ዬ ማጻፋ 5:10 - ጋሞ ማጻፋ

¹⁰ ኣቤት ጾሶ! ኢስታ ቦላ ኔኒ ፒርዳ፤ ኢስታ ጌኔይ ኢስታ ኤኪ ቦ። ኢስታ ናጋራይ ዳሮ፤ ሄሳ ጊሻስ ኔኒ ኢስታ ጎዳ ዲጋ፤ ኣይስ ጊኮ ኢስቲ ኔ ቦላ ጌላቲዳ።

Geeshsha Maxaafa

¹⁰ Abeet Xoossoo! Istta bolla neni pirda; istta geney istta ekki bo. Istta nagaray daro; hessa gishshas neni istta goodda digga; ays giikko istti ne bolla geellattida.

ዬ ማጻፋ 5:10 Referans Kwoze

ኢሳያሳ ቲንቢቴ 63:10

ኢስቲ ጊዲኮ ማካሊዳ፤ ኢዛ ጌሻ ኣያናካ ሚሺሲዳ ሄሳ ጊሻስ ኢዚ ሲሚዲ ኢስታስ ሞርኬ ጊዲዴስ፤ ኢስታ ኦሊዴስ።

2ሳሜላ ማጻፋ 17:14

ኣቤሴሎሜይኔ ኢስራኤሌ ኣሳይ ኩሜ፥ «ኣክጾፌሌ ዞሬፔ ኣርኬ ዴሬ ኣስ ሁሼ ዞሬይ ሎኤስ» ጊዳ፤ ጎዳይ ኣቤሴሎሜ ቦላ ባሽ ኤሃናስ ሎኦ ጊዲዳ ኣክጾፌሌ ዞሬይ ኤኬቶንታ ማላ ኦዴስ።

1ቆሮንቶሴ ኣሳስ 3:19

ሃይሳ ሃ ዴሬዛ ኤራቴ ጾሳ ኣቻን ኤያቴ፤ ካሴ ጌሻ ማጻፋን፥ «ኢዚ ኤራንቻታ ኢስታ ጌኔ ኦሶ ጋሶን ዛሪዲ ኦይካና» ጌቴቲ ጻፌቲዴስ።

ዬ ማጻፋ 71:13

ታና ሞቲዛይቲ ዬላቲዲ ዬቶ። ታና ቆሃናዉ ኮይዛይቲ ዬላኔ ካዉሻቴ ማይኤቶ።

ዬ ማጻፋ 31:18

ጺሎዛ ቦላ ኦቶሮን፥ ካኒኔ ጻላቴን ሃሳይዛ ጊሻስ ዎርዳንቻታ ዶና ዱዲሳ።

2ሳሜላ ማጻፋ 17:23

ኣክጾፌሌይ ኢስቲ ኢዛ ዞሬዛ ኤኮንታ ኢጺዳይሳ ቤኢዲ ባ ሃሬዛ ጫኒ ኤኪዲ ባ ኬ ዲዛ ካታማ ቢዴስ፤ ባሶ ማራሲ ጊግሲዳፔ ጉዬ ባ ኩሼን ጩሌቲ ሃይቂዴስ፤ ሄሳ ሃይቂዲ ባ ኣዋ ዱፎን ሞጌቲዴስ።

2ሳሜላ ማጻፋ 15:31

ሄ ዎዴ፥ «ሴራ ጊዶን ኣቤሴሎሜራ ዲዛይ ኣክጾፌሌ» ጊ ዳዊቴስ ዮቲዳ፤ ሄሳ ጊሻስ ዳዊቲ፥ «ኣቤት ጎዳዉ! ኣክጾፌሌ ዞሬዛ ሃዳ ሂስታርኪ» ጊ ዎሲዴስ።

ሆሴኤ ቲንቢቴ 9:7

ቃጻያና ዎዴይ ጋኪዴስ፤ ፒርዳ ጋላሲካ ጋኪዴስ፤ ሄሳ ኢስራኤሌ ኣሳይ ኤሮ። ኢንቴ ኦዳ ናጋራይ ዳሮ ጊዲዳ ጊሻሲኔ ኢንቴ ሞርኬቴ ጊታ ጊዲዳ ጊሻስ ናቤይ ኤያ ማላ፥ ጾሳ ኣያናይ ኢዛ ቦላ ሼምፒዳዴይ ጎሻ ማላ ቆዴቲዴስ።

ኤርማሳ ዚላስ 1:5

ኢዚ ናጋራይ ዳሮ ጊዲዳ ጋሶን ጎዳይ ኢዚ ቦላ ሜቶ ዬጊዴስ፤ ኢዚ ሞርኬቲ ኢዞ ሃሪዳ፤ ኢዚ ናይቲካ ሞርኬታን ዲኤቲዳ፤ ኢዚ ሞርኬታስ ዱሲ ሎኢዴስ።

ዬ ማጻፋ 55:15

ኢታቴ ኢስታ ዎዚና ጊዶን ዲዛ ጊሻስ ታ ሞርኬታ ቦላ ቆፖንታ ሃይቆይ ጋኮ፤ ሼምፖራ ፓጻ ዲሼ ሞጌቴቶ!

ዬ ማጻፋ 35:26

ታ ዋዬን ኡፋዬቲዛይቲ ኡባይ ዬላቴቶኔ ካዉዬቶ፤ ታ ቦላን ኦቶሬቲዛይቲ ዬላኔ ካዉሻቴ ማይኤቶ።

ዳኔላ ቲንቢቴ 9:9

ኣቤት ጎዳ ኑ ጾሳዉ! ኑኒ ኔ ቦላ ማካሊኮካ ኔኒ ማሪዛኔ ኣቶ ጊዛ ጾሳ።

ዳኔላ ቲንቢቴ 9:5

ኑኒ ጊዲኮ ናጋራ ኦዶስ፤ ኔና ቆሂዶስ፤ ኢታ ሚሽ ኦዶስ፤ ማካሊዶስ፤ ኔ ኣዛዞታፔኔ ኔ ዎጋፔ ካሬ ኬዚዶስ።

ኢሳያሳ ቲንቢቴ 1:20

ኢንቴ ታስ ኣካይ ጊ ማካሊኮ ማሻይ ኢንቴና ማና፤ ሃይሳ ዮቲዳይ ታና ጎዳ» ጊዴስ።

ኢሳያሳ ቲንቢቴ 1:2

ጎዳይ፥ «ሳሎቶ ሲዪቴ! ቢታዬ ኔካ ኤዝጋ ሲያ! ታኒ ናይታ ዬላዳ ዲቻ ጋን ኢስቲ ታ ቦላ ማካሊዳ።

ዬ ማጻፋ 107:11

ጋሶይካ ኢስቲ ጾሳ ቃላ ቦላ ማካሊዳኔ ኡባፌ ቃ ጾሳ ዞሬ ካዳ።

ዬ ማጻፋ 79:12

ኣቤት ጎዳዉ! ኑ ሾሮቲ ኔና ቂዳይሳ ሃሎ ላፑን ኩሼ ኢስታስ ዛራ።

ዬ ማጻፋ 66:7

ኢዚ ባ ዎልቃን ሜርናስ ሃሬስ። ካዎቴታ ኡባካ ባ ኣይፌን ጼሌስ፤ ሄሳ ጊሻስ ማካሊዛይቲ ኢዛ ቦላ ቁ ቁ ጎፔቶ።

ዬ ማጻፋ 17:13

ኣቤት ጎዳዉ! ዴንዳ። ታ ሞርኬታራ ኤቄታዳ ኢስታ ሾጫ፤ ኔ ማሻን ኢታታፔ ታና ኣሻ።

ዬ ማጻፋ 10:15

ጌኔ ኣሳታ ዎልቃ ሜን፤ ኢታ ኣሳታ ዎልቃካ ሊቂሳ፤ ኢስቲ ናምኣን ኢታ ኦንታ ማላ ኢስታ ኦሶ ማላ ኢስታ ቃጻያ።

ኣስቴሪ ማጻፋ 7:10

ሄሳ ጊሻስ ማርዲኪዮሳ ካቃና ጊዲ ጊግሲዳ ኮጫ ቦላ ኤፊዲ ሃማ ካቂዳ፤ ሄሳፌ ጉዬ ካዎዛ ሃንቆይ ኢርጺዴስ።

2ታሪኬ ማጻፋ 25:16

ናቤዚ ዮቶ ቦላ ዲሺን ካዎዚ፥ «ኔኒ ካዎ ዞራና ማላ ኑኒ ኔና ዶሪዶኒ? ጮኡ ጊኪ! ሃይቃና ኮያይ?» ጊዴስ። ሂስቲን ናቤዚ ጮኡ ጊ ኤኪዲ፥ «ኔኒ ሃይሳ ኦዳ ጊሻሲኔ ታኒ ኔና ዞሪዳይሳ ኔ ሲዮንታ ጊሻስ ጾሲ ኔና ይሳና ቃቺዳይሳ ታኒ ኤራይስ» ጊዴስ።

1ሳሜላ ማጻፋ 25:39

ዳዊቲካ ናባሌይ ሃይቂዳይሳ ሲዪዳ ዎዴ፥ «ናባሌይ ታና ጫዪዳ ጊሻስ ታስ ሃሎ ኬሲዳይኔ ታና ባ ኣይሌዛ ኢታ ኦንታ ማላ ናጊዳ ጎዳይ ጋላቴቶ፤ ናባሌይ ኦዳ ኢታ ሚሽ ኢዛ ሁኤን ዛሪዴስ» ጊዴስ። ሄሳፌ ጉዬ ዳዊቲ ኣቢጋላ ኢዛ ማቾ ጊዳና ማላ ኦይሻ ኣስ ኪቲዴስ።

1ሳሜላ ማጻፋ 25:29

ኣይ ኣሲካ ኔ ሼምፖ ይሳናስ ጎዲኮካ ታ ጎዳ ሼምፖይ ዴኦን ዲዛይታ ኢሲፌቴ ጊዶን ጎዳ ኔ ጾሳ ማታን ሳሮን ናጌታና። ጊዶ ኣቲን ኔ ሞርኬታ ሼምፖ ሹች ያንባርሻን ጫዲዛ ማላ ጫዳና።

ዛሬ ማጻፋ 2:30

ካዎ ሲሆኔይ ቃሴ ኑኒ ኢዛ ዴሬራ ኣ ባና ማላ ኮዪቤና፤ ጋሶይካ ጎዳ ኢንቴ ጾሳይ ሃች ኢንቴ ቤኢዛይሳ ማላ ኢዛ ኢንቴ ኩሼን ኣ ኢማናስ ኢዛ ዎዚና ሙሚሲዲ ኦቶራንቻ ኬሲዴስ።