ዬ ማጻፋ 67:7 - ጋሞ ማጻፋ

⁷ ጾሲ ኑና ኣንጃና፤ ሳኣ ጋጻ ጋካናስ ዲዛ ኣሳይ ኡባይ ኢዛስ ያያና።

Geeshsha Maxaafa

⁷ Xoossi nuna anjjana; Sa7a gaxa gakkanaas diza asay ubbay izas yayyana.

ዬ ማጻፋ 67:7 Referans Kwoze

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ሃዋሬታ ኦሶ 13:26

«ኢንቴኖ ኣብራሃሜ ዜሬፌ ዬሌቲዳ ኑ ኢሻቶ! ቃሴካ ኢንቴ ጊዶንካ ጾሳስ ያዪዛይቲ ዉሪ ሃይሲ ኣቶቴ ኪታይ ኪቴቲዳይ ኑስ ኡባታሳ!

ዬ ማጻፋ 65:5

ኣቤት ኑና ኣሺዛ ጾሳዉ ኔ ጺሎ ኦሶን ማላሊሲዛ ሚሽ ኑስ ኦ፤ ሳኣ ጋጻፔ ጋጻ ጋካናስ፥ ሃሆ ኣባታፔካ ሄ ፒንን ዲዛ ኣሳ ኡባስ ሂዶታይ ኔና።

ዮሃኒሳ ኣጁታ 15:4

ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።

ሃዋሬታ ኦሶ 2:28

ኔ ዴኦ ኦጌ ታ ኤራና ማላ ኦዳሳ። ኔ ታናራ ዲዛ ጊሻስ ታ ኡፋይሳይ ኩሜ።›

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ዬ ማጻፋ 29:11

ጎዳይ ባ ዴራስ ዎልቃ ኢሜስ። ባ ኣሳካ ሳሮቴን ኣንጄስ።

ጋላቲያ ኣሳስ 3:9

ሄሳ ጊሻስ ኣማኒዛይቲ ዉሪ ኣማኒዛ ኣብራሃሜራ ኢሲፌ ኣንጄቲዳይታ።

ሚልካሳ ቲንቢቴ 4:2

«ታ ሱንስ ባቢዛ ኢንቴስ ቃሴ ጺሎቴ ኣርሼይ ባ ቄፌ ጋርሳን ፓዛዝ ኤካ ያና፤ ኢንቴካ ቢርሺ ዬዲዳ ጋሎ ማራ ማላ ጺኬቲሼ ኬዛና።

ዛካራሳ ቲንቢቴ 9:10

ፓራ-ጋሬታ ኤፍሬሜፔ ኦላ ፓራታ ዬሩሳላሜፔ ታ ኤካ ይሳና። ታኒ ኦላ ቶራታ ሜንሬና። ሳሮቴ ካዎቴታስ ኣዋጃና። ኢዚ ኣባፌ ኣባን ጋካናስ ሃራና፤ ኤፊራጺሴ ሻፋፔ ሳኣ ጋጻ ጋካናስ ኢዚ ኣይሳና።

ሚኪያሳ ቲንቢቴ 5:4

ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና።

ኢሳያሳ ቲንቢቴ 52:10

ጎዳይ ባ ጌሻ ቄሳ ካዎቴታ ኡባ ሲንን ቆንጪሳና፤ ቃሴ ቢታ ጋጻን ዲዛ ኡባይካ ኑ ጾሳ ኣቶቴ ቤኣና።

ኢሳያሳ ቲንቢቴ 43:6

ታኒ ፑዴሃ ባጋ፥ ‹ሃማ› ዱጌሃ ባጋካ፥ ‹ዬዳ› ጋና፤ ታ ኣቱማ ናይታ ሃሆፔ፥ ታ ማጫ ናይታካ ቢታ ጋጻፔ፥

ዬ ማጻፋ 98:3

ኢዚ ኢስራኤሌታ ሲቂዛይሳኔ ኢስታስ ኣማኔቲዛይሳ ሃሳኢዴስ፤ ሳኣ ጋጻ ጋካናስ ዲዛ ኣሳይ ኡባይ ኑ ጾሳይ ኣሺዛይሳ ቤኢዴስ።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ዬ ማጻፋ 33:8

ሳኣን ዲዛ ኣሲ ኡባይ ጎዳስ ያዮ፤ ሳሎ ጉፋንይ ጎዳ ቦንቾ።

ጋላቲያ ኣሳስ 3:14

ኣብራሃሜስ ኢሜቲዳ ኣንጆይ ዬሱስ ኪርስቶሳ ባጋራ ዴሬስ ጋካና ማላ ኑና ዎዚዴስ፤ ሄሲካ ኑኒ ኣማኖን ጺሎ ኣያና ኤካና ማላ ሃኒዴስ።

ሌዌታ ማጻፋ 26:4

ታኒ ኢንቴስ ኢራ ዎዴራ ቡኪሳና፤ ቢታያካ ካ ዳርሳ ኢማና፤ ኣይፌ ኢሚዛ ሚቲካ ዳርሲ ኣይፋና።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ዛካራሳ ቲንቢቴ 8:12

ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና።