ዬ ማጻፋ 32:5 - ጋሞ ማጻፋ

⁵ ታኒ ታ ናጋራ ኔስ ፓጻዲስ፤ ታ ቆሂዳይሳ ኔፔ ጌንቤኬ፤ «ታ ሞሮዛ ጎዳስ ፓጻና» ጋዲስ። ሂስቲን ኔ ታ ናጋራ ኡባ ኣቶ ጋዳሳ።

Geeshsha Maxaafa

⁵ Tani ta nagara nees paaxadis; ta qohidayssa neeppe genththabeekke; «Ta mooroza GODAAS paaxana» gadis. Histtiin ne ta nagara ubbaa atto gadasa.

ዬ ማጻፋ 32:5 Referans Kwoze

ሌሚሶ ማጻፋ 28:13

ባ ናጋራ ጌንዛ ኣሲ ኣጬና፤ ጊዶ ኣቲን ፓጺዛይኔ ናጋራ ኣጊዛይ ማሬታና።

2ሳሜላ ማጻፋ 12:13

ሄሳፌ ጉዬ ዳዊቲ ናታኔስ፥ «ታኒ ጎዳ ኬሃ ቆሃዲስ» ጊዴስ፤ ናታኔይ ኢዛስ ዛሪዲ፥ «ጎዳይ ኔ ናጋራ ዉርሲዳ ጊሻስ ኔ ሃይቃካ፤

ዬ ማጻፋ 38:18

ታ ናጋራይ ታና ሜቲዴስ፤ ሄሳ ጊሻስ ታ ቆሆ ታ ኔስ ፓጻይስ።

ኢሳያሳ ቲንቢቴ 65:24

ኢስቲ ቡሮ ታና ጼይጋናፔ ካሴታ ታኒ ኮያና፤ ኢስቲ ታስ ዮቲ ዉርሶንታ ታ ሲያና።

ሆሴኤ ቲንቢቴ 6:1

ዴሬዚ፥ «ሃ ዪቴ፥ ኣኔ ጎዳኮ ሲሞስ! ኢዚ ኑና ሜንዳ ማላ ኢዚካ ኑና ዛሪዲ ኮላና፤ ኢዚ ኑና ማዱንዳ ማላ ዛሪዲካ ኢዚ ኑ ማዱን ፓና።

ኢዮቤ ማጻፋ 33:27

ኢዚ ኣሳ ሲንን፥ ‹ታኒ ናጋራ ኦዲስ፤ ሱሬ ጊዲዳይሳካ ጌላሳዲስ። ጾሳይ ጊዲኮ ታ ሞራ ማላ ታስ ኦቤና።

2ሳሜላ ማጻፋ 24:10

ዳዊቲ ኦላንቻታ ቆዲዳፔ ጉዬ ባ ዎዚናራ ሞቲዲ፥ «ታ ጊታ ናጋራ ኦዲስ፤ ሃኢካ ጎዳዉ! ታና ኔ ኣይሌዛ ኔ ማራና ማላ ታ ኔና ዎሳይስ፤ ሃኢካ ጎዳዉ ታኒ ኔ ኣይሌይ ጊታ ባላ ኦሶ ኦዳ ጊሻስ ማራርኪ?» ጊዴስ።

ዬ ማጻፋ 103:12

ኣርሼይ ሞኪዛሶፔ ዉሊዛሶይ ሃኪዛ ማላ ጎዳይ ኑ ሞሮዛ ኑፔ ሃሲዴስ።

ዬ ማጻፋ 30:5

ኢዛ ሃንቆይ ጉ ዎዴሳ፥ ጊዶ ኣቲን ኢዛ ኪያቴ ዴኦ ላይ ኡባሳ፤ ኦማርስ ዬኪሼ ኣቂኮካ ማላዶ ዛዋይ ባይንዳ ኡፋይስ ጊዴስ።

ኤፌሶኔ ኣሳስ 4:32

ኢንቴና ጾሲ ኪርስቶሳ ባጋራ ኣቶ ጊዳ ማላ ኢንቴካ ኢንቴ ጋርሳን ኣቶ ኣቶ ጌቴቲቴ፤ ኢሶይ ኢሳራ ኪያታኔ ኢሶይ ኢሳስ ቃቲዛይታ ጊዲቴ።

ሉቃሳ ሚሺራቾ 7:47

«ሄሳ ጊሻስ ታ ኔና ጊዛይ ኢዛ ታና ኬሃ ዶሲዳ ጊሻስ ኢዛ ባ ዳሮ ናጋራፔ ማሬታዱስ፤ ጉራ ማሬቲዛ ኣሳ ሲቆይካ ጉ» ጊዴስ።

ዬ ማጻፋ 103:3

ኢዚ ኔ ናጋራ ኡባ ኣቶ ጌስ፤ ኢዚ ኔ ሃርጌ ኡባፌ ኔና ፓስ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

2ሳሜላ ማጻፋ 12:9

ሂስቲን ኢዛ ሲንን ኢታ ሚሽ ኦዳ ጎዳ ቃላ ኣይስ ካዉሻዲ? ሂቴ ዴሬ ኣስ ኦሪዮ ማሻን ሲፋዳሳ፤ ኢዛ ማቼዮ ኔስ ኤካዳሳ፤ ኢዛካ ኣሞኔታ ማሻን ዎሳዳሳ።

ኢያሶ ማጻፋ 7:19

ሂስቲን ኢያሶይ ኣካኔ፥ «ታ ናዞ! ጎዳ ኢስራኤሌ ጾሳ ቦንቻ፤ ኢዛስ ፓጻ፤ ኣኔ ኔኒ ኦዳይሳ ቆቶንታ ዳሼ ታስ ዮታ» ጊዴስ።

ኤርማሳ ቲንቢቴ 3:13

ጊዲኮኔ ኔኒ፥ ‹ጎዳ ኔ ጾሳ ቦላ ማካላቴን፥ ኔ ቦንቾካ ኣላጋ ጾሳታስ ዳሻ ሚታ ጋርሳን ኣ ኢሞኒኔ ታስ ኣዛዜቶንታ ኢጾን ኔኒ ሞራንቻ ጊዲዳይሳ ጻላ ኣማና› ጌስ ጎዳይ» ጊዴስ።

ኤርማሳ ቲንቢቴ 2:35

‹ታኒ ጺሎ፤ ቱማፔ ኢዛ ሃንቆይ ታና ጋኬና› ጋሳ። ኔኒ፥ ‹ታኒ ናጋራ ኦቤኬ› ጊዛ ጊሻስ ታኒ ኔ ቦላ ፒርዳና።

ኤርማሳ ቲንቢቴ 2:23

ኔኒ ዋናዳ፥ «ታኒ ቱናቤኬ፤ ታኒ ባኣሌ ኤቃታስ ጎይናናስ ዎጻቤኬ» ጋናስ ዳንዳያይ? ኔኒ ሾባን ኦዳይሳ ኣኔ ቆፓ፤ ኔኒ ኦዳይሳ ኣኔ ኣኬካ፤ ኔኒ ያኔ ሃ ዎጼሬቲዛ ጋሜላ ማላ ጊዳዳሳ።

ሌሚሶ ማጻፋ 30:20

«ላይማ ማጫሳያ ሃኒዛ ሃኖይካ ሄሳ ማላ። ኢዛ ሙሳ ማዉስ፤ ጊዶ ኣቲን ሚዳፔ ጉዬን፥ ባ ዶና ቁጫዳ፥ ‹ታኒ ኣይኮካ ሞራቤኬ› ጋዉስ።

ሚልካሳ ቲንቢቴ 3:8

«ኣሲ ጾሳ ሚሽ ካይሶቲ ኤሪዜ? ኢንቴ ጊዲኮ ካይሶቴታ፤ ኢንቴ ቃሴ፥ ‹ኑ ኣይ ካይሶቲዶኒ?› ጊዲ ኦይቺቴ፤ ኢንቴ ኣስራታኔ ማባ ታፔ ካይሶቲዴታ።

ኢዮቤ ማጻፋ 31:33

ታኒ ታ ሞሮ ጌንቤኬ፤ ሃራ ኣሳታ ማላ ታ ናጋራካ ቆታቤኬ።

ሉቃሳ ሚሺራቾ 16:15

ዬሱሲካ ኢስታስ፥ «ኢንቴ ኢንቴና ኣሳ ኣቻን ጺሊሴታ፤ ጊዶ ኣቲን ጾሲ ኢንቴ ዎዚና ኤሬስ፤ ኣሳ ኣቻን ቦንቼቲዳዴይ ጾሳ ሲንን ቱና» ጊዲ ዮቲዴስ።

ኤርማሳ ቲንቢቴ 31:20

ኤፍሬሜይ ታ ዶሳዳ ኡፋዬቲዛ ታ ናዛ ጊዴኔ? ዳሮ ዎዴ ታ ኢዛራ ኤቄታ ሃሳይኮካ ዛራዳ ኢዛ ጊሻስ ታ ቆፓይስ፤ ታ ማራጬይ ኮኮሬስ፤ ታ ኢዛስ ኬሃ ቃታይስ» ጌስ ጎዳይ።

ሌዌታ ማጻፋ 5:5

«ኣይ ኣሲካ ሃይታ ሃ ሚሻታፔ ኢሳን ቆሂ ቤቲኮ ባ ናጋራ ቆንጪሲ ፓጻናስ ቤሴስ።

2ሳሜላ ማጻፋ 24:17

ዳዊቲ ዴሬዛ ቦላ ቦሻ ጋዛ ኪታንቻዛ ቤኢዲ ጎዳስ፥ «ናጋራ ኦዳይ ታና፥ ባሌቲዳይ ታና፤ ሃይቲ ጊዲኮ ዶርሳታ፤ ኢስቲ ኣይ ሞሪዶ? ኔ ኩሼይ ታ ቦላኔ ታ ኬ ቦላ ጊዶ» ጊዴስ።

1ካዎታ ማጻፋ 8:50

ኔ ዴሬይ ኦዳ ናጋራኔ ኔና ቆሂዳ ቆሆዛ ኣቶ ጋ፤ ኢስቲ ዲኢዲ ኤፊዳ ኣሳይ ኢስታስ ቃታና ማላ ኦ።

2ታሪኬ ማጻፋ 6:29

ኔ ዴሬ ኢስራኤሌ ኣሳ ጋርሳፌ ኦኒካ ኢዛስ ሜቶይኔ ሳኮይ ኤሬቲን ኢዚ ባ ኩሼ ሃ ኬኮ ሚጪ ዎሲኮ፥

ኢዝራ ማጻፋ 10:11

ሃኢፔ ዶሚዲ ካሴ ኢንቴ ኣዋታ ጾሳ ሲንን ኢንቴ ናጋራ ፓጺቴ፤ ኢዚ ኡፋዬቲዛ ሚሽ ኡባ ኦቴ፤ ኑ ዴሬን ዲዛ ኣይዛቤ ኣሳታፔ ሻኬቲቴ፤ ኢንቴ ኤኪዳ ሄ ማጫሳታ ኣንጂ ዬዲቴ» ጊዴስ።

ዬ ማጻፋ 25:16

ጎዳዉ! ታኒ ቢዛ ዲዛዴኔ ቆሄቲዳ ኣስ ጊዲዳ ጊሻስ፥ ኔ ሃ ታኮ ሲማ፤ ኔ ማሮቴካ ቤሳ።

ዬ ማጻፋ 25:18

ታ ሜቶዛኔ ታ ቱጋ ኔኒ ቤኣ፤ ታ ናጋራ ኡባ ኣቶ ጋ።

ዬ ማጻፋ 38:19

ታ ሞርኬቲ ጊታኔ ዎልቃማ፤ ታና ጮ ኢጺዛይቲ ጮራ።

ዬ ማጻፋ 51:6

ሄኮ ኔኒ ኣሳ ዎዚናፔ ቱማ ኮያሳ፤ ሄሳ ጊሻስ ታ ጊዶ ኣሳቴ ኔ ኣ ኤራቴ ታማርሳ።