5 ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።
5 Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.
ኢንቴ ኢንቴ ካዮ ቤሳናስ ማይኦ ዳኬ ጻላ ጊዴና፤ ሄሳፌ ቦላራ ኢንቴ ዎዚናይ ሜቂን ማሬቲቴ፤ ጎዳ ኢንቴ ጾሳይ ኪያኔ ማሪዛ ጾሳ፥ ሃንቆስካ ኤሶቴና፤ ሜርና ሲቆን ኢዚ ዱሬኔ ቃጻያናስ ኤሶቶንታ ጾሳ፤ ሄሳ ጊሻስ ኢንቴ ኢዛኮ ሲሚቴ።
ጎዳይ ሙሴ ሲንራ፥ «ታኒ ጎዳይ ቃታይኔ ማሮታይ ኩሚዳ ጾሳ፥ ሃንቄታናስ ጋምኢዛ፥ ሜርናስ ሲቂዛኔ ኣማኔቴይ ዳሪዳ ጾሳ።
ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።
ጎዳይ ቃቲዛዴኔ ማሪዛዴ፤ ኢዚ ሃንቄታናስ ኤሶቶንታዴ፤ ኢዛ ሲቆይ ኬሂፔ ዳሮ።
ጎዳ ሱን ጼይጊዛይ ዉሪ ኣታና› ጊዴስ።
ጎዳይ ባና ጼይጊዛይታስ ኡባስ ማታ፤ ዎዚናፔ ጼይጊዛ ኡባስ ማታን ዴስ።
ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።
ጎዳይ ኪያኔ ሱሬ፤ ሄሳ ጊሻስ ናጋራንቻታ ባ ኦጌ ታማርሴስ።
ጎዳ ኣቻን ሲቆይኔ ማሮቴ ዲዛ ጊሻስ ኢስራኤሌ ኣሳዉ! ጎዳን ሂዶታ ኦቴ።
ዬሱሲካ ኢዚስ፥ «ጾሳ ኢሞታይኔ ኔና፥ ‹ታና ሃ ኡሻ› ጊዛዴይ ኢዚ ኦናኮኔ ኔ ኤሪዛኮ ኔ ኢዛ ዎሳናስ ቤሴስ። ኢዚካ ኔስ ዴኦ ሃ ኢማናኮሺን» ጊዴስ።
ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።
ኣቤት ጎዳ ኑ ጾሳዉ! ኑኒ ኔ ቦላ ማካሊኮካ ኔኒ ማሪዛኔ ኣቶ ጊዛ ጾሳ።
«ኡባ ሃሪዛ ጎዳይ፥ ‹ቃሴካ ኢስራኤሌ ኣሳ ዎሳ ታ ኤሮ ጋ ሲያና፤ ኢዛካ ታ ኢስታስ ፖላና፤ ሂስታዳ ኢስታ ቆዳ ዉዴ ማላ ጮራሳና።
«ኡባ ሃሪዛ ጎዳይ፥ ‹ታኒ ኢንቴና ኢንቴ ናጋራ ኡባፌ ጌሺዛ ጋላስ ኢንቴ ካታማቲ ሲሚዲ ኣሳ ዱሳሶ ጊዳና፤ ቡቲዳይቲ ሲሚዲ ጊምቤታና።
«ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና።
ኔኒ ሎኦ፤ ኔ ኦሶይካ ሎኦ፤ ሄሳ ጊሻስ ኔ ኣዋጃታ ታና ታማርሳ።
ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።
ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።
ጊዶ ኣቲን ኑኒ ኔና ቦንቻና ማላ ኔኒ ኑ ናጋራ ኣቶ ጋሳ።
ኣቤት ጎዳዉ! ኔ ሜርና ሲቆ ኪያቴ ማላ ታስ ዛሮ ኢማ፤ ኔ ቃታ ዳሮን ታኮ ሲማ።
ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።
ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።
ሃይሶ ዎልቃማዞ! ጾሲ ኔና ካቺዴስ፤ ኔ ኣይስ ኢታ ኦሶን ናሼታይ? ኣይስ ኡባ ጋላስ ጬቄታይ?
ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።
ጫሬን ሚቴቶንታ ማላ ታና ኣሻ። ታና ኢጺዛይታፔ ታና ናጋ፤ ጪማ ሃፌካ ታና ኣሻ።
ኢዚ ኔ ናጋራ ኡባ ኣቶ ጌስ፤ ኢዚ ኔ ሃርጌ ኡባፌ ኔና ፓስ።