፌን ቤኢዲ፥ ባ ዎዚናን ዩሺ ቆፒዲ፥ ሲሞንታ ማላኔ ኢዚ ኢስታ ፓንታ ማላ ጾሲ ኢስታ ኣይፌ ቆቂሲዴስ፤ ኢስታ ዎዚናካ ሙሚሲዴስ» ጊ ጻፊዳ ጊሻሳ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ኬሳ ማጻፋ 9:7

ካዎዚ ሃ ዮኦዛ ፓጫናስ ኣስ ኪቲዲ ኢስራኤሌ ናይታ ሜሄፔ፥ ሃራይ ኣቶሺን ፔጺ ኢሲናካ ሃይቆንታይሳ ኤሪዴስ። ጊዲኮካ ካዎዛ ዎዚናይ ሚኒዳሶፔ ሲሞንታ ኢጺዳ ጊሻስ ኣሳ ዬዶንታ ኢጺዴስ።