ዬ ማጻፋ 45:2 - ጋሞ ማጻፋ

² ኣሳ ኡባፌ ኔኒ ኬሃ ሎኣሳ፤ ኔ ፑላን ኩሚዳ ቃላ ሃሳያሳ፤ ሄሳ ጊሻስ ጾሲ ኔና ሜርናስ ኣንጂዴስ።

Geeshsha Maxaafa

² Asa ubbaafe neni keeha lo7aasa; ne puulan kumida qaala haasayaasa; hessa gishshas Xoossi nena mernaas anjjides.

ዬ ማጻፋ 45:2 Referans Kwoze

ሉቃሳ ሚሺራቾ 4:22

ኣሳይ ዉሪካ ኢዛ ጊሻስ ሎኦ ጻላላ ሃሳዬቴስ፤ ቃሴካ ኢዛ ዶናፔ ኬዚዛ ሎኦ ቃላፔ ዴንዲዳይሳን ማላሌቲዲ፥ «ሃይሲ ዮሴፌ ና ጊዴኔ?» ጊዳ።

Ibirawe 7:26

ሄሳ ጊሻስ ኑስ ኮሺዛ ቄሴታ ሃላቃይ ሄሳ ማላ ጌሺኔ ዎሶይ ኢዛ ቦላ ባይንዳ ጺሎኔ ናጋራንቻታፔ ሻኬቲዲ ሳሎታፔ ቦላራ ቦንቼቲዳ ቄሴታ ሃላቃ።

ዮሃኒሳ ሚሺራቾ 7:46

ዎታዳራቲካ ዛሪዲ፥ «ሃ ኣዴዚ ሃሳይዛይሳ ማላ ኣይ ኣሲካ ሃሳዪ ኤሬና» ጊዳ።

ዬ ማጻፋ 21:6

ኔኒ ኢዛስ ሜርና ኣንጆ ኢማዳሳ፤ ኔ ኢዛራ ዱሳን ኢዛ ኡፋይሳዳሳ።

ዮሃኒሳ ሚሺራቾ 1:14

ቃላይካ ኣስ ጊዲዴስ፤ ጾሳ ኪያቴኒኔ ቱማን ኩሚዲ ኑናን ኣቂዴስ፤ ኢሲ ናስ ኣዋ ማታን ዲዛ ቦንቾ ሚሳቲዛ ኢዛ ቦንቾ ኑ ቤኢዶስ።

Siiqo Saba 2:3

«ታ ሲቆዛ ታኒ ናቴታራ ጋ ጼሊዛ ዎዴ፥ ዎራ ጊዶን ዲዛ ኣፒሌ ሚሳቴስ፤ ታኒካ ኬሃ ኡፋዬታዲስ፤ ታኒ ኢዛ ኩዋ ጋርሳን ሼምፓዲስ፤ ማልኢዛ ኢዛ ኣይፌዛፔካ ማ ካላዲስ።

ሌሚሶ ማጻፋ 22:11

ዎዚና ጌሻቴ ዶሲዛ ኣሲኔ ዶናፔ ሎኦ ሃሳይዛ ኣሳራ ካዎይ ላጌቴስ።

Maatosa 17:2

ኢስቲ ሄን ዲሺን ዬሱሳ ሜይ ላሜቲዴስ፤ ኢዛ ኣይፌሶይ ኣዋ ኣርሼ ማላ ፖኢዴስ፤ ኢዛ ማይኦይካ ፖኦ ማላ ጾልቂዴስ።

ዛካራሳ ቲንቢቴ 9:17

ኢስቲ ኣይ ማላ ሎኦኔ ፑላ ኣስ ጊዳኔሻ! ካ ናቴታ ዎይኔ ኡሺ ጌላኦታ ኣንቃርሳና።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

ሌሚሶ ማጻፋ 5:2

ሄሲካ ዎዚናማቴ ኔስ ሚሽ ጊዳና ማላኔ ኔ ሜቴርሻቲ ኤራቴ ናጋና ማላሳ።

ኢሳያሳ ቲንቢቴ 33:17

ኔ ኣይፌቲ ካዎዛ ፑላቴ ቤኣና፤ ሃኮን ሚጬቲ ዲዛ ቢታካ ቤኣና።