ዬ ማጻፋ 4:7 - ጋሞ ማጻፋ

⁷ ካኔ ዎይኔ ኡሹ ዳሮ ዴሚዲ ሃራቲ ኡፋዬቲዛይሳፌ ኣዳ ኔኒ ታ ዎዚና ኡፋይሳን ኩንዳሳ።

Geeshsha Maxaafa

⁷ Kaththinne woyne ushshu daro demmidi harati ufayettizayssafe aaththada neni ta wozina ufayssan kunththadasa.

ዬ ማጻፋ 4:7 Referans Kwoze

ኢሳያሳ ቲንቢቴ 9:3

ኔኒ ካዎቴ ዳርሳዳሳ፤ ኢስታስ ኡፋይሳ ቦላ ኡፋይስ ጉጃዳሳ፤ ኣሳይ ካ ሺሺሼኔ ዲኢ ኤኪዳ ሚሽ ጊሼቲሼ ኡፋዬቲዛ ማላ ኢስቲካ ኔ ሲንን ኡፋዬታና።

ዬ ማጻፋ 37:4

ጎዳን ኡፋዬታ፤ ኢዚ ኔስ ኔ ዎዚና ኣሞ ኢማና።

ዬ ማጻፋ 43:4

ሄ ዎዴ ታኒ ታና ኡፋይሲዛ ጾሳኮ ባና፤ ኔስ ያርሾ ያርሺዛሶዛ ባዳ ኔስ ጎይናና፤ ኣቤት ጎዳ ታ ጾሳዉ! ታኒ ዲን ኔና ሳባና።

ሃዋሬታ ኦሶ 14:17

ጊዶ ኣቲን ጾሲ ሳሎፔ ኢራኔ ሄሳካ ካ ካጺዛ ዎዴታ ኢሚዲ ኢንቴ ዎዚና ካኒኔ ኡፋይሳን ኩንዴስ፤ ኡፋይሳካ ኢንቴና ካልሲዲ ሎኦ ኦሶን ባና ማርካይ ባይንዳ ኣጊቤና» ጊዳ።

Siiqo Saba 1:4

ታና ኔናራ ኤካዳ ባ፤ ሃ ያ፥ ኣኔ ናምኣይ ኢሲፌ ዎጾስ! ታ ካዎ፥ ታና ኔ ቁሩጾ ጊዶ ጌል» ጋዱስ። «ኢዛን ኑኒ ኣይ ኬና ኡፋዬቲዶኒ! ኑኒ ኢዛ ሲቆ ዎይኔ ኡሻፌካ ኣዲ ናሾስ። ቱሙካ ማጫሳይ ኡባይ ኔና ሲቃናስ ቤሴስ» ጊዳ።

ዬ ማጻፋ 92:4

ኣቤት ጎዳዉ! ኔ ኦዳ ዎልቃማ ኦሶቲ ታና ኡፋይሲዳ፤ ኔ ኩሼይ ኦዳ ጊሻስ ታኒ ኡፋይሳን ዬጻይስ።

ኤርማሳ ቲንቢቴ 48:33

ሞኣቤን ኣታኪልቴሶፔኔ ጎሻ ጋዴፔ ሃሹ ሂስቲዛዚኔ ኡፋይሲ ይዴስ፤ ዎይኔ ኡሺ ጉምኢን ዎንታ ማላ ሜሊሳዲስ፤ ኦኒካ ኢዛ ኢሊሊሼ ጉምኤና፤ ሄን ኣሳ ቃላይ ሲዬቲኮካ ኢሊሊሳ ጬንጉርስ ጊዴና።

ዳናታ ማጻፋ 9:27

ኡባይካ ባ ጋዴ ጋዴ ቢዲ ዎይኔ ቴራ ማጺዳ፤ ዎይኔ ኡሻ ኣጊዲ ጊታ ባኣሌ ቦንቺዳ፤ ባንታ ኤቃ ኬ ጌሊዲ ሄን ሚሼኔ ኡዪሼ ኣቢሜሌኬ ጫዪዳ።

1ጴጽሮሳ ኪታ 1:8

ኢንቴ ዬሱስ ኪርስቶሳ ኣይፌራ ቤኦንታ ኣጊኮካ ኢንቴ ኢዛ ዶሴታ፤ ሃኢካ ኢንቴ ኢዛ ቤኦንታ ኣጊኮካ ኢዛ ኣማኔታ፤ ጮ ቃላን ቆንጪሳና ዳንዳዮንታ ጊታ ቦንቾ ኡፋይስ ኢንቴ ኡፋዬቴታ።

ታይቦ ማጻፋ 6:25

ጎዳይ ባ ኣይፌሶ ፖኦ ኔስ ቆንጪሶ፤ ኢዚ ኔስ ቃቶ።

ዬ ማጻፋ 31:17

ኣቤት ጎዳዉ! ታኒ ኔና ጼይጋይስ፤ ታና ዬላሶፓ፤ ኢታቲ ጊዲኮ ዬላቴቶ፤ ዱጌ ዱፎን ጌሊዲ ሲርጲ ጌቶ።

ዬ ማጻፋ 67:2

ኔ ኦጌቲ ሳኣ ቦላን፥ ኣሺዛ ኔ ዎልቃይካ ካዎቴታ ኡባ ጊዶን ኤሬቴቶ።

ዬ ማጻፋ 80:4

ኣቤት ጎዳዉ ኡባፌ ዎልቃማ ጾሳዉ! ኔ ኣሳ ዎሳ ቦላ ኣዉዴ ጋካናስ ኔ ሃንቄታኔ?