ኦሮሜ ኣሳስ 7:25 - ጋሞ ማጻፋ

²⁵ ኑ ጎዳ ዬሱስ ኪርስቶሳ ባጋራ ጋላታይ ጾሳስ ጊዶ። ሂስቲኮ ታኒ ታ ባጋራ ታ ቆፋን ጾሳ ዎጋስ ኣይሌ ጊዳሼ ታኒ ሜቴ ዎጋን ናጋራ ዎጋስ ኣይሌ።

Geeshsha Maxaafa

²⁵ Nu Godaa Yesus Kirstoosa baggara galatay Xoossas gido. Histtiko tani ta baggara ta qofan Xoossa wogaas aylle gidashe tani ta medheteththa wogan nagara wogas aylle.

Gamo Geesha Maxxafa New Testamen

²⁵ Nu Goda Yesus Kiristoosa baggara galatay Xoossas gido. Histinkko tani ta baggara ta qofan Xoossa wogasi aylle gidashe tani Ta medhetetha wogan nagara wogas aylleko.

ኦሮሜ ኣሳስ 7:25 Referans Kwoze

ቆላሲያሴ ኣሳስ 3:17

ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።

1ጴጽሮሳ ኪታ 2:5

ኢንቴ ጎዳ ዬሱሳኮ ሺቃናይካ ዴኦ ሹቻ ማላ ጺሎ ኣያና ዱሳሶ ጊዳና ማላ ኦሴቴታ፤ ሄሳካ ኢንቴ ዬሱስ ኪርስቶሳ ባጋራ ኡፋይሲዛ ኣያና ያርሾ ጾሳስ ሺሻናስ ጌሻ ቄሴታ ጊዳንዴታ።

ኢሳያሳ ቲንቢቴ 49:13

ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

1ቆሮንቶሴ ኣሳስ 15:57

ጊዶ ኣቲን ጎዳ ዬሱስ ኪርስቶሳ ባጋራ ኑስ ጾኖ ኢሚዛ ጾሳስ ጋላታይ ጊዶ።

ኦሮሜ ኣሳስ 6:17

ኢንቴ ካሴ ናጋራስ ኣይሌታ ጊዲኮ ኢንቴስ ኢሜቲዳ ቲሚርቴዛስ ኢንቴ ዎዚናፔ ኣዛዜቲዳ ጊሻስ ጾሲ ጋላቴቶ።

ኦሮሜ ኣሳስ 6:14

ኢንቴ ጾሳ ኪያቴ ጋርሳን ዴታ ኣቲን ዎጋ ጋርሳን ዶንታ ጊሻስ ኢንቴና ናጋራይ ሃሬና።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

ፒሊጲሲዮሴ ኣሳስ 3:3

ቱሙ ቃጻሬቲዳይቲ፥ ጾስ ዎሲዛይቲ፥ ዬሱስ ኪርስቶሳን ጬቂዛይቲ፥ ኣሾን ጬቄቶንታይቲኔ ኣሾንካ ኣማኔቶንታይቲ ኑና።

2ቆሮንቶሴ ኣሳስ 9:15

ኣሳ ቃላን ቆንጪሴፌ ቦላ ጊዲዳ ጾሳ ኢሞቴ ጊሻስ ጾሲ ጋላቴቶ።

Maatosa 1:21

ኢዛ ኣቱማ ና ዬላና፤ ኢዚ ኣስ ናጋራፔ ኣሻናዴ ጊዲዳ ጊሻስ ኢዛ ሱን ኔ፥ ‹ዬሱሳ› ጋ ሱንና» ጊዴስ።

ኢሳያሳ ቲንቢቴ 49:9

ኔኒ ዲኤቲዳይታ፥ ‹ሃ ኬዚቴ!› ማን ዲዛይታ፥ ‹ፖኦን ኬዚቴ› ጋና ማላ ታ ኦዲስ። ኢስቲ ኦጌይ ዲዛሶን ዲዛሶን ካ ማና፤ ኣይኮይ ባይንዳ ዙምቡላ ቦላ ሄሜቲዛሶ ዴማና።

ኢሳያሳ ቲንቢቴ 12:1

ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።

ፒሊጲሲዮሴ ኣሳስ 4:6

ሃኒዛ ዮኦን ኡባን ጋላታን፥ ዎሳኒኔ ጋናቴን ጾሳ ሲን ሺቂቴ ኣቲን ኣይ ሚሻንካ ሂርጎፍቴ።

ኤፌሶኔ ኣሳስ 5:20

ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

ኦሮሜ ኣሳስ 8:2

ጋሶይካ ዴኦ ኣያና ዎጋይ ዬሱስ ኪርስቶሳ ባጋራ ናጋራፔ ኢስታ ጌሺዳ ጊሻሳ።