ዬ ማጻፋ 28:7 - ጋሞ ማጻፋ

⁷ ጎዳይ ታስ ዎልቃኔ ጎንዳሌ፤ ታ ዎዚናይ ኢዛን ኣማኔቴስ፤ ሄሳን ታኒ ማዴታዲስ፤ ሄሳ ጊሻስ ታ ዎዚናይ ኢዛን ኡፋዬቴስ፤ ታኒ ኢዛ ዬን ሳባና።

Geeshsha Maxaafa

⁷ GODAY taas wolqqanne gondalle; ta wozinay izan ammaneettes; hessan tani maadettadis; hessa gishshas ta wozinay izan ufayettees; tani iza yeththan sabbana.

ዬ ማጻፋ 28:7 Referans Kwoze

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኤፌሶኔ ኣሳስ 6:10

ሃራ ባጋራ ሚኖ ጎዳኒኔ ኢዛ ጊታ ዎልቃን ሚኒቴ።

ዬ ማጻፋ 40:3

ኢዚ ታ ዶናን ኦራ ማዛሙሬ ዎዴስ፤ ሄ ዬይ፥ «ኑ ጾሳይ ጋላቴቶ» ጊዛዛ። ዳሮቲ ቤኢዲ ያያናኔ ጎዳን ኣማኔታና።

ዬ ማጻፋ 13:5

ጊዶ ኣቲን ኔ ማሮቴ ዳሮን ታኒ ኣማኔታይስ፤ ኔኒ ታና ኣሺዛ ጊሻስ ታኒ ኡፋዬታይስ።

ዬ ማጻፋ 28:8

ጎዳይ ባ ዴራስ ዎልቃ፤ ኢዚ ባ ቲይዳ ካዎዛ ኣሺዛ ሚጻ።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ዬ ማጻፋ 84:11

ጎዳይ ኑስ ኣርሼኔ ጎንዳሌ፤ ኢዚ ኣዮቴኒኔ ቦንቾን ኑና ናጌስ፤ ሱሬቴን ሄሜቲዛይታ ኢዚ ሎኦ ሚሽ ዲጌና።

ዬ ማጻፋ 69:30

ታኒ ጾሳ ሱን ዬን ጋላታና፤ ጋላታ ዬን ኢዛ ጊታቴ ቆንጪሳና።

ዬ ማጻፋ 22:4

ካሴ ኑ ኣዋቲ ኔናን ኣማኔቲዳ፤ ኔናን ኣማኔቲን ኔ ኢስታ ኣሻዳሳ።

ዬ ማጻፋ 91:4

ኢዚ ባ ዋንጎታን ኔና ካማና፤ ኢዛ ቄፌታ ጋርሳን ኔኒ ቆቴታ ኣታና፤ ኢዛ ኣማኔቴይ ኔስ ጎንዳሌኔ ዜምፖ ጊዳና።

ዬ ማጻፋ 3:3

ጊዶ ኣቲን ጎዳዉ! ኔኒ ታ ዩሾን ጎንዳሌ። ታና ቦንቺሲዛይኔ ሚንዛይ ኔና።

ዬ ማጻፋ 21:1

ኣቤት ጎዳዉ! ካዎይ ኔ ኢሚዳ ዎልቃ ጊሻስ ኡፋዬቴስ፤ ኔኒ ኢሚዳ ጾኖን ኢዚ ኬሂ ሆምቦጬስ።

ሜቴ ማጻፋ 15:1

ሄሳፌ ጉዬ ጎዳ ቃላይ ኣጁታን ኣብራሜኮ ዪዲ፥ «ኣብራሜ፥ ባቦፋ! ታኒ ኔስ ጎንዳሌ፤ ኔ ኣንጆይ ኬሂ ጊታ» ጊዴስ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዬ ማጻፋ 33:21

ኑኒ ጌሽ ጊዲዳ ኢዛ ሱንን ኣማኔቶስ፤ ኑ ዎዚናይካ ኢዛን ኡፋዬቴስ።

ዮሃኒሳ ኣጁታ 15:3

ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

ዬ ማጻፋ 19:14

ኣቤት ጎዳዉ! ታ ዜምፒዛ ዎጋ ዛላዉ! ታና ዎዚዳ ታ ጎዳዉ! ታ ዶናፔ ኬኢዛ ቃላይኔ ታ ዎዚና ቆፋይ ኔና ኡፋይሲዛይሳ ጊዶ።

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።

ዬ ማጻፋ 3:4

ታኒ ታ ቃላ ቂሳዳ ጎዳኮ ዋሳና፤ ሂስቲኮ ኢዚ ባ ጌሻ ዙማ ቦላ ዲሼ ታ ዎሳ ሲያና።

ዬ ማጻፋ 13:6

ጎዳዉ! ኔ ኪያቴ ታስ ዳሪዳ ጊሻስ ታኒ ኔስ ዬጻና።

ዬ ማጻፋ 37:39

ጺሎታስ ኣቶቴ ጎዳፔ ዬስ፤ ሜቶ ዎዴ ኢዚ ኢስታስ ጌሚዛሶ።

ዬ ማጻፋ 43:2

ታ ጾሳዉ! ታስ ኔ ሚኖ ሚጻ፤ ሂስቲን ኔ ታና ኣይስ ኣጋዲ? ታ ሞርኬቲ ታና ቆሂሺን ታ ጬጫሼ ኣይስ ዴኦ?

ዬ ማጻፋ 46:2

ሄሳ ጊሻስ ቢታይ ቃጺኮ፥ ዙማቲካ ዱጌ ኣባን ጌሊኮ ኑኒ ያዮኮ።