ዬ ማጻፋ 96:4 - ጋሞ ማጻፋ

⁴ ጎዳይ ጊታ፤ ጊታ ጋላታይካ ኢዛስ ቤሴስ፤ ኡባ ጾሳታፔ ኣዲ ኢዚ ያዬታናስ ቤሴስ።

Geeshsha Maxaafa

⁴ GODAY gita; gita galataykka izas bessees; ubba xoossatappe aadhdhidi izi yayettanaas bessees.

ዬ ማጻፋ 96:4 Referans Kwoze

ዬ ማጻፋ 145:3

ጎዳይ ጊታ፤ ጊታ ጋላታይ ኢዛስ ቤሴስ፤ ኢዛ ጊታቴይ ኣሳ ቆፋፔ ቦላ።

ዬ ማጻፋ 18:3

ጋላታይ ቤሲዛ ጎዳ ታኒ ጼይጋይስ፤ ኢዚ ታ ሞርኬታፔ ታና ኣሼስ።

ዮሃኒሳ ኣጁታ 15:4

ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።

ዬ ማጻፋ 95:3

ጋሶይካ ጎዳይ ዎልቃማ ጾሳ፥ ጾሳታ ኡባ ቦላካ ዎልቃማ ካዎ።

ዬ ማጻፋ 89:7

ጌሻታ ሺቆን ጾሲ ያሺሲዛዴ፤ ባ ዩሾን ዲዛ ኡባፌ ኬሂ ያሺሲዛዴ።

ዬ ማጻፋ 66:3

ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

ዬ ማጻፋ 86:10

ኔኒ ጊታ፤ ማላሊሲዛ ሚሽ ኦሳ። ኔኒ ጻላ ጾሳ።

ዬ ማጻፋ 48:1

ጎዳይ ጊታ፤ ኑ ጾሳ ካታማን ጌሻ ዙማዛን ጊታ ጋላታይ ኢዛስ ቤሴስ።

ሉቃሳ ሚሺራቾ 12:5

ጊዶ ኣቲን ኢንቴ ባባናስ ቤሲዛይ ኦናኮ ታ ኢንቴና ቤሳና፤ ኣሾ ዎዳፔ ጉዬ ኣሾኔ ሼምፖ ኢሲፌ ጋ ጋናሜ ታማን ዬጋናስ ዳንዳይዛይሳስ ባቢቴ፤ ኤ ኢዛስ ባቢቴ ጋይስ።

ዬ ማጻፋ 66:5

ሃ ዪቴ፤ ጾሲ ኦዳዝ ቤኢቴ፤ ኢዚ ኣሳ ጊዶን ማላሊሲዛ ኦሶ ኦዴስ።

ኬሳ ማጻፋ 18:11

ኢዚ ኢስራኤሌ ኣሳ ቦላ ኦቶሬቲዳይታስ ሃይሳ ኦዳ ጊሻስ ጎዳይ ሃራ ኤቃ ጾሳታ ኡባፌ ጎባ ጊዲዳይሳ ታኒ ሃኢ ኤራዲስ» ጊዴስ።

ኤርማሳ ቲንቢቴ 5:22

ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ዬ ማጻፋ 76:7

ኣቤት ጾሳዉ! ኔኒ ያሻሳ! ኔ ሃንቆይ ሱሊዳ ዎዴ ኔ ሲንን ኦኔ ኤቃናይ?

ናሂሚያ ማጻፋ 9:5

ኢያሶ፥ ቃዲምኤሌ፥ ባኔ፥ ሃሻቢናዬ፥ ሼሬቢያ፥ ሆዲያ፥ ሼባኒያኔ ፓታያ ጌቴቲዛ ሌዌ ባጋ ኣሳቲ፥ «ኢንቴ ዴንዲ ኤቂዲ ሜርና ጎዳ ኢንቴ ጾሳ ጋላቲቴ፤ ጋላታፔኔ ኣንጆፌ ቁ ቁ ጊዳ ቦንቼቲዳ ጾሳ ሱን ሳቢቴ» ጊዳ።

1ሳሜላ ማጻፋ 4:8

ኑስ ኣዬ ኣና! ሃይታ ዎልቃማ ኤቃ ጾሳታ ኩሼፔ ኑና ኣሻናይ ኦኔ? ሃይቲ ካሴ ጊብጼ ኣሳ ባዞ ቢታን ዱማ ዱማ ቦሻን ሾጪዳ ኤቃ ጾሳታ።

2ታሪኬ ማጻፋ 2:4

ሃኢ ታኒ ታ ጎዳ ሱንስ ኬ ኬጻና ጊጌቴን ዳይስ። ታኒ ሳዎ ቶንጉ ጊዛ ኤጻኔ ጩዋሳናስ፥ ኡባ ዎዴ ጎዳ ሲንን ኡኬ ዎናሲኔ ኡባ ዎዴ ማላዶኔ ኦማርስ፥ ሳምባታታን፥ ኣጊና ጼሮን ኮይሮ ጋላሳታኒኔ ኑኒ ጎዳ ቦንቺዛ ዱማ ዱማ ባኣሌ ጋላሳታን ጹጌቲዛ ያርሾ ያርሻናስ፥ ሄ ኬ ዱማሳና ቆፓዲስ፤ ሄሲ ኢስራኤሌ ኣሳይ ሜርናስ ኦና ማላ ኢሜቲዳ ኣዛዞ።

ዬ ማጻፋ 150:2

ኢዚ ኦዳ ዎልቃማ ኦሶታ ጊሻስ ኢዛ ጋላቲቴ፤ ኢዚ ኬሂ ጊታ ጊዲዳ ጊሻስ ኢዛ ጋላቲቴ!

ዳኔላ ቲንቢቴ 2:47

ካዎዚ ዳኔላ፥ «ሃይሳ ጹራ ዮኦዛ ኔ ቢርሻና ዳንዳይዳ ጊሻስ ቱማፔ ኢንቴ ጾሳይ ጾሳታስ ጾሳ፤ ኢዚ ካዎታስ ጎዳ፤ ኢዚ ጹራ ቆንጪሲዛ ጾሳ» ጊዴስ።