ኦሮሜ ኣሳስ 11:20 - ጋሞ ማጻፋ

²⁰ ቱሙ ጊዴታሺን ኢስቲ ሜቂዳይ ኣማኖ ፓጬፔ ዴንዲዳይሳና። ኢንቴ ቃሴ ኣማኖን ኤቂዴታ፤ ባቢቴ ኣቲን ኦቶሬቶፍቴ።

Geeshsha Maxaafa

²⁰ Tumu gidetashin istti meqqiday ammano paceppe dendidayssanna. Intte qasse ammanon eqqideta; babbite attiin otorettofte.

Gamo Geesha Maxxafa New Testamen

²⁰ Tumu gidista shin istti meqiday ammano paceppe denididayssankko. Inteka ammanon eqidista. Babbite attin otoretofite.

ኦሮሜ ኣሳስ 11:20 Referans Kwoze

ኦሮሜ ኣሳስ 12:16

ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።

2ቆሮንቶሴ ኣሳስ 1:24

ኢንቴ ኣማኖን ኤቂዳ ጊሻስ ኢንቴና ኡፋይሳናስ ኑ ኢንቴናራ ኦና ኣቲን ኢንቴ ኣማኖ ቦላ ጎዳታናስ ጊዴና።

1ቆሮንቶሴ ኣሳስ 10:12

ሄሳ ጊሻስ ታ ሚና ኤቃ ዳይስ ጊዛዴይ ዲኮ ኩንዶንታ ማላ ባስ ናጌቶ።

1ጴጽሮሳ ኪታ 1:17

ኦናካ ዱማ ሻኪ ማዶንታ ኢሳስ ኢሳስ ኢዛዴ ኦሶ ማላ ፒርዲዛ ጾሳ፥ «ኢዚ ኑ ኣዋ» ጊዲ ኢንቴ ጼይጊኮ ሃይሳ ኣላሜዛን ኢንቴ ኢማኔ ቤቴ ኣስ ጊዲዲ ዲዛ ዎዴ ኡባን ኢዛስ ባቢቴ።

ፒሊጲሲዮሴ ኣሳስ 2:12

ሄሳ ጊሻስ ታ ኢሻቶ! ኢንቴ ካሴ ኡባ ዎዴ ኣዛዜቲዛይታ ጊዲዳ ማላ ሃኢካ ታኒ ማታን ዶንታ ኢንቴፌ ሃሆን ዲኮካ ኢንቴ ኣቶቴይ ኩሜ ጊዳና ማላ ያሻቴኒኔ ቦንቾን ፖሊቴ።

Ibirawe 3:12

ታ ኢሻቶ! ኢንቴፌ ኦኒካ ዴኦ ጾሳፌ ሃራሶ ኢንቴና ሃሲዛ ኢታኔ ኣማኖንታ ዎዚናይ ዶንታ ማላ ናጌቲቴ።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

ቆላሲያሴ ኣሳስ 2:7

ኢንቴ ኢዛን ቶኬቲዲኔ ኬጼቲዲ ኢንቴ ታማርዳ ማላ ኣማኖን ሚኒዲ ዳሮ ቲርፓ ጋላታ ኢዛስ ሺሺሼ ዲቴ።

ኦሮሜ ኣሳስ 11:18

ሄይታ ሄ ሜቂ ዎዳ ሃጋታ ቦላ ኦቶሬቶፋ፤ ኢንቴ ኢስታ ቦላ ኦቶሬቲኮ ቃሴ ሃኖ ዎዚናን ዎቴ፤ ሄ ሚ ቶኪዳይ ኔና ጊዳካ፤ ሚይ ኔና ቶኪዴስ ኣቲን።

2ቆሮንቶሴ ኣሳስ 10:5

ጾስ ኤሮንታ ማላ ጴ ጊዲ ዴንዲዛ ፓላማኔ ኦቶሬቴ ኑ ላሎስ፤ ኣሳ ቆፋ ኡባ ዲኢ ኤኪዲ ኪርስቶሳስ ኣዛዜታና ማላ ኦስ።

ኢምባቆ ቲንቢቴ 2:4

«ሄኮ ኢዚ ኦቶሬቲዴስ፤ ኢዛ ኣሞይ ሱሬ ጊዴና፤ ጺሎ ኣሲ ጊዲኮ ኣማኖን ዴስ።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ሌሚሶ ማጻፋ 28:14

ጎዳስ ኡባቶ ያዪዛ ኣሲ ኣንጄቲዳዴ፤ ጊዶ ኣቲን ባ ዎዚና ዳማሲዛ ኣሲ ሜቶን ጌላና።

ዮሃኒሳ ኣጁታ 18:7

ኢዛ ባስ፥ ባ ቦንቾሲኔ ባስ ጊጋና ማላ ኢሞይሳ ጊና ዋዬኔ ሙዞቴ ኢዚስ ኢሚቴ፤ ኢዛ ባ ዎዚናራ፥ ‹ታኒ ካዎ ማቺ ማላ ኡታዲስ ኣቲን ኣምኢ ማላ ጊዲኬ፤ ታና ሙዞቴ ሙሌካ ጋኬና› ጋዳ ጬቄታዉስ።

ዮሃኒሳ ኣጁታ 3:17

‹ታኒ ዱሬኮ፤ ታስ ዳሮ ሃሮይ ዴስ፤ ታስ ኣይኮይካ ፓጪቤና› ጋሳ ሺን ኔኒ ጊልቃ፤ ኣይኮይ ባይንዳ ሂዬሳ፤ ማንቆ፤ ቆቄኔ ካሎ ዲዛዴ ጊዲዳይሳ ኔ ኤራቤካ።

1ጴጽሮሳ ኪታ 5:12

ታኒ ኢዛን ኣማኔቲዳ ኢሻ ጋ ቆፒዛ ሲልዋኖሳ ባጋራ ሃይሳ ኪታዛ ቃንራ ኢንቴስ ጻፋዲስ፤ ታ ሄሳ ጻፊዳይ ኢንቴና ዞራናሲኔ ሃይሲ ቱሙ ጾሳ ኪያቴ ጊዲዳይሳ ኢንቴስ ቆንጪሳናስ ጋዳኮ፤ ሄሳ ጊሻስ ኢንቴ ሃይሳን ጾሳ ኪያቴን ሚኒ ኤቂቴ።

1ጴጽሮሳ ኪታ 5:9

ኣላሜ ኩሜን ዲዛ ኢንቴ ኢሻቲ ሄሳ ማላ ሜቶ ኤካና ዲዛይሳ ኢንቴ ኤሪዲ ኣማኖን ሚኒ ኤቂዲ ኢዛራ ኤቄቲቴ።

ያቆቤ ኪታ 4:6

ጊዶ ኣቲን ኢዚ ባ ኪያቴ ኑስ ጉጂ ኢሜስ፤ ማጻፋይካ፥ «ጾሲ ኦቶራንቻታራ ኤቄቴስ፤ ኣሽኬታስ ጊዲኮ ባ ኪያቴ ኢሜስ» ጊዳይ ሄሳሳ።

ያቆቤ ኪታ 2:19

ኔ፥ «ኢሲ ጾሲ ዲዛይሳ ኣማናሳ» ሄሲካ ሎኦ፤ ዳይዳንቲካ ሄሳ ማላ ኣማኔቴሲኔ ኬሂ ኮኮሬቴስ።

Ibirawe 4:11

ሄሳ ጊሻስ ኦኒካ ሄይታንታ ማላ ኣዛዜቶንታ ኢጺዳይሳ ሌሚሶ ካሊዲ ኩንዶንታ ማላ ሄ ሼምፖሶዮ ጌላናስ ኣኔ ሚኖስ።

Ibirawe 4:6

ኢዛ ሼምፖሶ ቡሮ ጌላና ኢሲ ኢሲ ኣሳቲ ዴቴስ፤ ካሴ ኢስታስ ሚሺራቾ ቃላይ ሳባኬቲዳይቲ ኣዛዜቶንታ ኢጺዳ ጊሻስ ኢዛ ሼምፖሶ ኢስቲ ጌሊቤቴና።

Ibirawe 3:19

ሄሳ ጊሻስ ኢስቲ ጌሎንታ ኣቲዳይ ኣማኖይ ባይንዳ ጊሻስ ጊዲዳይሳ ኑ ኤሮስ።

2ታሶሎንቄ ኣሳስ 2:4

ኢዚካ ጾስ ጌቴቲ ጎይኔቲዛ ኤቃ ጾሳታ ኡባፌ ቦላራ ባና ቁ ቁ ሂስቲዛዴኔ ጾሳራ ኤቄቲዛዴ፤ ኢዚካ ጾሳ ኬን ኡቲዲ ባና፥ «ታኒ ጾሳ» ጊዲ ኣዋጃ ኣዋጂሳና።

ኦሮሜ ኣሳስ 3:3

ኢስታፌ ኢሶታስ ኢሶታስ ኣማኖይ ባይንዳ ኣጊኮ ጾሳን ኣማኔቴ ዲጊዜ?

ሃዋሬታ ኦሶ 18:6

ጊዶ ኣቲን ኢስቲ ኢዛራ ኤቄቲዲ ኢዛ ጫዪዳ ጊሻስ ጳዉሎሲ ባ ማይኦ ቆቆፊዲ፥ «ታ ኢንቴፌ ጺሎ፤ ኢንቴ ፒርዴታናይ ኢንቴ ሞሮን ጊዲዳ ጊሻስ ታ ኢንቴ ሱ ጎሜን ኦይሼቲኬ፤ ሄሳ ጊሻስ ታ ኣይዛቤታኮ ባይስ» ጊዴስ።

ሉቃሳ ሚሺራቾ 18:14

«ታ ኢንቴስ ዮታይስ፤ ጾሳ ሲንን ፋርሳዌዚ ጺሎቴ ዴሚቤና፤ ሃይሲ ቃራጺዛይሲ ጊዲኮ ጺሊዲ ባሶ ሲሚዴስ፤ ባና ቂሲዛይ ዉሪ ዚቂ ጋና፤ ባና ዚቂሲዛይ ጊዲኮ ቁ ጋና» ጊዴስ።

ሶፎናሳ ቲንቢቴ 3:11

ኢንቴ ታ ቦላ ፖሊዳ ቆሆ ኡባፌ ዴንዲዳይሳን፤ ሄ ጋላስ ዬላቴኬታ፤ ባ ኦቶሬቴን ኡፋዬቲዛይታ፥ ሃኖ ሃ ካታማይፔ ታ ዲጋና። ሄሳፌ ጉዬ ታ ጌሻ ዙማን፥ ኢንቴ ታ ቦላ ኦቶሬቴኬታ።

ኢሳያሳ ቲንቢቴ 7:9

ቃሴ ሳማሪያይ ኤፍሬሜ ቢታስ ሁኤ፤ ኤሮሜሊዮ ናይ ሳማሪያስ ሁኤ፤ ኢንቴ ኢንቴ ኣማኖን ሚኒዲ ኤቆንታ ኢጺኮ ሙሌካ ኤቃናስ ዳንዳዬኬታ» ጌስ።

ኢሳያሳ ቲንቢቴ 2:17

ሞቲዛዴይ ካዉያና፤ ኦቶራንቻይ ኩንዳና፤ ሄ ጋላስ ጎዳይ ጻላ ቁ ቁ ጋና፤

ኢሳያሳ ቲንቢቴ 2:11

ኦቶራንቻ ኣይፌይ ጉካና፤ ሞቲዛይቲ ካዉያና፤ ሄ ዎዴ ጎዳይ ጻላ ቁ ቁ ጋና።

ሌሚሶ ማጻፋ 28:26

ባናን ኣማኔቲዛ ኣሲ ኤያ፤ ጊዶ ኣቲን ኣ ኤራቴን ሄሜቲዛይ ሳሮን ዴኤስ።

ዬ ማጻፋ 138:6

ጎዳይ ቦላ ቃን ዲኮካ ሂዬሳታ ሎኦ ኣይፌን ጼሌስ፤ ጊዶ ኣቲን ኦቶራንቻታ ኢዚ ሃሆፔ ኤሬስ።

2ታሪኬ ማጻፋ 20:20

ኢስቲ ማላዶ ዎንታራ ዴንዲዲ ቴቁሄ ባዞ ባና ኬዚዳ፤ ኢስቲ ኦጌ ኬዚዳ ማላ ኢዮሳፊጼይ ዴንዲ ኤቂዲ፥ «ዩሁዳኔ ዬሩሳላሜ ኣሳዉ ታኒ ጊዛይሳ ኤዝጊ ሲዪቴ፤ ጎዳን ኢንቴ ጾሳን ኣማኔቲቴ፤ ኢንቴ ሚናና፤ ቃሴ ናቤታ ቃላን ኣማኔቲቴ፤ ዮኦ ኡባይ ኢንቴስ ኢንጄታና» ጊዴስ።

1ቆሮንቶሴ ኣሳስ 16:13

ቤጊቴ! ኣማኖን ሚኒ ኤቂቴ፤ ሚኒቴ፤ ጎቢቴ።

ኦሮሜ ኣሳስ 11:21

ጾሲ ኮይሮፔ ዲዛ ሃጋታስ ሚሼቶንታዴ ጊዲኮ ኢንቴስካ ሚሼቴና።

ኦሮሜ ኣሳስ 12:3

ኢንቴስ ጾሲ ኢሚዳ ኣማኖ ማላ ኢንቴርካ ኢንቴና ፓጪ ጼሊቴ ኣቲን ሃኢ ዲዛይሳፌ ቦላራ ኢንቴና ቂሲ ጼሎንታ ማላ ታኒ ታስ ኢሜቲዳ ጾሳ ኪያቴን ኢንቴና ኢሳ ኢሳ ዞራይስ።

1ቆሮንቶሴ ኣሳስ 15:1

ሃኢካ ታ ኢሻቶ! ታ ኢንቴና ሳባኪን ኢንቴ ኤኪዲ ኢዛን ሚኒ ኤቂዳ ሚሺራቾ ቃላ ሃኢ ቆፍሳና ኮያይስ።