ዬ ማጻፋ 64:4 - ጋሞ ማጻፋ

⁴ ኢስቲ ቆቴቲዲ ባንታ ዎንዳፌን ጺሎ ኣስ ዱኬቴስ፤ ኣሲ ኣኬኮንታ ዲሺን ዱካናስ ጉዬ ጌቴና።

Geeshsha Maxaafa

⁴ Istti qotettidi bantta wondafen xillo as dukkeettes; asi akeekontta dishin dukkanaas guye geettenna.

ዬ ማጻፋ 64:4 Referans Kwoze

ዬ ማጻፋ 55:19

ቤኒሶፌ ካዎቴ ኣራታን ኡቲ ዲዛ ጾሳይ ታ ዎሳ ሲዪዲ ባ ኦጌ ላሞንታይታኔ ጾሳስ ያዮንታይታ ካዉሻና።

ዬ ማጻፋ 11:2

ናጋራንቻቲ ዎዚና ጌሻታ ማን ጫዳናስ ባንታ ዎንዳፌ ዳፊ ኦይኪዳ።

ዮሃኒሳ ሚሺራቾ 19:6

ቄሴታ ሃላቃቲኔ ኢስታ ኣሽካራቲ ዬሱሳ ቤኢዲ፥ «ኔ ኢዛ ካቃ! ካቃ!» ጊሼ ዋሲዳ። ጲላጾሲ ቃሴ፥ «ታኒ ታ ባጋራ ኢዛ ቦላ ኢሲ ሞሮካ ዴማቤኬ፤ ኮይኮ ኢንቴ ኤፊዲ ካቂቴ» ጊዴስ።

ኢምባቆ ቲንቢቴ 3:14

ጎቴ ጫርኮ ማላ ኑና ላላናስ ዪዳይሳ፥ ኣይኮይ ባይንዳ ማንቆዛ ጌማራ ሚታናስ ኣሞቲዛይሳ፥ ኦላንቻታ ሃላቃ ጊዲዳይሳ ኢዛ ዛራ ጫዳዳሳ።

ዬ ማጻፋ 64:7

ጊዶ ኣቲን ጾሳይ ኢስታ ባ ዪሻን ዱካና፤ ኢስቲ ኣኬኮንታ ማዱንና።

ናሂሚያ ማጻፋ 4:11

ኑ ሞርኬቲ፥ «ኑ ኢስታ ጊዶ ጌሊዲ ኢስታ ዎዲ ኦሶዛ ቴቃና ጋካናስ ኤሬቴናኔ ቤዬቴና» ጊ ቆፒዳ።

2ሳሜላ ማጻፋ 15:14

ሄሳፌ ጉዬ ዳዊቲ ባ ሹሜ ኡባታስ፥ «ዴንዲቴ፤ ኣኔ ባቃቶስ፤ ኑ ሂስቶንታ ኣጊኮ ኑፔ ኢሳዴይካ ኣቤሴሎሜ ኩሼፔ ኬሲ ኤኪ ኣቴና፤ ሃኢራ ኑ ሃይሳፌ ኬዛና ቤሴስ፤ ኑ ሂስቶንታ ኣጊኮ ካሌቲ ዪዲ ኑና ኦይኪኮ ኢዚ ኑና ይሳና፤ ካታማዮካ ማሻን ሲፋና» ጊዴስ።

1ሳሜላ ማጻፋ 19:10

ሳኦሊ ኢዛ ጎዳራ ጋ ኦይሴና ጊዲ ባ ቶራ ኢዛ ቦላ ጾንጊዴስ፤ ጊዶ ኣቲን ዳዊቲ ሼርኢ ጊን ሳኦሊ ጾንጊዳ ቶራይ ጎዳን ኤቂዴስ፤ ሄ ጋላሳ ኦማርስ ዳዊቲ ኢዛፔ ኬሲ ኤኪ ኣቲዴስ።

1ሳሜላ ማጻፋ 18:11

ኢዚካ፥ «ዳዊቴ ጎዳራ ጋ ኦይሴና» ጊ ቆፒዲ ቶራዛ ኢዛ ቦላ ጾንጊዴስ፤ ዳዊቲ ጊዲኮ ናምኡቶ ኢዛ ሲንፌ ሼርኢ ጊዴስ።

ዬ ማጻፋ 55:22

ኔ ሜቶ ጎዳ ቦላ ዎ፤ ኢዚ ኔና ሚን ናጋና፤ ኢዚ ጺሎቲ ኩንዳና ማላ ኦና።

ዬ ማጻፋ 57:5

ኣቤት ጾሳዉ! ኔኒ ሳሎታፔ ቦላራ ቁ ቁ ጋ፤ ኔ ቦንቾይ ሳኣ ኡባ ኩሞ።