ዬ ማጻፋ 74:2 - ጋሞ ማጻፋ

² ቤኒ ኔኒ ዶሪዳ ኔ ዴራ ኔስ ቡዞ ሂስታ ዎዚዳ ዛሬታ ሃሳኣ፤ ኔኒ ዴኢዳ ጺዮኔ ዙማ ቆፓ።

Geeshsha Maxaafa

² Beni neni doorida ne deraa nees buzo histta wozzida zareta hassa7a; neni de7ida Xiyoone Zuma qoppa.

ዬ ማጻፋ 74:2 Referans Kwoze

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኬሳ ማጻፋ 15:13

«ኔ ዎዚዳ ኔ ኣሳ ዉሮንታ ኔ ሲቆን ካሌዳሳ። ኔኒ ኔ ዎልቃን ኢስታ ኔ ኣቂዛ ጌሻ ሶ ጌልዳሳ።

ዬ ማጻፋ 135:4

ጎዳይ ያቆቤ ባስ ቡዞ ኦዴስ፤ ኢስራኤሌካ ባስ ኣልኦ ሚሽ ሂስቲ ዶሪዴስ።

ዛሬ ማጻፋ 4:20

ኢንቴ ጊዲኮ ታማይ ኢዛን ኤጺዛ ቢራታ ጮጬ ሚሳቲዛ ጊብጼፔ ኢንቴና ጎዳይ ሾዲ ኬሲዳይ ኢንቴ ኢዛስ ዱማ ዴሬ ጊዳና ማላሳ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ሃዋሬታ ኦሶ 20:28

ጺሎ ኣያናይ ኢንቴና ጾሳ ዶርሳታ ሄማናስ ሹሚዴስ፤ ሄሳ ጊሻስ ኢንቴ ሁኤሲኔ ጾሳ ዶርሳታስ ናጌቲቴ፤ ጎዳይ ባ ሱን ዎዚዳ ዎሳ ኬዮ ናጊቴ።

ኤርማሳ ቲንቢቴ 51:19

ያቆቤ ቃዳይ ጊዲኮ ሄይታንታ ማላ ጊዴና፤ ኢዚ ኡባ ሜዳይሳ፤ ኢስራኤሌ ኣሳይ ኢዚ ባስ ዶሪዳ ዴሬ፤ ኢዛ ሱን ጎዳ ኡባፌ ዎልቃማ ጾሳ» ጌስ።

ኢሳያሳ ቲንቢቴ 63:17

ኣቤት ጎዳዉ፥ ኑኒ ኔ ኦጌፔ ኬዛና ማላ፥ ኑ ዎዚና ቱሊሳዳ ኔስ ያዮንታ ማላ ኣይስ ኦይ? ኔ ኣይሌታ ጊሻስ ጋዳ፥ ኔስ ጺንጾ ጊዲዳ ቆሞታ ጊሻስ ጋዳ ኑኮ ሲማ።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።

ኢሳያሳ ቲንቢቴ 62:12

ኢስቲ፥ «ጎዳይ ዎዚዳ ጌሻ ዴሬታ፤ ኔካ ዬጌታ ኣቶንታሮ ኮዬቲዛ ካታማዮ» ጌቴታና።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ዬ ማጻፋ 106:40

ሄሳ ጊሻስ ጎዳ ሃንቆይ ኢዛ ኣሳ ቦላ ኤጺ ኬኢዴስ፤ ኢዚ ባይታ ሃራሴቲዴስ።

ዬ ማጻፋ 77:15

ያቆቤኔ ዮሴፌ ዜሬ ጊዲዳ ኔ ዴሬታ ኔኒ ኔ ዎልቃን ዎዛዳሳ።

ዬ ማጻፋ 68:16

ዳሮ ፖጎኖቲ ዴኢዛ ዙማቶ! ጾሲ ዳናስ ዶሪዳ ዙማዛ ኢንቴ ኣይስ ሚቃይኔን ጼሌቲ? ጎዳይ ኢዛን ሜርናስ ዴኣና።

ዬ ማጻፋ 33:12

ጾሲ ኢዛስ ጎዳ ጊዲዳ ካዎቴይ፥ ኢዚ ባስ ዶሪዳ ዴሬይ ኣንጄቲዳ ዴሬ።

ዬ ማጻፋ 9:11

ጺዮኔን ካዎቲ ኡቲዳ ጎዳስ ጋላታ ማዛሙሬ ዬጺቴ፤ ኢዚ ኦዳ ኦሶ ዴሬ ኡባስ ቆንጬን ዮቲቴ።

ዛሬ ማጻፋ 9:29

ጊዶ ኣቲን ሃ ኣሳይ ኔኒ ኔ ጊታ ዎልቃኒኔ ኔ ሚኖ ቄሴን ኔስ ጊዳና ማላ ኔ ዶራ ኬሲዳ ዴሬ።

ዛሬ ማጻፋ 9:26

ታኒ ዎሳሼ፥ «ኡባፌ ቃ ጎዳዉ! ኔኒ ኔ ጊታ ዎልቃኒኔ ኔ ሚኖ ቄሴን ዎዛዳ ጊብጼፔ ኬሲዳ ኔ ዴሬዛ ይሶፋርኪ!

ዬ ማጻፋ 9:12

ኣይስ ጊኮ ሱ ጉሲዛይታስ ሃሎ ኬሲዛ ጾሲ ናቄቲዳይታ ዋሶዛ ኢዚ ዶጌና።

ዬ ማጻፋ 94:14

ጎዳይ ባ ኣሳ ኦሌና፤ ኢዚ ባይታ ኣጌና።

ኢሳያሳ ቲንቢቴ 62:6

ሃኔ ዬሩሳላሜ! ናጊዛይታ ኔ ዲርሳታ ቦላ ኤሳዲስ፤ ኢስቲ ጋላሲካ ኦማርስ ጉዬ ጌቴና፤ ኢንቴኖ ጎዳኮ ዋሲዛይቶ፥ ሙሌካ ሼምፖፍቴ፤