ዬ ማጻፋ 59:13 - ጋሞ ማጻፋ

¹³ ኔ ሃንቆን ኢስታ ይሳ፤ ኢስታ ሙሌራ ዲፒ ሂስታ፤ ሄ ዎዴ ጾሲ ያቆቤ ዜሬ ኣይሲዛዴኔ ሳኣ ጋጻ ጋካናስ ዲዛ ዴራ ሃሪዛዴ ጊዲዳይሳ ኣሲ ኡባይ ኤራና።

Geeshsha Maxaafa

¹³ Ne hanqon istta dhayssa; istta mulera dippi histta; he wode Xoossi Yaaqoobe zereththa ayssizaadenne sa7a gaxa gakkanaas diza deraa haarizaade gididayssa asi ubbay erana.

ዬ ማጻፋ 59:13 Referans Kwoze

ዬ ማጻፋ 83:18

ኔ ሱንይ ጎዳ ጊዲዳይሳኔ ሳኣ ኡባ ቦላ ኔኒ ጻላ ኡባፌ ቃ ጾሳ ጊዲዳይሳ ኢስቲ ኤሬቶ።

ዬ ማጻፋ 7:9

ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

ሂዚቄላ ቲንቢቴ 39:7

« ‹ታ ጌሻ ሱንይ ታ ዴራ ኢስራኤሌን ኤሬታና ማላ ታ ኦና፤ ሃይሳፌ ጉዬን ታ ጌሻ ሱንይ ካታና ማላኔ ካዉያና ማላ ታ ኮይኬ፤ ሄሳን ካዎቴቲ ታኒ ጎዳይ ኢስራኤሌ ጌሻ ጊዲዳይሳ ኤራና።

ዬ ማጻፋ 59:11

ኣቤት ኑስ ጎንዳሌ ጊዲዳ ጎዳዉ! ታ ኣሳይ ኔኒ ሃሎ ኬሲዛይሳ ባሎንታ ማላ ኔኒ ኢስታ ዎ ይሶፋ፤ ጊዶ ኣቲን ኔ ዎልቃን ኢስታ ላላኔ ካዉሻ።

ዳኔላ ቲንቢቴ 4:25

ኔኒ ኔ ዴሬዛፔ ሻኬታዳ ጎዴታና፤ ኔስ ዱሳሶይካ ዎራ ዶኣታራ ጊዳና፤ ላፑን ላይ ፖሌታና ጋካናስ ኔኒ ሜሄ ማላ ማታ ማና፤ ኔኒ ኬንቾን ሙሳና፤ ሄሲ ዉሪ ኔና ጋካናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ኢዚ ካዎቴ ዉርሲካ ባ ዶሲዳዴስ ኢሚዛይሳ ኔ ሻካ ኤራና ጋካናሳ።

ሂዚቄላ ቲንቢቴ 38:23

ታኒ ታ ጊታቴኔ ታ ጌሻቴ ሄሳን ቤሳና። ቃሴ ዳሮ ካዎቴታ ሲንን ታኒ ታናቴ ኤሪሳና። ሄሳፌ ጉዬ ታኒ ጎዳ ጊዲዳይሳ ኢስቲ ኤራና› ጌስ።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ዬ ማጻፋ 104:35

ናጋራንቻቲ ቢታፌ ዬቶ፤ ሃይሳፌ ሲንስ ኢታቲ ዶፔቶ። ታ ሼምፖዬ! ጎዳ ጋላታ! ጎዳ ጋላታ!

2ካዎታ ማጻፋ 19:19

ሃኢካ ጎዳዉ ኑ ጾሳዉ! ኔኒ ጻላ ጾሳ ጊዲዳይሳ ሃ ቢታ ቦላ ዲዛ ካዎቴቲ ኤራና ማላ ኢዛ ኩሼፔ ኑና ኣሻ» ጊ ዎሲዴስ።

ታይቦ ማጻፋ 32:13

ጎዳይ ኢስራኤሌ ዴሬዛ ቦላ ሃንቄቲዳ ጊሻስ ሄ ኢዛ ሃንቄዳ ዬሌታቲ ኡባይ ዉራና ጋካናስ ኢስቲ ባዞ ቢታን ኦይዱ ታሙ ላይ ቶይላታና ማላ ኦዴስ።

ዬ ማጻፋ 10:7

ኢዛ ዶናን ቃንጌ፥ ዎርዶይኔ ማንዴይ ኩሚዴስ፤ ኢዛ ኢንጻርሳን ጌኔይኔ ባሌይ ዴስ።

ዬ ማጻፋ 64:9

ሄ ዎዴ ኣሳይ ኡባይ ጾሳስ ያያና፤ ጾሳ ኦሶ ቆንጬን ዮታና፤ ኢዚ ኦዳይሳካ ዩሺ ቆፓና።

ዬ ማጻፋ 109:17

ኢዚ ቃንጋናስ ዶሲዛ ጊሻስ ኢዚ ቃንጌቶ! ኢዚ ኣንጃናስ ዶሶንታ ጊሻስ ኢዛፔ ሃኪዴስ!

ሌሚሶ ማጻፋ 12:13

ኢታ ኣሲ ባ ሃሳይዳ ኢታ ሃሳያን ኦይኬቴስ፤ ጺሎይ ጊዲኮ ሜቶፔ ኬሲ ኤኪ ኣቴስ።