ኦሮሜ ኣሳስ 2:2 - ጋሞ ማጻፋ

² ሃይታ ማላታ ኦዛ ኣሳታ ቦላ ጾሳ ፒርዳይ ሊኬ ጊዲዳይሳ ኑ ኤሮስ።

Geeshsha Maxaafa

² Hayta malaata ooththiza asata bolla Xoossa pirday likke gididayssa nu eroos.

Gamo Geesha Maxxafa New Testamen

² Hayta malata oothiza asata bolla Xoossa piriday liike gididayssa nu erossi

ኦሮሜ ኣሳስ 2:2 Referans Kwoze

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዬ ማጻፋ 145:17

ጎዳይ ባ ኦጌ ኡባን ጺሎ፤ ኢዚ ባ ኦሶ ኡባን ኪያ።

ኤርማሳ ቲንቢቴ 12:1

ኣቤት ጎዳዉ! ታኒ ኔናራ ፓላሜቲዛ ዎዴ ኡባንካ ኔ ጺሎ። ኢታ ኣሳቲ ኦዛይሲ ኢስታስ ኣይስ ኢንጄቲዜ? ኣማኔቶንታይቲ ኣይስ ኢሻሎ ዱስ ዲዞ?

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።

ዮሃኒሳ ኣጁታ 19:2

ኢዛ ፒርዳይ ቱማኔ ኣዳ፤ ኢዛ ቢታ ባ ላይማቴን ቱኒሲዳ ዎጋ ጊታ ላይማዮ ኢዚ ባ ፒርዳን ቃጻይዴስ፤ ኢዞ ቃጻይዲ ባ ኦሳንቻታ ሱ ሃሎ ኬሲዴስ» ጊሺን ታ ሲያዲስ።

ዮሃኒሳ ኣጁታ 16:5

ሃ ቦላ ኢዛስ ጎዳቴ ዲዛ ኪታንቻዚ፥ «ካሴካ ሃኢካ ዲዛ ጌሻ ጎዶ! ኔኒ ሄሳ ፒርዲዳ ጊሻስ ኔኒ ቱማንቻ።

ኦሮሜ ኣሳስ 9:14

ሂስቲን ኑ ሃኢ ኣይ ጊኖ? ጾሲ ቤሶንታ ኦጌራ ማዲ ኤሪዜ? ሙሌካ ማዲ ኤሬና።

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

ሃዋሬታ ኦሶ 17:31

ኢዚ ባ ዶሲዳዴ ባጋራ ቢታ ቦላ ጺሎቴን ፒርዳና ጋላስ ባሬ ዎዴስ። ኢዛካ ሃይቆፔ ዴንዲ ኣስ ኡባስ ሃይሳ ቱማቴ ኤሪሲዴስ።

ዳኔላ ቲንቢቴ 4:37

«ሄኮ ቤኢቴ! ታኒ ናቡካዳናጾሬይ ሳሎ ካዎስ ጋላታ፥ ቦንቾኔ ሳባ ሺሻይስ፤ ኢዛ ኦሶ ኡባይ ሊኬ፤ ኢዛ ኦጌይካ ሱሬ፤ ኦቶራንቻታ ኢዚ ካዉሻናስ ዳንዳዬስ» ጊዴስ።

ሂዚቄላ ቲንቢቴ 18:29

ኢስራኤሌ ኣሳይ ጊዲኮ፥ ‹ጎዳ ኦጌይ ሱሬ ጊዴና› ጊዳ። ኢንቴኖ ኢስራኤሌ ኣሳቶ! ታ ኦጌይ ሱሬ ጊዴኔ? ጌላይ ኢንቴ ኦጌ ጊዴኔ?

ሂዚቄላ ቲንቢቴ 18:25

«ኢንቴ ጊዲኮ፥ ‹ጎዳ ኦጌይ ሱሬ ጊዴና› ጌታ። ኢንቴኖ ኢስራኤሌ ኣሳቶ! ሃኢ ሲዪቴ! ታ ኦጌይ ሱሬ ጊዴኔ? ጌላይ ኢንቴ ኦጌ ጊዴኔ?

ኢሳያሳ ቲንቢቴ 45:21

ኣኔ ኢንቴ ሞቶ ዮቲቴ፤ ሺሺቴ፤ ኢስቲ ኣኔ ኢሲፌ ሺቂዲ ዞሬቴቶ። ሃይሳ ኮይሮቲዲ ኣዋጂዳይ ኦኔ? ቤኒ ዮቲዳይ ኦኔ? ታና ጎዳ ጊዲኪና? ጺሎይኔ ኣሺዛ ጾሲ ታፔ ኣቲን ሃራይ ዴና።

ኢሳያሳ ቲንቢቴ 45:19

ታ ማ ቢታን ጌማን ዮታቤኬ፤ ያቆቤ ዜሬታስ፥ «ታና ጮ ሃዳ ኮዪቴ» ጋቤኬ። ታኒ ጎዳይ ቱማ ሃሳያይስ፤ ሱሬ ዮኦ ኣዋጃይስ።

ዬ ማጻፋ 9:4

ኔኒ ታስ ጺሎ ፒርዳ ፒርዳዳሳ፤ ኔኒ ጺሎቴን ፒርዳሼ ኔ ካዎቴ ኣራታን ኡታዳሳ።

ኢዮቤ ማጻፋ 34:23

ጾሲ ኣሳ ቦላ ፒርዳናስ ባሬ ኢሜና።

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

ኦሮሜ ኣሳስ 2:1

ሄሳ ጊሻስ ኔኖ ሃራ ቦላ ፒርዲዛይሶ ኔኒ ታ ሃኒ ጋሶን ኦዲስ ጊዛ ጋሶይካ ኔስ ዴና፤ ኔ ሃራ ኣሳ ቦላ ፒርዲዛይሳን ኔርካ ኔስ ኩናኔ ኤካሳ፤ ጋሶይካ ሃራ ኣሳ ቦላ ኔ ፒርዲዛይሳ ኔካ ዛራዳ ኢዛ ኦዛ ጊሻሳ።

ኦሮሜ ኣሳስ 2:3

ሄሳ ጊሻስ ኔ ኣሳ ቦላ ፒርዳሼ ሄ ኔ ፒርዲዛይሳ ዛራ ኦዛዴ ጊዲኮ ኔ ጾሳ ፒርዳፌ ኬሳ ኤካ ኣታና ኔስ ሚሳቲዜ?