ዬ ማጻፋ 59:16 - ጋሞ ማጻፋ

¹⁶ ጊዶ ኣቲን ታኒ ኔ ዎልቃ ሳባና፤ ማላዶ ማላዶ ኔ ሜርና ሲቆ ጊሻስ ዬጻና። ኔኒ ታስ ሜቶ ጋላስ ዜምፖኔ ባቃታ ኣቲዛ ሚጻ።

Geeshsha Maxaafa

¹⁶ Gido attiin tani ne wolqqa sabbana; maalado maalado ne mernaa siiqo gishshas yexxana. Neni taas meto gallas zempponne baqata attiza miixa.

ዬ ማጻፋ 59:16 Referans Kwoze

ዬ ማጻፋ 21:13

ኣቤት ጎዳዉ! ኔ ሚኖቴይ ቁ ቁ ጎ፤ ኔ ጊታ ዎልቃ ጊሻስ ጋላታ ዬ ዬጾስ።

ኤፌሶኔ ኣሳስ 3:20

ሄሳ ጊሻስ ኑ ጊዶን ኦዛ ባ ዎልቃ ጊና ኑ ዎሲዛይሳፌኔ ዎይኮ ኑ ቆፒዛይሳፌ ኡባፌ ቦላራ ኬሂ ዳርሲ ኦናስ ዳንዳይዛ ጾሳስ፥

ኦሮሜ ኣሳስ 15:9

ሄሳካ ኣይዛቤቲ ኢዛ ማሮቴ ጊሻስ ጾስ ጋላታና ማላ፤ ሄሲካ፥ «ታ ኔና ዴሬ ጊዶን ጋላታና፤ ኔ ሱንስካ ጋላታ ማዛሙሬ ዬጻና» ጌቴቲ ጌሻ ማጻፋን ጻፌቲዳ ማላ።

ዬ ማጻፋ 30:5

ኢዛ ሃንቆይ ጉ ዎዴሳ፥ ጊዶ ኣቲን ኢዛ ኪያቴ ዴኦ ላይ ኡባሳ፤ ኦማርስ ዬኪሼ ኣቂኮካ ማላዶ ዛዋይ ባይንዳ ኡፋይስ ጊዴስ።

ዬ ማጻፋ 143:8

ታኒ ኔና ኣማኔቲዛ ጊሻስ ማላዶ ማላዶ ኔ ሲቆ ታና ቤሳ፤ ታኒ ታ ሼምፖ ኔስ ሃዳራዲስ፤ ሄሳ ጊሻስ ታ ባና ኦጌ ታና ታማርሳ።

ዬ ማጻፋ 138:7

ታኒ ሜቶ ጊዶን ዲኮካ ኔኒ ታና ናጋሳ፤ ታ ሞርኬታ ሃንቆ ቦላ ኔ ቄሴ ዴንሳ፤ ኔ ኡሻቻ ኩሼን ታና ኣሻሳ።

2ቆሮንቶሴ ኣሳስ 1:10

ኢዚ ኑና ሄሳ ማላ ቆፖንታ ሃይቆፔ ኣሺዴስ፤ ሃኢካ ዎዴፔካ ኢዚ ኑና ኣሻናይሳ ኑ ኣማኔቶስ።

ዬ ማጻፋ 101:1

ታኒ ኔ ሲቆ ጊሻሲኔ ቱማ ፒርዳ ጊሻስ ዬጻና፤ ኣቤት ጎዳዉ! ታኒ ኔስ ጋላታ ማዛሙሬ ዬጻና።

Ibirawe 5:7

ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳይዛይሳኮ ኣፉንጺሼ ቃላ ቁ ሂስቲ ዎሲዴስ። ኣዳፌ ኣሽኬቴራ ኢዚ ኣዛዜቲዳ ጊሻስ ኢዛ ዎሳካ ጾሲ ሲዪዴስ።

ዬ ማጻፋ 145:11

ኢስቲ ኔ ካዎቴ ቦንቾ ጊሻስ ሃሳያና፤ ኔ ዎልቃ ጊሻስ ዮታና።

ዬ ማጻፋ 36:5

ኣቤት ጎዳዉ! ኔ ሜርና ሲቆይ ሳሎ ጋኬስ፤ ኔ ቱማቴይካ ቦላ ሻራ ማላ ቄስ።

ዬ ማጻፋ 31:7

ታ ሜቶ ኔኒ ቤኢዳ ጊሻሲኔ ታ ቱጋ ኔኒ ኤሪዳ ጊሻስ ታኒ ኔ ሲቆን ኡፋዬታይስ።

ዬ ማጻፋ 4:1

ኣቤት ታ ጺሎ ጾሳዉ! ታኒ ጼይጊዛ ዎዴ ኔ ታስ ኮያ። ታኒ ኡንኤቲዳ ዎዴ፥ ኔኒ ታና ሼምፒሳዳሳ፤ ታስ ቃታዳ ታ ዎሳ ሲያ።

ኢዮቤ ማጻፋ 37:23

ኡባ ዳንዳይዛ ጾሳይ ኑ ቆፋፔ ቦላ፤ ኢዛ ዎልቃይ ጊታ፤ ኢዚካ ቱሙ ፒርዲዛዴ።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ዬ ማጻፋ 89:1

ኣቤት ጎዳዉ! ኔ ሜርና ሲቆ ጊሻስ ታኒ ሜርናስ ዬጻና፤ ኔ ኣማኔቴ ዬሌታ ኡባስ ታ ኣዋጃና።

ዬ ማጻፋ 88:13

ኣቤት ጎዳዉ! ኔኒ ታና ማዳና ማላ ታ ኔኮ ዋሳይስ፤ ማላዶ ማላዶ ታ ዎሳይ ኔ ሲን ጋኮ።

ዬ ማጻፋ 77:2

ታኒ ሜቶቲዳ ጋላስ ጾሳ ኮያይስ፤ ኦማርሲካ ሼምፖንታ ታ ኩሼታ ኢዛኮ ሚጫይስ፤ ጊዲኮካ ታኒ ሚኔታናስ ዳንዳያቤኬ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

1ሳሜላ ማጻፋ 17:37

ታና ጋሞፌኔ ዛርዶ ኣቻፌ ኣሺዳ ጎዳይ ሃኢካ ሃ ፊሊስጼሜ ኣዴዛ ኩሼፔ ኣሻና» ጊዴስ፤ ሳኦሊካ ዛሪዲ፥ «ባ፥ ጎዳይ ኔናራ ጊዶ» ጊዴስ።

ዬ ማጻፋ 5:3

ኣቤት ጎዳዉ! ማላዶ ማላዶ ጉራን ኔኒ ታ ቃላ ሲያሳ። ማላዶ ማላዶ ጉራን ታኒ ታ ዎሳ ኔ ሲን ሺሻዳ፥ ኔኒ ታስ ኢሚዛ ዛሮ ኤካና ጋዳ ናጋይስ።

ዬ ማጻፋ 106:8

ጊዲኮካ ኢዚ ባ ሱን ጊሻስ፥ ባ ጊታ ዎልቃ ኤሪሳናስ ኢስታ ኣሺዴስ።

ዬ ማጻፋ 86:13

ኣይስ ጊኮ ኔ ታና ቤሲዳ ሜርና ሲቆይ ኬሂ ጊታ፤ ኔኒ ታ ሼምፖዮ ዱፎፔ ኣሻዳሳ።

2ሳሜላ ማጻፋ 22:3

ታ ጾሳይ ታ ጌሜቲዛ ዛላ፥ ታስ ጎንዳሌኔ ኣቶቴ ካጬ፤ ኢዚ ታስ ሚኖ ሚጻ፤ ታስ ዜምፖኔ ታና ኣሺዛዴ፤ ኔ ታና ማካላንቻታፔ ኣሻሳ።

ኬሳ ማጻፋ 15:6

«ኣቤት ጎዳዉ! ኔ ኡሻቻ ኩሼይ ዎልቃን ጎቢዴስ፤ ጎዳዉ ኔ ዎልቃማ ኡሻቻ ኩሼይ ሞርኬ ሜንሬዴስ።

ኢዮቤ ማጻፋ 15:23

ካፎስ ዎራ ኣቲዳ ካ ማላ ኢዚ ዎራ ኣታና፤ ኢዚ ያና ማ ጋላሳይ ኢዛኮ ማቲዳይሳ ኢዚ ኤሬስ።