ዬ ማጻፋ 77:2 - ጋሞ ማጻፋ

² ታኒ ሜቶቲዳ ጋላስ ጾሳ ኮያይስ፤ ኦማርሲካ ሼምፖንታ ታ ኩሼታ ኢዛኮ ሚጫይስ፤ ጊዲኮካ ታኒ ሚኔታናስ ዳንዳያቤኬ።

Geeshsha Maxaafa

² Tani metotida gallas Xoossa koyays; omarsika shempontta ta kusheta izakko miccays; gidikkoka tani minettanaas dandayabeekke.

ዬ ማጻፋ 77:2 Referans Kwoze

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ሜቴ ማጻፋ 37:35

ኢዛ ኣቱማ ናይቲኔ ማጫ ናይቲ ዉሪ ኢዛ ሚንናስ ኢዛኮ ዪዳ፤ ጊዶ ኣቲን ኢዚ ሚኔቶንታ ኢጺዲ፥ «ሃኔና! ታኒ ዬካዳ ታ ናኮ ባዳ ዱፎን ጌላና» ጊዲ ኢዛ ኣዋይ ኢዛስ ዬኪዴስ።

ኢሳያሳ ቲንቢቴ 26:9

ታ ሼምፖያ ኦማርሲ ኔና ላሞታዉስ፤ ታ ኣያናይ ማላዶ ኔና ኮያዉስ፤ ኔ ፒርዳይ ቢታ ቦላ ዪዳ ዎዴ ሳኣን ዴኢዛ ኣሳይ ጺሎቴ ታማሬስ።

ኢሳያሳ ቲንቢቴ 26:16

ኣቤት ጎዳዉ! ኢስቲ ሜቶቲዳ ዎዴ ኔኮ ዪዳ፤ ኔኒ ኢስታ ሴሪዳ ዎዴ፥ ሳሱኪ ኔና ዎሴቴስ።

Ibirawe 5:7

ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳይዛይሳኮ ኣፉንጺሼ ቃላ ቁ ሂስቲ ዎሲዴስ። ኣዳፌ ኣሽኬቴራ ኢዚ ኣዛዜቲዳ ጊሻስ ኢዛ ዎሳካ ጾሲ ሲዪዴስ።

ሆሴኤ ቲንቢቴ 5:13

ኢስራኤሌይ ባ ሳኮዛ፤ ዩሁዳይካ ባ ማዱን ቤኢዲ ኢስራኤሌይ ኣሶሬኮ ባ ኣይፍሶ ዛራዱስ፤ ኢስራኤሌይ ማዶ ዴማናስ ጊታ ኣሶሬ ካዎኮ ቃስታኔ ኪታዱስ። ጊዶ ኣቲን ኢዚ ኢንቴና ኣሻናስ ዎይኮ ኢንቴ ማዱን ፓናስ ዳንዳይቤና።

ኤርማሳ ቲንቢቴ 31:15

ጎዳይ፥ «ዋሶይኔ ጫሞ ዬሆይ ኤራማ ካታማፔ ሴቴቲዴስ፤ ኢዚ ናይቲ ዉሪዳ ጊሻስ ኤራሄላ ዬካዱስ፤ ሚኔቶንታካ ኢጻዱስ» ጌስ።

ዮሃኒሳ ሚሺራቾ 11:31

ማራሞ ሚንሼ ኢዚራ ሶን ዲዛ ኣይሁዳቲካ ማራማ ፑሱኩ ጋ ዴንዳ ኤቃዳ ኬዚዳይሳ ቤኢዲ ኢዛ ኣላዛሬ ዱፎ ኣቻን ዬካና ቢዛ ሚሳቲን ኢዞ ካሊዳ።

ሆሴኤ ቲንቢቴ 6:1

ዴሬዚ፥ «ሃ ዪቴ፥ ኣኔ ጎዳኮ ሲሞስ! ኢዚ ኑና ሜንዳ ማላ ኢዚካ ኑና ዛሪዲ ኮላና፤ ኢዚ ኑና ማዱንዳ ማላ ዛሪዲካ ኢዚ ኑ ማዱን ፓና።

ሌሚሶ ማጻፋ 18:14

ኣሳ ኣያናይ ሃርጌ ዳንዳያና ማላ ማዴስ፤ ጊዶ ኣቲን ኣያናይ ሜቄሬቲቺኮ ኢዛ ኦኒ ዳንዳያኔ?

ዬ ማጻፋ 86:7

ኔ ታስ ዛሮ ኢሚዛ ጊሻስ ታኒ ሜቶ ጋላሳን ኔኮ ዋሳይስ።

ዬ ማጻፋ 63:6

ታኒ ታ ሂጻን ዳሼ ኔና ሃሳኣይስ፤ ኦማርስ ኩሜ ኔ ኦሶ ዩሻ ቆፓይስ፤

ዬ ማጻፋ 18:6

ታና ሜቶይ ኡንኢን ጎዳ ጼይጋዲስ፤ «ታና ማዳ» ጋዳ ታ ጾሳስ ዋሳዲስ፤ ኢዚ ባ ኬን ዲሼ ታ ጬንጉርሳ ሲዪዴስ፤ ታኒ ዋሲዳ ዋሶይ ኢዛ ሃይን ዎዴስ።

ኢዮቤ ማጻፋ 11:13

ጊዲኮካ ኔኒ ኔ ዎዚና ሱሪሲኮ፥ ኔ ኩሼዛ ሚጫዳ ፑዴ ጾሳኮ ዎሲኮ፥

2ታሪኬ ማጻፋ 6:28

«ቢታ ቦላን ኮሻይ ዎይኮ ኢታ ሃርጌይ ዪኮ፥ ዎይኮ ካ ሎቤይ፥ ዎይኮ ኩቱልኤይ፥ ዎይኮ ቦሌይ፥ ዎይኮ ጉምባሮይ ባሺኮ፥ ዎይኮ ሞርኬይ ኢስታ ካታማታ ዶዲኮ፥ ዎይኮ ኣይ ማላ ዳፋይ ዎይኮ ሃርጌይ ዪኮ፥

ሜቴ ማጻፋ 32:28

ኣዴዚካ ኢዛ፥ «ሃይሳፌ ሲንን ኔ ሱን ኢስራኤሌ ጌቴቶ ኣቲን ያቆቤ ጌቴቶፎ፤ ኣይስ ጊኮ ኔኒ ጾሳራኔ ኣሳራ ባጼታዳ ጾናዳሳ» ጊዴስ።

ዬ ማጻፋ 55:17

ማላዶ፥ ጋላሲኔ ኦማርስ ታኒ ዋሳይሲኔ ታ ሜቶ ኢዛስ ዮታይስ፤ ኢዚ ታ ቃላ ሲዬስ።