ዬ ማጻፋ 32:3 - ጋሞ ማጻፋ

³ ታኒ ታ ናጋራ ፓጾንታ ዳሼ ጋላስ ኩሜ ጬጪን ታ ኣሳቴይ ዳቡርዴስ።

Geeshsha Maxaafa

³ Tani ta nagara paaxontta dashe gallas kumeth ceeciin ta asateththay daaburdes.

ዬ ማጻፋ 32:3 Referans Kwoze

ዬ ማጻፋ 38:8

ታኒ ኢጼታዲሲኔ ኒፊፊ ጋዲስ፤ ታ ዎዚናይ ጬጪዳ ጊሻስ ዋሳይስ።

ዬ ማጻፋ 38:3

ኔ ሃንቆፌ ዴንዲዳይሳን ታ ቦላይ ፓዬና፤ ታ ናጋራ ጋሶን ታ ኣሳቴይ ፓፓቲዴስ።

ኤርማሳ ዚላስ 3:8

ታኒ ማዶ ኮያዳ ዋሳ ጼይጊንካ ኢዚ ታ ዋሳ ሲያናስ ኮዪቤና።

ዬ ማጻፋ 22:1

ታ ጾሳዉ! ታ ጾሳዉ! ታና ኣይስ ኣጋዲ? ታና ማዳ ጋዳ ታኒ ዋሲሺን ኣይስ ሲዮንታ ኢጻዲ? ታፔካ ኣይስ ሃካዲ?

ሆሴኤ ቲንቢቴ 7:14

ኢስቲ ባ ሂጻ ቦላ ኢቺዲ ዬኬቴስ፤ ጊዶ ኣቲን ዎዚናፔ ታኮ ዎሴቴና፤ ካሲኔ ኡሻስ ሺቄቴስ፤ ጊዶ ኣቲን ታፔ ሼርኢ ጊዳ።

ሌሚሶ ማጻፋ 28:13

ባ ናጋራ ጌንዛ ኣሲ ኣጬና፤ ጊዶ ኣቲን ፓጺዛይኔ ናጋራ ኣጊዛይ ማሬታና።

ኢዮቤ ማጻፋ 30:30

ታስ ጋልባዚ ካሬጺዲ ዴንዲዴስ፤ ታስ ቦላዚካ ሚሻን ጹጌቲዴስ።

ዬ ማጻፋ 51:8

ኔኒ ታና ኡፋይሲኔ ሃሹ ጊሲዛ ሚሽ ሲሳ፤ ኔ ሜንሬዳ ታ ሜቄታካ ፓ።

ኤርማሳ ዚላስ 3:4

ኢዚ ታ ኣሳቴካ ጬጊሲዴስ፤ ታ ሜቄታካ ሜንሬዴስ።

ኤርማሳ ዚላስ 1:3

ዩሁዳይ ዳሮ ዋዬቲዳፔኔ ቶሼቲዳፔ ጉዬ ዲኤታዱስ፤ ኢዛ ካዎቴታ ጊዶን ኡታዱስ፤ ኢዚስ ሼምፒዛሶይካ ይዴስ፤ ኢዛ ሜቶ ጋርሳን ዲሺን ጎዲዛይቲ ኡባይ ኢዞ ዴሚዳ።

ኢሳያሳ ቲንቢቴ 59:11

ኑኒ ኡባይ ዛርዶ ማላ ላዎስ፤ ሃራጴታ ማላካ ጬጪሼ ጉጉሞስ፤ ኑኒ ሱሬ ፒርዳ ኮዪዶስ፤ ጊዶ ኣቲን ዴሚቤኮ፤ ኣታና ኮዪዶስ፤ ጊዶ ኣቲን ኢዚ ኑፔ ሃኪዴስ።

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ዬ ማጻፋ 6:2

ኣቤት ጎዳዉ! ታኒ ዳቡራንቻ ጊዲዳ ጊሻስ ታና ማራ። ኣቤት ጎዳዉ! ታ ዎዚናይ ማዱንጺዳ ጊሻስ ታና ፓ።

ኢዮቤ ማጻፋ 30:17

ኦማርስ ኩሜ ታ ሜቄቲ ሃርጌን ዋዬቴቴስ፤ ሳኮዚካ ታስ ሼምፖ ኢሜና።

ኢዮቤ ማጻፋ 3:24

ዬሆይ ታስ ካ ጊዲዴስ፤ ዋሶይካ ታስ ጎጊዛ ሃ ማላ ጊዲዴስ።

2ሳሜላ ማጻፋ 11:27

ካዮቴ ዎዴይ ኣዳፔ ጉዬ ዳዊቲ ኪቲ ኤሂሲዲ ኢዞ ባስ ማቾ ኤኪዴስ፤ ኢዛ ዳዊቴስ ኣቱማ ና ዬላዱስ፤ ጊዶ ኣቲን ዳዊቲ ኦዳ ኦሶይ ጎዳ ኡፋይሲቤና።

ኢሳያሳ ቲንቢቴ 57:17

ኢዛ ናጋራ ጊሻሲኔ ኢዛ ዪቄቴ ጊሻስ ታ ሃንቄታዲስ፤ ታ ኢዛ ቃጻያዲስ፤ ታ ሲንካ ሃንቆን ኢዛፔ ጌንዲስ፤ ጊዶ ኣቲን ሃኢካ ሲሚዲ ኢዚ ባ ኦጌን ቢዴስ።

1ሳሜላ ማጻፋ 31:13

ሄሳፌ ጉዬ ኢስታ ሜቄታ ኤኪዲ ያቡሴን ካታማ ጊዶን ዲዛ ታማርሲኬ ጌቴቲዛ ሚ ጋርሳን ሞጊዳ፤ ሂስቲዲ ላፑን ጋላስ ጾሚዳ።

ሌሚሶ ማጻፋ 17:22

ኡፋዬቲዛ ዎዚናይ ሎኦ ሌ፤ ጊዶ ኣቲን ሜቂዳ ዎዚናይ ኣሳስ ዎልቃ ይሴስ።