ዬ ማጻፋ 99:1 - ጋሞ ማጻፋ

¹ ጎዳይ ካዎቲዴስ! ሄሳ ጊሻስ ኣሳይ ኮኮሮ! ኪሩቤታ ጊዶን ካዎቴ ኣራታን ኡቲዴስ፤ ሄሳስ ቢታይካ ቃጾ።

Geeshsha Maxaafa

¹ GODAY kawotides! Hessa gishshas asay kokkoro! kirubeta giddon kawoteththa araatan uttides; hessas biittayka qaaxxo.

ዬ ማጻፋ 99:1 Referans Kwoze

ዬ ማጻፋ 97:1

ጎዳይ ካዎቲዴስ፤ ሳኣን ዴኢዛ ኣሳይ ኡፋዬቶ፤ ኣባ ጊዶን ዴኢዛ ሃሩሮቲ ኡፋዬቴቶ።

ኬሳ ማጻፋ 25:22

ጫቆ ቃላ ማርካይ ኢዛን ዲዛ ታቦታ ካማ ቦላ ዲዛ ናምኡ ኪሩቤታፔ ጊዶን ታኒ ኔናራ ጋጋዳ ኢስራኤሌ ኣሳስ ኢሚዛ ኣዛዞ ኡባ ሄን ታ ኔስ ኢማና።

ዬ ማጻፋ 97:4

ኢዛ ዎልቃን ሳኣ ፖኢሴስ፤ ቢታይ ሄሳ ቤኢዲ ቃጼስ።

ዬ ማጻፋ 93:1

ጎዳይ ካዎቲዴስ! ቴማኔ ዎልቃ ማይኢዴስ፤ ኣላሜይ ቃጾንታ ማላ ሚን ኤሲዴስ፤ ኦኒካ ኢዞ ቃና።

ዮሃኒሳ ኣጁታ 20:11

ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።

ዬ ማጻፋ 80:1

ኣቤት ኢስራኤሌ ሄንንቻዉ! ዮሴፌ ናይታ ዉዴ ማላ ካሌዛይሶ! ኔኒ ኑ ዎሳ ሲያ፤ ኪሩቤታ ቦላራ ዲዛ ኣራታን ኡቲዳይሶ! ኔ ፖኦን ቆንጫ።

ዮሃኒሳ ኣጁታ 11:17

ቃሴካ፥ «ካሴካ፥ ሃኢካ ዲዛይሶ! ኡባካ ዳንዳይዛ ጎዳ ጾሶ! ኔኒ ኔ ጊታ ጎዳቴ ኔ ኩሼን ኦይኪዳ ጊሻሲኔ ካዎቲዳ ጊሻስ ኑኒ ኔና ጋላቶስ።

ዮሃኒሳ ኣጁታ 6:14

ሳሎይካ ዋራቃታ ማላ ጻጼቲ ኪቺዴስ፤ ዙማቲኔ ኣባ ጊዶን ዲዛ ጋዴቲ ዉሪካ ባ ዲዛሶፔ ይዳ።

ፒሊጲሲዮሴ ኣሳስ 2:12

ሄሳ ጊሻስ ታ ኢሻቶ! ኢንቴ ካሴ ኡባ ዎዴ ኣዛዜቲዛይታ ጊዲዳ ማላ ሃኢካ ታኒ ማታን ዶንታ ኢንቴፌ ሃሆን ዲኮካ ኢንቴ ኣቶቴይ ኩሜ ጊዳና ማላ ያሻቴኒኔ ቦንቾን ፖሊቴ።

ሉቃሳ ሚሺራቾ 19:14

«ሄ ዴሬ ኣሳቲ ቃሴ ኢዛ ኢጺዳ ጊሻስ፥ ‹ሃይሲ ኣዴዚ ኑ ቦላ ካዎታና ማላ ኮዮኮ› ጊዲ ኣስ ኢዛ ጌዶራ ኪታ ኣ ዬዲዳ።

ሉቃሳ ሚሺራቾ 19:12

ሄሳ ጊሻስ፥ «ኢሲ ካዎይ ባ ካዎቴ ሹሜቴ ኤኪ ያናስ ሃሆ ቢታ ቢዴስ።

ኤርማሳ ቲንቢቴ 50:46

ባቢሎኔ ኩንዴ ጊሪሲ ቢታ ቃና፤ ኢዚ ዋሶይ ካዎቴ ኡባ ጋርሳን ኮሹማና» ጌስ።

ኤርማሳ ቲንቢቴ 49:21

ኤዶሜ ኩንዴ ጊሪሲ ቢታ ቃና፤ ኢስታ ዋሶይካ ዞኦ ኣባ ጋካናስ ኮሹሜስ።

ኤርማሳ ቲንቢቴ 5:22

ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ኤርማሳ ቲንቢቴ 4:24

ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

ኢሳያሳ ቲንቢቴ 19:14

ጎዳይ ኢስታ ቦላ ዶቺዛ ኣያና ጉሲዴስ፤ ማቲዳ ኣሲ ባ ጮሻን ጋንዲጋርዛ ማላ ጊብጼይ ባ ኦሶ ኡባን ጋንዲጋራና ማላ ኦዳ።

ዬ ማጻፋ 96:10

ካዎቴታ ጊዶን፥ «ጎዳይ ካዎቲዴስ! ሳኣይ ሚኒ ኤቂዴስ፤ ሙሌካ ቃጼና፤ ኢዚ ኣስ ኡባስ ኢሲ ጊና ፒርዳና» ጊቴ።

ዬ ማጻፋ 18:10

ኪሩቤን ኡቲዲ ፓሊዴስ፤ ጫርኮ ቄፌ ኤኪዲ ፑዴ ዴንዲ ቢዴስ።

ዬ ማጻፋ 2:6

ጎዳይ፥ «ታኒ ታ ጌሻ ዙማ ጺዮኔ ቦላ ታ ካዎዛ ካዎዲስ» ጌስ።

ዬ ማጻፋ 82:5

«ኢንቴስ ኣይኮ ኤራቴኔ ኣኬካይ ዴና፤ ኢንቴ ማን ሲሜሬቴታ፤ ቢታ ዮቻቲ ኡባይ ቃጼቴስ።

2ሳሜላ ማጻፋ 6:2

ኢዚኔ ኢዛራ ዲዛ ኣሳይ ኡባይ ኪሩቤ ቦላ ኡቲዳ ጎዳ ኡባፌ ዎልቃማ ጾሳ ሱንን ጼይጌቲዳ ጾሳ ጫቆ ቃላ ታቦታ ኤሃናስ ባኣሊ-ዩሁዳ ጌቴቲዛሶ ቢዳ።

1ታሪኬ ማጻፋ 16:30

ቢታን ዲዛ ኣስ ኡባይ ኢዛ ሲንን ኮኮሪቴ፤ ሳኣይ ሚኒ ኤቂዴስ፤ ሙሌካ ቃጼና።

ዬ ማጻፋ 80:2

ኤፍሬሜ፥ ቢኒያሜኔ ሚናሴ ሲንን ቆንጫ ቤታ፤ ኔ ዎልቃ ዴንዳ ያዳ ኑና ኣሻ።

ዬ ማጻፋ 96:9

ኢዛ ጌሻቴ ፑላን ጎዳስ ጎይኒቴ፤ ቢታን ዴኢዛ ኣስ ኡባይ ኢዛ ሲንን ኮኮሪቴ።

ሂዚቄላ ቲንቢቴ 43:7

ኢዚ «ሃይሶ ኣሳ ናዉ፥ ሃይሲ ታ ኣልጋ ሶሆኔ ታ ቶሆይ ዬዛ ሶሆ። ታኒ ኢስራኤሌ ኣሳ ጊዶን ሜርናስ ዳና። ሃይሳፌ ጉዬ ኢስራኤሌ ኣስ ጊዲን፥ ኢስታ ካዎቴ ጊዲን፥ ሃራ ጾሳታስ ጎይኒዲ ዎይኮ ሼምፖይ ባይንዳ ባንታ ካዎታ ሃዉልቴ ጎይኖን ታ ጌሻ ሱን ቱኒሴቴና።