ዬ ማጻፋ 37:3 - ጋሞ ማጻፋ

³ ኔኒ ጎዳን ኣማኔታ፤ ሎኦ ኦሶካ ኦ፤ ሂስቲኮ ኔኒ ቢታ ቦላ ፓላሂን ዳና።

Geeshsha Maxaafa

³ Neni GODAAN ammanetta; lo7o oosokka ooththa; histtiko neni biitta bolla palahin daana.

ዬ ማጻፋ 37:3 Referans Kwoze

ዬ ማጻፋ 62:8

ኣሶ! ኡባ ዎዴ ጾሳን ኣማኔቲቴ፤ ኢዚ ኑስ ቆቴቲ ኣቲዛሶ ጊዲዳ ጊሻስ ኢንቴ ዎዚና ቆፋ ኢዛስ ዮቲቴ።

ሉቃሳ ሚሺራቾ 22:35

ቃሴካ ዬሱሲ ኢስታ፥ «ታ ኢንቴና ካሴ ጫማይ፥ ኮሮጆይኔ ቃራጺቴይ ባይንዳ ኪቲዳ ዎዴ ኢንቴስ ኣዚ ፓጪዴ?» ጊ ኦይቺዴስ። ኢስቲካ፥ «ኣይኮይካ ፓጪቤና» ጊዳ።

ዬ ማጻፋ 4:5

ጎዳስ ቤሲዛ ያርሾ ያርሺቴ፤ ጎዳንካ ጾሳንካ ኣማኔቲቴ።

ዬ ማጻፋ 26:1

ኣቤት ጎዳዉ! ታኒ ሱሬቴኒኔ ሲይ ባይንዳ ኔናን ኣማኔታ ዴኢዳ ጊሻስ ኔ ታስ ፒርዳ።

ዛሬ ማጻፋ 30:20

ጎዳ ኢንቴ ጾሳ ሲቂቴ፤ ኢዛ ቃላ ሲዪቴ፤ ኢዛኮ ሺጲ ጊቴ፤ ሄሳ ሃኒኮ ጎዳይ ካሴ ኢንቴ ኣዋታስ፥ ኣብራሃሜስ፥ ዪሳቃሲኔ ያቆቤስ ኢማናስ ጫቂዳ ቢታን ኢንቴኒኔ ኢንቴ ናይቲ ኣዱሳ ላይ ዴኣና።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ዬ ማጻፋ 33:19

ኢዚ ሄሳን ኢስታ ሃይቆፔ ኣሼስ፤ ኮሻ ዎዴካ ኢስታ ሼምፖራ ፓጻ ዎስ።

ሜቴ ማጻፋ 26:2

ጎዳይ ዪሳቃስ ቆንጪዲ፥ «ጊብጼ ቢታ ዱጌ ቦፓ፤ ታኒ ኔስ ዮቲዛ ቢታን ዴኣ።

1ሳሜላ ማጻፋ 26:19

ሃኢካ ታ ጎዳ ካዎይ፥ ባ ኣይሌዛ ጬንጉርስ ኤዝጊ ሲዮ፤ ጎዳይ ኔና ታ ቦላ ዴንዳ ጊዲኮ ኢዚ ያርሾ ሞ፤ ጊዶ ኣቲን ሃይሳ ኣሲ ኦዳ ጊዲኮ ጎዳ ኣቻን ቃንጌቲዳይታ ጊዴቶ፤ ጋሶይካ፥ ‹ባ፥ ባዳ ሃራ ኤቃታስ ጎይና› ጊዲ ጎዳ ኣቻን ጺንጾይ ዶንታ ማላ ሃች ዬዴዳ።

ኢሳያሳ ቲንቢቴ 40:11

ኢዚ ባ ዉዴ ሄንንቻ ማላ ሄሜስ፤ ባ ላቃታካ ባ ቄሴን ቶኬስ፤ ባ ኪኦንካ ኢዲሜስ፤ ንዛይታካ ሎዳራ ካሌስ።

ሜቴ ማጻፋ 26:3

ሃ ቢታን ጉ ዎዴ ኡታሻ፤ ታኒ ኔናራ ጊዳና፤ ኔና ኣንጃና፤ ኣይስ ጊኮ ሃይሳ ቢታ ኡባ ታኒ ኔሲኔ ኔ ዜሬስ ኢማና፤ ታኒ ኔ ኣዋ ኣብራሃሜስ ጫቆ ጌሊዳ ኡፋይሳ ቃላ ሚንና።

1ካዎታ ማጻፋ 19:6

ሂስቲን ዴንዲዲ ኢዚ ጼሊዛ ዎዴ ሴላን ኡኬቲዳ ኮምፓኔ ኦቶራ ዲዛ ሃ ባ ሁኤሶፔ ዴሚዴስ፤ ኢዛፔ ሚ ኡዪዳፔ ጉዬን ሲሚ ስኪዴስ።

ሌሚሶ ማጻፋ 3:5

ኔኒ ፖሎ ዎዚናን ጎዳን ኣማኔታ፤ ኔኒ ኔ ኣኬካን ዜምፖፋ።