ኦሮሜ ኣሳስ 11:25 - ጋሞ ማጻፋ

²⁵ ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

Geeshsha Maxaafa

²⁵ Ta ishatoo! Intte cincca as gididayssa inttes misatontta mala hayssa giddo xuura yo7oza intte erontta attana mala ta koykke. Hessika Ayzaabetappe xeygettidayti wuri ammanana gakkanaas Isra7eele nayta wozinay muumides.

Gamo Geesha Maxxafa New Testamen

²⁵ Ta ishato, inte ciincca asi gididayssa intes milatontta mala hayssa gido xuura yooza inte erontta attana mala ta koyke. Hesikka hiniko dere asape xeygetidayti wuri ammanana gakanaas Isiraa7eele nayta wozinay muumides.

ኦሮሜ ኣሳስ 11:25 Referans Kwoze

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።

ኦሮሜ ኣሳስ 16:25

ታኒ ዮቲዛ ሚሺራቾ ቃላይ ዬሱስ ኪርስቶሳ ጊሻስ ዮቴቲዛ ኪታይኔ ቤኒ ዎዴፔ ዶሚዲ ቆታን ጋምኢዲ ሃኢ ቃሴ ቆንጪዳ ቱማ ጹራ ባጋራ ኢዚ ኢንቴና ኣማኖን ኤሳናስ ዳንዳዬስ።

ኦሮሜ ኣሳስ 12:16

ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።

ዮሃኒሳ ኣጁታ 10:7

ጊዶ ኣቲን ላፑን ኪታንቻይ ባ ዛዬዛ ፑኒ ሲሲዛ ጋላሳታን ኢዚ ባ ኦሳንቻታሲኔ ናቤታስ ኤሪሲዳ ማላ ጾሳ ጹራይ ፖሌታና» ጊዴስ።

ዮሃኒሳ ኣጁታ 7:9

ሄሳፌ ጉዬ ታ ጼሊሺን ቆዳይ ባይንዳ ዳሮ ዴሬይ ዲዛይሳ ቤያዲስ፤ ሄይታንቲካ ዴሬፔ፥ ዱማ ዱማ ቆሞፌ፥ ዱማ ዱማ ዛርኬፌኔ ዱማ ዱማ ቃላ ሃሳይዛይታፔ ሺቄቲዳይታ። ሄይቲ ዉሪ ቦ ማይኦ ማይኢዲ ዛምባ ሃይ ባ ኩሼን ኦይኪዲ ኣልጋ ሲንኒኔ ዶርሳዛ ሲንን ኤቂዳ።

ኤፌሶኔ ኣሳስ 3:9

ሄሳካ ኡባ ሜዳ ጾሳን ቤኒ ዎዴ ቆቴቲ ዲዛ ጾሳስ ጹራ ቆፋይ ኣዛኮ ኡባስ ታ ቆንጪሳና ማላ ታስ ጾሳ ኪያቴ ኢሜቲዴስ።

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

2ጴጽሮሳ ኪታ 3:8

ታ ሲቆቶ! ኢንቴ ጊዲኮ ጎዳ ኣቻን ኢሲ ጋላሲ ሺ ላይ ማላ፤ ቃሴካ ሺ ላይ ኢሲ ጋላሳ ማላ ጊዲዳይሳ ሄሳ ሄ ሃኖዛ ባሎፒቴ።

1ቆሮንቶሴ ኣሳስ 10:1

ታ ኢሻቶ! ካሴ ኑ ኣዋቲ ሻራይ ኢስታፌ ቦላራ ጊዲዲ ካሌዳይሳ ማላኔ ኢስቲ ዉሪካ ዞኦ ኣባ ፒኒዳይሳ ታ ኢንቴና ቆፍሳናስ ኮያይስ።

ኦሮሜ ኣሳስ 1:13

ታ ኢሻቶ! ሃራሶን ኣማኖንታይታ ማታን ታስ ሃኒዳ ማላ ኢንቴ ማታንካ ታስ ኦሶ ኣይፌይ ቤታና ማላ ዳሮ ዎዴ ቆፓዲስ ሺን ሃኖ ጋካናስ ታ ዲጌታዳ ዲዛይሳ ኢንቴ ኤራና ማላ ኮያይስ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ኢሳያሳ ቲንቢቴ 5:21

ባንታና ባርካ፥ «ታኒ ኣ ኤራንቻ! ታኒ ቃራ ጊዲኪና!» ጊ ቆፒዛይታስ ኣዬ ኣና!

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

1ቆሮንቶሴ ኣሳስ 12:1

ታ ኢሻቶ! ኣያናይ ኢሚዛ ኢሞታ ጊሻስ ኢንቴ ኢሲ ሚሽ ኤራና ማላ ታ ኮያይስ።

ሌሚሶ ማጻፋ 26:16

ኣዛላ ኣሲ ኣኬካን ዮቲዛ ላፑን ኤራንቻታፔ ባና ኣ ኤራንቻ ጊዲ ቆፔስ።

ሌሚሶ ማጻፋ 26:12

ባርካ ባና፥ «ታኒ ኣ ኤራንቻ» ጊዛ ኣስ ቤያዲ? ኢዛፔ ኤያ ኣሳስ ሎኦ ቃዳይ ዴስ።

ዬ ማጻፋ 127:1

ጎዳይ ኬ ኬጾንታ ኣጊኮ ኬጺዛይቲ ጮ ሜላ ዳቡሬቴስ፤ ጎዳይ ካታማ ናጎንታ ኣጊኮ ናጊዛይቲ ጮ ሜላ ዳፌቴቴስ።

ዬ ማጻፋ 107:43

ኤራ ኣሲ ሃ ዮኦዛ ባ ዎዚናን ዎ፤ ኢዚካ ጎዳ ማሮቴ ኣኬኮ።

Maatosa 13:11

ኢዚካ ኢስታስ፥ «ሳሎ ካዎቴ ጹራ ኤሮይ ኢንቴስ ኢሜቲዴስ፤ ኢስታስ ጊዲኮ ኢሜቲቤና።

ዮሃኒሳ ሚሺራቾ 10:16

ሃይሳ ሃ ዶርሳ ዪሬን ጌሎንታይቲ ታስ ሃራ ዶርሳቲ ዴቴስ፤ ታ ኢስታካ ሃ ኤሃናስ ታስ ቤሴስ፤ ኢስቲካ ታ ቃላ ሲያናኔ ኢሲ ሜሄ ጊዳና። ሄሚዛይሲካ ኢሳዴ ጊዳና።

ኦሮሜ ኣሳስ 9:18

ሄሳ ጊሻስ ጾሲ ማራና ኮይዛዴ ማሬስ፤ ኢዛ ዎዚና ሙሚሳና ኮይዛዴ ዎዚና ሙሚሴስ።

ኦሮሜ ኣሳስ 11:12

ጊዶ ኣቲን ቃሴ ኢስታ ሞሮይ ኣይዛቤታስ ኣንጆ ጊዲዴስ። ኢስታ ኩንዴካ ቃሴ ኣይዛቤታስ ኣንጆ ጊዲኮ ኢስቲ ሲሚ ኣቲዳኮ ኣይ ማላ ጊታ ኣንጆ ጊዳንዴሺን!

ኦሮሜ ኣሳስ 11:24

ኢንቴ ባዞ ዎጋራ ሚፌ ቃንጼቲ ካሴ ኢንቴ ሜቴፌ ጊዶንታ ሎኦ ሚን ኢንቴ ጌላና ዳንዳይኮ ኮይሮፔ ባ ሜቴ ሃጋታ ጊዲዳይቲ ሄይቲ ካሴ ኢዛ ቦላ ዲዛ ዎጋራ ሚን ሲሚ ጌሎይ ኢስታስ ዋኒ ሃኔኔ?

1ቆሮንቶሴ ኣሳስ 2:7

ጊዶ ኣቲን ኑ ሃሳይዛይ ካሴ ቆቴቲ ዲዛ ጾሳ ጹራ ኤራቴ፤ ሄ ኤራቴይ ጾሲ ዳሮ ዎዴፔ ካሴ ኑና ቦንቾስ ካሴቲዲ ጊግሲ ዎዳይሳ።

1ቆሮንቶሴ ኣሳስ 4:1

ሄሳ ጊዲዳ ጊሻስ ኣሲ ዉሪካ ኑና ኪርስቶሳ ኦሳንቻታ ማላኔ ጾሳ ጹራ ቆንጪሳናስ ሃዳራ ኤኪዳ ኣሳ ማላ ቆዳናስ ቤሴስ።

ኤፌሶኔ ኣሳስ 1:9

ጾሲ ቆፒዳ ባ ጹራ ቆፋ ኪርስቶሳ ባጋራ ባ ሎኦ ቆፋ ማላ ኑና ኤሪሲዴስ።

ኤፌሶኔ ኣሳስ 4:18

ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ።

ዮሃኒሳ ኣጁታ 1:20

ኔኒ ታ ኡሻቻ ኩሼን ቤኢዳ ላፑን ጾሊንቴታኔ ጾምፔ ኢስታ ቦላ ዎዛ ዎርቃፌ ኦሴቲዳ ላፑን ባላታ ጹራይ ሄኮ ሃይሳ፤ ላፑን ጾሊንቴቲ ላፑን ዎሳ ኬ ኪታንቻታ፤ ጾምፔ ኢስታ ቦላ ዎዛ ላፑን ዎርቃ ባላቲ ላፑን ዎሳ ኬታ» ጊዴስ።