ዬ ማጻፋ 4:2 - ጋሞ ማጻፋ

² ኢንቴኖ ኣሳቶ! ኢንቴ ኣዉዴ ጋካናስ ታ ቦንቾ ካዉሻኔ? ኢንቴ ኣዉዴ ጋካናስ ሃዳ ሚሽ ሲቃኔ? ኢንቴ ኣዉዴ ጋካናስ ዎርዶ ሚሽ ካላኔ?

Geeshsha Maxaafa

² Intteno asatoo! Intte awude gakkanaas ta bonchcho kawushshanee? Intte awude gakkanaas hada miish siiqanee? Intte awude gakkanaas wordo miish kaallanee?

ዬ ማጻፋ 4:2 Referans Kwoze

ሌሚሶ ማጻፋ 1:22

«ኢንቴኖ ዎዚና ፓጬቶ! ኢንቴ ኣዉዴ ጋካናስ ኤያቴ ኦጌ ካላኔ? ቂልጪዛይቶ! ኢንቴ ቂልጪዛይሳን ኣዉዴ ጋካናስ ኡፋዬቴቲ? ኤያቶ! ኤራቴ ኣዉዴ ጋካናስ ኢጻኔ?

ሆሴኤ ቲንቢቴ 4:7

ቄሴታ ቆዳይ ዳሪ ዳሪ ቢሺን ኢስቲ ታ ቦላ ኦዳ ናጋራይ ዳሪ ዳሪ ቢዴስ፤ ባንታ ቦንቾካ ካዉሻን ላሚዳ።

ዬ ማጻፋ 3:3

ጊዶ ኣቲን ጎዳዉ! ኔኒ ታ ዩሾን ጎንዳሌ። ታና ቦንቺሲዛይኔ ሚንዛይ ኔና።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ዬ ማጻፋ 106:20

ኢስቲ ባንታ ቦንቾ ጾሳ ማታ ሚዛ ሚዛ ሚስሌን ላሚዳ።

ዬ ማጻፋ 5:6

ዎርዶ ሃሳይዛይታ ኔኒ ይሳሳ። ሱ ጉሲዛይታኔ ጪሚዛ ኣሳታ ኔኒ ሃራሴታሳ።

ኤፌሶኔ ኣሳስ 4:25

ኑ ዉሪካ ኢሲ ኣሾ ጊዲዳ ጊሻስ ዎርዶቴ ዲጊዲ ኑኒ ኑ ጋርሳን ኢሶይ ኢሳራ ኣኔ ቱማ ሃሳዮስ።

ኤራንቻታ ማጻፋ 8:11

ኢታ ኦዳ ኣሳ ቦላ ኤሶን ፒርዶንታ ኣጊኮ ኣሳ ዎዚናይ ኢታ ኦና ሃልቾን ኩሜስ።

1ሳሜላ ማጻፋ 12:21

ኢንቴና ጎኣናስ ዎይኮ ኣሻናስ ዳንዳዮንታ ሹፉሮ ሚሻታ ካሎፍቴ፤ ኢስቲ ሃዳ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ኤርማሳ ቲንቢቴ 9:3

ጎዳይ፥ «ኢስቲ ባንታ ኢንጻርስ ዎርዶ ሃሳያናስ ዎንዳፌ ማላ ጊግሲዳ፤ ቱማን ጊዶንታ ዎርዶራ ቢታይ ቦላ ሚኒዳ፤ ኢስቲ ኢታ ቦላ ኢታ ጉጂ ጉጂ ቢዳ፤ ታናካ ኤሬቴና» ጌስ።

ኢሳያሳ ቲንቢቴ 59:4

ጺሎቴን ሞቲዛይ ባዋ፤ ቱማቴን ፒርዲዛይ ኦኒካ ዴና። ሃዳ ዮኦን ኣማኔቴቴስ፤ ዎርዶ ሃሳዬቴስ፤ ሺሮ ቃንቲዲ ኢታቴ ዬሊዳ።

ኢሳያሳ ቲንቢቴ 45:17

ኢስራኤሌይ ጊዲኮ ጎዳን ሜርና ኣቶቴ ኣታና፤ ኢንቴካ ሜርናስ ዬላቴኬታኔ ካዉዬኬታ።

ኢሳያሳ ቲንቢቴ 20:5

ቶጵያ ሂዶታ ኦዳይቲኔ ጊብጼን ጬቄቲዛይቲ ባባናኔ ካዉያና።

ዬ ማጻፋ 63:11

ጊዶ ኣቲን ካዎይ ጾሳን ኡፋዬታና፤ ጾሳ ሱንን ጫቂዛ ኡባይ ኢዛ ጋላታና፤ ዎርዶ ሃሳይዛይታ ዶናይ ጊዲኮ ጎርዴታና።

ዬ ማጻፋ 58:3

ኢታቲ ባ ኣዪ ኡሎፔ ዶሚዲ ሞሮ ኦጌ ቤቴስ፤ ዬሌቲዳ ጋላሳፌ ዶሚዲ ባሌቴቴሲኔ ዎርዶቴቴስ።

ዬ ማጻፋ 58:1

ኢንቴኖ ዴሬ ሃሪዛይቶ! ኣዳካ ኢንቴ ዶናፔ ጺሎ ሃሳያይ ኬዚዜ? ኣሳ ኡባስ ጺሎ ፒርዴቲ?

ዬ ማጻፋ 57:4

ታኒ ታ ሞርኬታ ጊዶን፥ ኣስ ፑዚዲ ሚዛ ጋሞ ሚሳቲዛይታ ጊዶን ዳይስ። ኢስታ ኣቻይ ቶራኔ ዎንዳፌ ዪሻ ማላ፤ ኢስታ ኢንጻርሳይካ ቃራ ማሻ ማላ።

ዬ ማጻፋ 31:6

ፓንታ ኤቃታስ ጎይኒዛይታ ታኒ ኢጻይስ፤ ታኒ ጊዲኮ ጎዳን ኣማኔታይስ።

ዬ ማጻፋ 14:6

ኢንቴ ሂዬሳታ ሃልቾ ላሌታ፤ ጊዶ ኣቲን ጎዳይ ሂዬሳቲ ባቃቲ ኣቲዛሶ ጊዴስ።

ዬ ማጻፋ 2:1

ካዎቴቲ ኣይስ ዴንዲዞ? ቃሴ ካዎቴይ ኣይስ ኢታ ኦናስ ማቄቲዜ?

ኤራንቻታ ማጻፋ 9:3

ሳሎ ጉፋንን ኡባ ቦላ ጋኪዛ ኢታቴ ሃይሳ፤ ኡባስ ዉርሴ ቃዳይ ኢሲኖ፤ ሄሳፌ ቦላራካ ኣሳ ዎዚናይ ኢታቴን ኩሚዴሲኔ ጎዪዴስ፤ ዉርሴንካ ሃይቂዳ ኣሳን ጋይቴስ።

ዬ ማጻፋ 72:2

ሂስቲኮ ኢዚ ኔ ዴራስ ጺሎቴን ፒርዳና፤ ናቄቲዳይታሲካ ሱሬ ፒርዳና።

ታይቦ ማጻፋ 14:11

ጎዳይ ሙሴስ፥ «ሃይሲ ዴሬዚ ኣይዴ ጋካናስ ታና ካኔ? ታኒ ዴሬዛ ሲንን ዳሮ ማላታ ኦዲስ፤ ሂስቲን ዴሬዚ ታናን ኣማኔቶንታ ኣይዴ ጋካናስ ኢጻኔ?

ኬሳ ማጻፋ 10:3

ሂስቲን ሙሴይኔ ኣሮኔይ ካዎዛኮ ጌሊዲ፥ «ጎዳ ኢብራዌታ ጾሲ ኔና፥ ‹ኔ ኔናቴ ታ ሲንን ካዉሾንታ ኢጺዛይ ኣዉዴ ጋካናሴ? ሃኢ ታስ ጎይናና ማላ ታ ኣሳ ዬዳ።

1ቆሮንቶሴ ኣሳስ 1:31

ሄሳ ጊሻስ ካሴ ጌሻ ማጻፋን ጻፌቲዳ ማላ፥ «ጬቄቲዛ ኣሲ ጎዳን ጬቄቶ።»

ኤርማሳ ቲንቢቴ 2:5

ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ሃዋሬታ ኦሶ 24:9

ሂንኮ ኣይሁዳ ኣሳቲካ፥ «ኤ ሃይሲ ዮኦዚ ዉሪካ ቱሙኮ» ጊዲ ኣማኔቲዳ።