ዬ ማጻፋ 9:6 - ጋሞ ማጻፋ

⁶ ሞርኬቲ ሜሪ ሜርናስ ይዳ፤ ኢስታ ካታማታካ ሙሌራ ቃላ ይሳዳሳ፤ ኢስቲ ሙሌራ ዶጌቲ ኣቲዳ።

Geeshsha Maxaafa

⁶ Morkketi meri mernaas dhayda; istta katamatakka mulera dhoqalla dhayssadasa; istti mulera dogetti attida.

ዬ ማጻፋ 9:6 Referans Kwoze

ሚኪያሳ ቲንቢቴ 7:8

ታ ሞርኬዞ! ታ ቦላ ጋኪዳዚ ኔና ኡፋይሶፎ፤ ኩንዲኮካ ታ ዴንዳና፤ ታ ማን ኡቲኮካ ጾሳይ ታስ ፖኦ ጊዳና።

ኬሳ ማጻፋ 14:13

ሙሴይ ኣሳ፥ «ባቦፍቴ፤ ሚኒ ኤቂቴ፤ ጎዳይ ሃች ኢንቴና ኣሻናይሳ ኢንቴ ቤያና። ሃች ኢንቴ ቤኢዛ ጊብጼ ኣሳ ናምኣን ሙሌካ ቤኤኬታ።

ዮሃኒሳ ኣጁታ 20:2

ሄ ዳዌዛ ኦይኪዲ ሺ ላይ ቃቺዴስ፤ ሄሲ ዳዌዚ ዳቡሎሳ ዎይኮ ጻላኤ ጌቴቲዛ ካሴ ቤኒ ሾሻዛ።

1ቆሮንቶሴ ኣሳስ 15:26

ቡሮ ዉርሴን ጾኔቲ ያና ሞርኬይ ሃይቆ።

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

ኤርማሳ ቲንቢቴ 51:25

ጎዳይ፥ «ሃኔ ይሲዛ ዙማዬ! ቢታ ኡባ ይሲዛሬ! ታ ኔ ሁኤ ቦላ ዳይስ፤ ታኒ ታ ኩሼ ኔ ቦላ ዴንና፤ ታ ኔና ኣፎ ሁኤፔ ዱጌ ቡሉላና፤ ታ ኔና ጹጌቲዳ ዙማ ሂስታና።

ኢሳያሳ ቲንቢቴ 37:26

«ታኒ ዳሮ ዎዴፔ ካሴ ቃቺዳይሳ፥ ታ ቤኒ ሃልቺዳይሳ ኔ ሲያቤኪ? ሃኢ ጊዲኮ ፖሌታና ማላ ኦዲስ፤ ኔኒካ ጊምቤቲዳ ካታማታ ላላዳ ሹቻ ዶሬ ኬሳና።

ኢሳያሳ ቲንቢቴ 14:17

ሳኣ ባዞ ኬሲዳይሲ፥ ካታማታካ ላሊዳይ፥ ዲኤቲዳይቲ ባ ዴሬ ሲሚ ቦንታ ማላ ዲጊዳይ ሃይሴ?» ጋና።

ዬ ማጻፋ 46:9

ኢዚ ሳኣ ጋጻፔ ጋጻ ጋካናስ ዲዛ ኦላ ቴቄስ፤ ዎንዳፌኔ ቶራ ሜንስ፤ ጎንዳሌካ ታማን ጹጌስ።

ዬ ማጻፋ 34:16

ኢስታ ሃሳኢሲዛ ሚሽ ቢታፌ ይሳና ማላ፥ ጎዳይ ኢታ ኦዛይታ ባ ሃንቆ ኣይፌን ጼሌስ።

ዬ ማጻፋ 8:2

ኔኒ ኔ ሞርኬታ ጊሻስ ኔ ባልጋራኔ ኔ ቦላ ማንዲዛይሳ ሲርጲ ኦናዉ ጉ ናይታ ዶናኒኔ ሚዛ ናይታ ዶናን ጋላታ ኩንዳሳ።

ዬ ማጻፋ 7:5

ታ ሞርኬይ ታና ጎዲ ኦይኮ፤ ታና ሳኣንካ ዬሬ፤ ታና ቢታን ዬጊዲ ታ ቦንቾ ካዉሾ።

2ካዎታ ማጻፋ 19:25

«ዳሮ ዎዴፔ ሲንን ኔኒ ጊምቤቲዳ ካታማታ ቆቆፋዳ፥ ሹቻ ኬላ ኬሳና ማላ፥ ታኒ ቆፋ ቃቻ ዎዳይሳ ሲያቤኪ? ቤኒ ሃልቻ ዎዳይሳ ሃኢ ፖላይስ።

1ሳሜላ ማጻፋ 31:7

ዙሌዛፔ ሄ ፒንኒኔ ዮርዳኖሴ ሻፋፔ ፒንን ዲዛ ኢስራኤሌ ኣሳይ፥ ኢስራኤሌ ኦላንቻቲ ባቃቲዛይሳ፥ ሳኦሊኔ ኢዛ ናይቲ ሃይቂዳይሳ ቤይዳ ዎዴ ባንታ ካታማታ ዬዲ ባቃቲዳ፤ ፊሊስጼሜ ኣሳይ ዪዲ ሄ ካታማታን ኡቲዳ።

1ሳሜላ ማጻፋ 30:1

ሄን ጋላስ ዳዊቲኔ ኢዛራ ዲዛ ኣሳይ ጺቂላጌ ጋኪዳ፤ ኣማሌቄ ኣሳይ ኔጌቤኔ ጺጊላጌ ኦሊ ኦይኪዳ፤ ሂስቲዲ ጺቂላጌ ጹጊዳ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኢዮቤ ማጻፋ 18:17

ቢታ ቦላ ኢዛ ቆፒዛ ኣሲ ዴና፤ ኢዛ ጎባቴካ ቢታፌ ያና።

ዬ ማጻፋ 34:17

ጺሎቲ ዋሴቴስ፤ ጎዳይ ኢስታ ዋሶ ሲዬስ፤ ኢዚካ ኢስታ ሜቶ ኡባፌ ኣሼስ።

ኢሳያሳ ቲንቢቴ 26:14

ኢስቲ ሃይቂዳ፤ ሲሚዲ ሼምፖራ ፓጻ ዴኤቴና፤ ኢስታ ሼምፖይ ሲሚ ዬና፤ ኔኒ ኢስታ ቃጻያዳሳኔ ይሳዳሳ፤ ኢስታ ሃሳኢሲዛ ሚሽ ኡባ ፒታ ይሳዳሳ።