ዬ ማጻፋ 9:14 - ጋሞ ማጻፋ

¹⁴ ሄሲካ ታኒ ጺዮኔ ኣሳ ካሬን ኤቃዳ ኔና ጋላታናሲኔ ኔ ኣሺዳይሳን ኬሃ ኡፋዬታናሳ።

Geeshsha Maxaafa

¹⁴ Hessika tani Xiyoone asa karen eqqada nena galatanaassinne ne ashshidayssan keeha ufayettanaassa.

ዬ ማጻፋ 9:14 Referans Kwoze

ዬ ማጻፋ 13:5

ጊዶ ኣቲን ኔ ማሮቴ ዳሮን ታኒ ኣማኔታይስ፤ ኔኒ ታና ኣሺዛ ጊሻስ ታኒ ኡፋዬታይስ።

ዬ ማጻፋ 106:2

ጎዳይ ኦዳ ዎልቃማ ኦሶ ዮታናስ፥ ዎይኮ ኢዛ ጋላታ ኡባ ቆንጪሳናስ ዳንዳይዛይ ኦኔ?

ዬ ማጻፋ 51:12

ኔ ኣቶቴ ኡፋይሳ ታስ ዛራዳ ኢማ፤ ኤኖ ጊሲዛ ኣያናን ኔ ታና ኩን።

ዬ ማጻፋ 35:9

ሄ ዎዴ ታኒ ጎዳን ኡፋዬታና፤ ኢዚ ኣሺዳ ጊሻስ ታኒ ኡፋዬታና።

ዬ ማጻፋ 20:5

ኔ ጾኒዳ ጊሻስ ኑኒ ኡፋይሳን ሆምቦጫና፤ ኑ ጾሳ ሱንን ኑ ባንዲራ ቁ ኦና፤ ኔ ዎሳ ኡባ ጎዳይ ኔስ ኢሞ።

ኢሳያሳ ቲንቢቴ 37:22

«ጎዳይ ሴናኪሬሜ ጊሻስ ዮቲዳ ቃላይ፥ «ጌላኦያ ጺዮኔ ናያ ኔና ካዱሲኔ ሌቃዱስ። ዬሩሳላሜ ናያ ኔ ባቃቲሺን ቤኣዳ ባ ቆ ቃዱስ።

ዬ ማጻፋ 21:1

ኣቤት ጎዳዉ! ካዎይ ኔ ኢሚዳ ዎልቃ ጊሻስ ኡፋዬቴስ፤ ኔኒ ኢሚዳ ጾኖን ኢዚ ኬሂ ሆምቦጬስ።

1ሳሜላ ማጻፋ 2:1

ሃናይ፥ «ታ ዎዚናይ ጎዳን ኡፋዬቲዴስ፤ ታ ካጬይ ጾሳን ቁ ቁ ጊዴስ፤ ኔኒ ታና ኣሺዳ ኣሾን ታኒ ኡፋዬቲዳ ጊሻስ ታ ዶናይ ታ ሞርኬታ ቦላ ዶዬቲዴስ።

ኢምባቆ ቲንቢቴ 3:18

ታኒ ታ ጎዳን ኡፋዬታና፤ ታ ኢዛን ኣቲዳ ጾሳን ኡፋዬታና።

ሚኪያሳ ቲንቢቴ 4:13

ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።

ኢሳያሳ ቲንቢቴ 62:11

ቤኢቴ፥ ጎዳይ ሳኣ ጋጻ ጋካናስ፥ «ጺዮኔ ማጫ ናይስ፥ ‹ሄኮ ኔና ኣሺዛዴይ ዬስ፤ ኔ ዋጋይ ኢዛ ኩሼን ዴስ፤ ኔ ቃዳይ ኢዛኮን ዴስ› ጊቴ» ጊዲ ኣዋጂዴስ።

ኢሳያሳ ቲንቢቴ 12:3

ፓዛ ታ ፑልቶታፔ ሃ ኡፋይሳን ዱቃንዴታ።

ዬ ማጻፋ 79:13

ሄ ዎዴ ኑኒ ኔ ዴሬቲኔ ኔስ ዉዴ ዶርሳቲ ሜርናስ ጋላታ ኔስ ኢማና፤ ዬሌታፔ ዬሌታ ጋካናስ ኔኒ ኑስ ኦዳ ኦሶዛ ኑ ዮታና።

ዬ ማጻፋ 51:15

ኣቤት ጎዳዉ! ታ ዶና ዶያ፤ ሂስቲኮ ታ ኢንጻርሳይ ኔና ጋላታና።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

ዬ ማጻፋ 35:18

ሄ ዎዴ ጊታ ሺቆን ታ ኔና ጋላታና፤ ጮራ ኣሳ ሺቆን ታ ኔና ሳባና።

ዬ ማጻፋ 22:25

ኔኒ ኦዳ ሎኦ ኦሶ ጊሻስ፥ ዴሬይ ሺቂዳሶን ጋላታና፤ ታ ኣዲኒዳይሳ ኔና ያዪዛ ኣሳ ሲንን ጋና።

ዬ ማጻፋ 22:22

ታኒ ኔ ሱን ታ ኢሻታስ ዮታና፤ ኢስቲ ሺቂዳሶንካ ታ ኔና ጋላታና።

ኬሳ ማጻፋ 3:7

ቃሴካ ጎዳይ፥ «ታኒ ጊብጼ ቢታን ታ ኣሳይ ዋዪዛ ዋዬ ሎኤ ቤያዳ፥ ኢስቲ ባ ጎዳታፔ ዴንዲዳይሳን ዋሲዛ ዋሶ ሲያዲሲኔ ኢስታ ዋዬ ኤራዲስ።

ኬሳ ማጻፋ 3:9

ሃኢ ኢስራኤሌ ናይታ ዋሶይ ታኮ ጋኪዴስ፤ ጊብጼ ቢታ ኣሳቲ ኢስታ ቆሂዛ ቆሆካ ታ ቤያዲስ፤

ዬ ማጻፋ 6:3

ታ ሼምፖያ ኬሃ ኡንኤታዱስ፤ ሂስቲን ጎዳዉ! ታና ማዳናስ ኔኒ ኣዉዴ ጋካናስ ጋምኣኔ?

ዬ ማጻፋ 75:9

ታኒ ጊዲኮ ሃይሳ ሜርናስ ኣዋጃና፤ ያቆቤ ጾሳካ ማዛሙሬን ሳባና።