ዬ ማጻፋ 19:9 - ጋሞ ማጻፋ

⁹ ጎዳስ ያሺ ጌሻቴ፤ ኢዚ ሜርናስ ኤቂዲ ዴኣና። ጎዳ ፒርዳይ ሙሌራ ቱማኔ ጺሎ።

Geeshsha Maxaafa

⁹ GODAAS yashshi geeshshateththa; izi mernaas eqqidi de7ana. GODAA pirday mulera tumanne xillo.

ዬ ማጻፋ 19:9 Referans Kwoze

1ሳሜላ ማጻፋ 12:24

ኢንቴ ጊዲኮ ጎዳስ ያዪቴ፤ ኩሜ ዎዚናፔ ኣማኔቴን ኢዛስ ጎይኒቴ፤ ኢዚ ኢንቴስ ኦዳ ጊታ ዮኦታ ባሎፒቴ።

ዬ ማጻፋ 119:142

ኔ ጺሎቴይ ሜርናስ ዴስ፤ ኔ ዎጋይካ ቱማ።

ዬ ማጻፋ 119:1

ባንታ ኦጌን ቦሬይ ባይንዳይቲኔ ጎዳ ዎጋ ማላ ሄሜቲዛይቲ ኣንጄቲዳይታ።

ዮሃኒሳ ኣጁታ 15:3

ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

ዬ ማጻፋ 115:13

ጎዳስ ያዪዛይታ ኡባ ጉ ጊዲን ጊታ ኢዚ ኣንጃና።

ዬ ማጻፋ 111:10

ኣ ኤራቴስ ኮይሮይ ጎዳስ ያሻቴ፤ ኢዛ ኣዛዞ ኦዛይታስ ሎኦ ኣኬካይ ዴስ። ጎዳይ ሜርናስ ጋላቴቶ!

1ካዎታ ማጻፋ 18:12

ታኒ ኔፔ ሻኬታ ቢዛ ዎዴ ጎዳ ኣያናይ ኔና ዴንዲ ኣዋ ኤፋናኮ ታ ኤሪኬ፤ ታኒ ኣካቤስ ዮቲዳፔ ጉዬ ኢዚ ኔና ዴሞንታ ኣጊኮ ታና ዎና፤ ታኒ ኔ ኣሽካራይ ናቴፌ ዶማዳ ጎዳስ ያዪዛ ኣሳ።

ዛሬ ማጻፋ 4:8

ታኒ ሃች ኢንቴ ሲንን ዎዛ ሃ ኣዛዞዛ ማላ ሱሬኔ ሊኬ ጊዲዳ ዎጋይኔ ማራይ ዲዛ ሃራ ኣይ ጊታ ካዎቴ ዲዜ?

ሜቴ ማጻፋ 42:18

ሄን ጋላሳን ዮሴፌይ ኢስታስ፥ «ታኒ ጾሳስ ባቢዛ ኣሳ፤ ኢንቴ ኢሲ ሚሽ ኦኮ ኢንቴ ሼምፖ ኣሼታ።

ዮሃኒሳ ኣጁታ 19:2

ኢዛ ፒርዳይ ቱማኔ ኣዳ፤ ኢዛ ቢታ ባ ላይማቴን ቱኒሲዳ ዎጋ ጊታ ላይማዮ ኢዚ ባ ፒርዳን ቃጻይዴስ፤ ኢዞ ቃጻይዲ ባ ኦሳንቻታ ሱ ሃሎ ኬሲዴስ» ጊሺን ታ ሲያዲስ።

ዮሃኒሳ ኣጁታ 16:7

ያርሾ ያርሺዛሶዛፔ፥ «ኤ ዉርሳ ዳንዳይዛ ጎዳ ጾሶ! ኔ ፒርዳቲ ዉሪካ ቱማኔ ሊኬ» ጊዛ ቃላ ሲያዲስ።

ኦሮሜ ኣሳስ 2:2

ሃይታ ማላታ ኦዛ ኣሳታ ቦላ ጾሳ ፒርዳይ ሊኬ ጊዲዳይሳ ኑ ኤሮስ።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

ዬ ማጻፋ 119:106

ኔ ጺሎ ዎጋ ናጋናስ ታኒ ጫቂዳ ጫቆዛ ሚንና።

ዬ ማጻፋ 119:7

ኔ ጺሎ ፒርዳ ታኒ ታማርዳ ኬና ሱሬ ዎዚናፔ ኔና ጋላታና።

ዬ ማጻፋ 36:6

ኣቤት ጎዳዉ! ኔ ጺሎቴይ ኡባፌ ቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ።

ዬ ማጻፋ 36:1

ኢታ ኣሲ ባ ዎዚናን ጌኔ ቆፔስ፤ ኢዛ ጊዶን ጾሳስ ያሻቴ ዴና።

ዬ ማጻፋ 10:5

ኡባ ሚሺ ኢዛስ ኩሜስ፤ ኔ ዎጋይ ኢዛስ ጌሌና፤ ኦቶራንቻይ ኔ ዎጋፔ ሃኬስ፤ ሄሳ ጊሻስ ባ ሞርኬታ ቦላን ኢዚ ቂልጬስ።

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ኬሳ ማጻፋ 21:1

«ኔኒ ኢስራኤሌ ናይታስ ኢማና ዎጋይ ሃይሳ።

ሜቴ ማጻፋ 22:12

«ናዛ ቦላ ኔ ኩሼ ዎፋ፤ ኢዛ ኣይኮካ ኦፋ፤ ኔኒ ኔ ሜጺ ኢሲ ናዛካ ታና ዲጎንታ ጊሻስ ኔኒ ጾሳስ ያዪዛ ኣስ ጊዲዳይሳ ታኒ ሃኢ ኤራዲስ» ጊዴስ።

ኦሮሜ ኣሳስ 11:22

ሄሳ ጊሻስ ጾሳ ኪያቴኔ ኢዛ ሜንጼ ኢታቴ ኣኔ ጼላ፤ ኢዛ ሜንጼ ኢታቴ ኩንዲዳይታ ቦላ፤ ኢዛ ኪያቴ ቃሴ ኢንቴ ኢዛ ቃቴ ጋርሳን ዲዛ ዎዴ ጋካናስ ጻላላ፤ ሄሲ ባይንዳ ኣጊኮ ኢንቴካ ቃንጼታና።

ሃዋሬታ ኦሶ 10:22

ኢስቲካ ኢዛስ፥ «ኑኒ ማቶ ሃላቃ ቆርኖሎሳ ማታፔ ዪዶስ፤ ኢዚካ ጾሳስ ባቢዛ ጺሎ ኣሳኔ ኣይሁዳ ኣሳ ኡባ ማታን ዳሮ ቦንቼቲዳ ኣሳ፤ ኔካ ኢዛ ሶ ባና ማላኔ ኔ ጊዛይሳ ኢዚ ሲያና ማላ ጌሻ ኪታንቻይ ኢዛስ ዮቲዴስ» ጊዳ።

ሌሚሶ ማጻፋ 8:13

ጎዳስ ያሻቴ ኢታ ኢጾ፤ ታኒ ኦቶሮኔ ሃላጫ፥ ሜንጼ ኢታቴኔ ጌላ ሃሳያ ኢጻይስ።

ዬ ማጻፋ 147:19

ኢዚ ባ ቃላ ያቆቤ ዜሬስ ባ ማራኔ ዎጋ ኢስራኤሌ ኣሳስ ቆንጪሴስ።

ዬ ማጻፋ 119:75

ኣቤት ጎዳዉ! ኔ ፒርዳይ ጺሎ ጊዲዳይሳኔ ኔኒ ታና ቃጻይዳይ ኣማኔቴን ጊዲዳይሳ ታኒ ኤራይስ።

ዬ ማጻፋ 119:62

ኔ ጺሎ ዎጋ ጊሻስ ታ ኔና ጋላታናስ ጊዶ ዴንዳይስ።

ዬ ማጻፋ 119:39

ኔ ፒርዳይ ሱሬ ጊዲዳ ጊሻስ ታኒ ያዪዛ ካዉሻቴፌ ታና ናጋ።

ዬ ማጻፋ 12:7

ኣቤት ጎዳዉ! ኔኒ ኑና ሳሮቴን ናጋ፤ ሃ ዎዴን ዲዛ ኢታ ዬሌታፔ ሜርናስ ኔ ኑና ኣሻ።

ዬ ማጻፋ 119:111

ኔ ኢሚዳ ዎጋይ ታስ ሜርናስ ላታ፤ ታ ዎዚናይ ኢዛን ኡፋዬቴስ።

ኢሳያሳ ቲንቢቴ 45:19

ታ ማ ቢታን ጌማን ዮታቤኬ፤ ያቆቤ ዜሬታስ፥ «ታና ጮ ሃዳ ኮዪቴ» ጋቤኬ። ታኒ ጎዳይ ቱማ ሃሳያይስ፤ ሱሬ ዮኦ ኣዋጃይስ።