ዬ ማጻፋ 33:4 - ጋሞ ማጻፋ

⁴ ጎዳ ቃላይ ቱማ፤ ኢዚ ኦዛ ኦሶ ኡባይ ኣማኔቲዛይሳ።

Geeshsha Maxaafa

⁴ GODAA qaalay tuma; izi ooththiza ooso ubbay ammanettizayssa.

ዬ ማጻፋ 33:4 Referans Kwoze

ዬ ማጻፋ 12:6

ጎዳ ቃላይ ኢዛን ዋላካይ ባይንዳ ሙሩታ፤ ጮጬ ታማን ላፑንቶ ፓጬቲ ጌዪዳ ቢራ ማላ።

Titosas 1:2

ኢዛ ኣማኖይኔ ኤራቴይ ካሴፔ ኦይኪዲ ዎርዶቶንታ ጎዳይ ዳሮ ዎዴፔ ካሴ ባ ኢሚዳ ሜርና ዴኦ ሂዶታ ማላ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ዳኔላ ቲንቢቴ 4:37

«ሄኮ ቤኢቴ! ታኒ ናቡካዳናጾሬይ ሳሎ ካዎስ ጋላታ፥ ቦንቾኔ ሳባ ሺሻይስ፤ ኢዛ ኦሶ ኡባይ ሊኬ፤ ኢዛ ኦጌይካ ሱሬ፤ ኦቶራንቻታ ኢዚ ካዉሻናስ ዳንዳዬስ» ጊዴስ።

ዬ ማጻፋ 119:75

ኣቤት ጎዳዉ! ኔ ፒርዳይ ጺሎ ጊዲዳይሳኔ ኔኒ ታና ቃጻይዳይ ኣማኔቴን ጊዲዳይሳ ታኒ ኤራይስ።

ዬ ማጻፋ 19:8

ጎዳ ዎጋይ ሊኬ፤ ዎዚና ኡፋይሴስ። ጎዳ ኣዛዞይ ጌሻ፤ ኣይፌ ፖኢሴስ።

ዮሃኒሳ ሚሺራቾ 14:6

ዬሱሲካ ኢዛስ፥ «ኦጌይኔ፥ ቱማይ፥ ዴኦይካ ታና፤ ታ ባጋራ ጊዲኮፌ ኣቲን ኦኒካ ኣዋኮ ባና ኣሲ ዴና።

ሌሚሶ ማጻፋ 30:5

«ጾሳይ ዮቲዛ ቃላይ ኡባይ ቱማ፤ ኢዛን ኣማኔቲዛ ኡባስ ኢዚ ጎንዳሌ።

ዬ ማጻፋ 119:128

ኔ ዎጋቲ ኡባይ ቱሙ ጊዲዳይሳ ኣማናዲስ፤ ሄሳ ጊሻስ ጌላ ኦጌ ኡባ ኢጻዲስ።

ኦሮሜ ኣሳስ 7:12

ሄሳ ጊሻስ ዎጋይ ባ ባጋራ ጌሻ፤ ኣዛዞይካ ጌሻ፤ ጺሎኔ ሎኦ።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።

ሜቴ ማጻፋ 24:27

«ባ ኪያቴኔ ባ ቱማ ታ ጎዳፔ ሃሶንታ ታ ጎዳ ኣብራሃሜ ጎዳ ጾሳይ ጋላቴቶ! ታኒ ዪሺን ጎዳ ጾሳይ ታና ታ ጎዳ ዳቦታሶ ካሌዴስ» ጊዴስ።

ሚኪያሳ ቲንቢቴ 2:7

«ያቆቤ ሶ ኣሳቶ ሄሳ ጌቴታናስ ቤሲዜ? ጾሳ ኣያናይ ኣጊ ኣሬኔ? ሄይታንታ ማላካ ኦዜ?» ጊ ኦይቻና፤ «ሱሬ ኦጌ ሄሜቲዛይታስ ታ ቃላይ ሎኦ ኦ ኤሬኔ?

ዬ ማጻፋ 25:10

ጎዳ ጫቆ ቃላኔ ማራ ናጊዛይታስ ኢዛ ኦጌይ ኡባይ ኪያኔ ቱማ።