ዬ ማጻፋ 19:7 - ጋሞ ማጻፋ

⁷ ጎዳ ዎጋይ ሱሬ፤ ሼምፖ ዛሪ ጪልኢሴስ፤ ጎዳ ኣዛዞይ ኣማኔቲዛይሳ፤ ኣኬካይ ፓጪዳይታስ ኣ ኤራቴ ኢሜስ።

Geeshsha Maxaafa

⁷ GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.

ዬ ማጻፋ 19:7 Referans Kwoze

ዬ ማጻፋ 119:130

ኔ ቃላ ቢርሼይ ፖኦ ኢሜስ፤ ኣኬካይ ፓጪዳይታስ ኣኬካ ኢሜስ።

ዬ ማጻፋ 111:7

ኢዛ ኦሶቲ ቱማኔ ሱሬ፤ ኢዛ ዎጋቲካ ኡባይ ኣማኔቲዛይታ።

ቆላሲያሴ ኣሳስ 3:16

ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ።

ሌሚሶ ማጻፋ 1:4

ኤራቴ ፓጪዳይታስ ኣኬካ፥ ናቴታስ ኤራቴኔ ዎዚናማቴ ኢሚዛይታ።

ዬ ማጻፋ 23:3

ታ ዴኦ ኦራጺሴስ። ባ ሱን ጊሻስ ታና ጺሎቴ ኦጌን ካሌስ።

ዬ ማጻፋ 119:105

ኔ ቃላይ ታ ቶሆስ ጾምፔ፤ ታ ኦጌስካ ፖኦ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

2ጺምቶሳስ 2:19

ጊዶ ኣቲን፥ «ጎዳይ ባስ ጊዲዛይታ ኤሬስ።» ቃሴካ፥ «ጎዳ ሱን ጼይጊዛይ ዉሪ ኢታፔ ሃኮ» ጊዛ ማታሜይ ኢዛ ቦላ ዲዛ ላሜቶንታ ጾሳ ዮቻይ ላሜቲቤና።

ዬ ማጻፋ 93:5

ኣቤት ጎዳዉ! ኔ ዎጋይ ላሜቶንታ ሚኖ፤ ኔ ኬይ ሜርናስ ጌሻቴን ሎኢ ዳና።

2ጺምቶሳስ 1:8

ሄሳ ጊሻስ ጎዳ ጊሻስ ማርካታናስ ዎይኮ ጎዳ ጊሻስ ቃሼቲዳ ታናን ዬላቶፓ፤ ጊዶ ኣቲን ጾሳ ዎልቃራ ሚሺራቾ ቃላ ጊሻስ ኔ ታናራ ሜቶ ኤካ።

ኢሳያሳ ቲንቢቴ 8:20

ዎጋኮኔ ማርካቴ ቃላኮ ቢቴ! ኢስቲ ሃይሳ ማላ ቃላ ኢንቴስ ዮቶንታ ኣጊኮ ዎንታ ፖኦይ ኢስታስ ፖኤና።

ያቆቤ ኪታ 1:17

ሎኦ ኢሞቴኔ ኩሜ ኣንጆይ ዉሪ ቦላ ሳሎ ፖኦታ ኣዋፔ ዎቴስ፤ ኢዛ ኣቻን ያኔ ሃ ዩዪዛ ኤሾይካ ዴና።

ኦሮሜ ኣሳስ 15:4

ኑኒ ጌሻ ማጻፋታፔ ዴሚዛ ዳንዳያይኔ ሚኖቴ ኑስ ዳና ማላ ኮይሮፔ ጻፌቲዳይሲ ዉሪካ ኑ ኢዛፔ ኑስ ቲሚርቴ ዴማና ማላ ጻፌቲዴስ።

ዬ ማጻፋ 119:111

ኔ ኢሚዳ ዎጋይ ታስ ሜርናስ ላታ፤ ታ ዎዚናይ ኢዛን ኡፋዬቴስ።

ኢያሶ ማጻፋ 1:8

ሃይሲ ዎጋ ማጻፋይ ኔ ዶናፔ ሻኬቶፎ፤ ኢዛ ጊዶን ዲዛይሳ ኔ ሎኤ ናጌታዳ ፖላና ማላ ጋላስ ጊዲን ኦማርስ ዛራ ዛራ ቆፓ፤ ኔ ሄሳ ኦኮ ኔ ቆፒዳ ኡባይ ኔስ ሱራናኔ ሃናና።

ሃዋሬታ ኦሶ 10:43

ኢዛ ኣማኒዳዴይ ዉሪ ኢዛ ሱንን ናጋራ ማሬቲዲ ጌያናይሳ ናቤቲ ኢዛስ ማርካቴቴስ» ጊ ዮቶ ዶሚዴስ።

ዬ ማጻፋ 119:72

ዳሮ ሺ ቢራፔኔ ዎርቃፌ ኔ ዶናፔ ኬኢዳ ዎጋይ ታስ ኣስ።

ዬ ማጻፋ 18:30

ጾሳ ኦጌይ ሱሬ፤ ጎዳ ቃላይ ኣማኔቲዛይሳ፤ ኢዛኮ ባቃቲዛ ኡባታስ ኢዚ ጎንዳሌ።

ኢዮቤ ማጻፋ 23:12

ታኒ ኢዛ ኣዛዞታፔ ኬኢኬ፤ ኢዛ ቃላካ ታ ሚዛ ቁማፔካ ኣዳ ታ ዎዚናን ናጋዲስ።

ኦሮሜ ኣሳስ 12:2

ሎኦ፥ ኡፋይሲዛዚኔ ኩሜ ጊዲዳ ጾሳ ሼኔይ ኣዛኮ ኢንቴ ፓጪ ኤራና ማላ ኢንቴ ቆፋን ኦራጺዲ ላሜቲቴ ኣቲን ሃይሳ ኣላሜ ኣሳ ሚሳቶፒቴ።

ዬ ማጻፋ 119:24

ኔ ማርካቴቲ ታና ኡፋይሴቴስ፤ ኢስቲካ ታና ዞሬቴስ።

ዬ ማጻፋ 119:14

ኣሲ ባ ዱሬቴን ኡፋዬቲዛ ማላ ታኒ ኔኒ ኢሚዳ ማራ ካላሼ ኡፋዬታይስ።

ዮሃኒሳ ሚሺራቾ 5:39

ኢንቴስ ጌሻ ማጻፋታፔ ሜርና ዴኦ ዴማናስ ሚሳቲን ማጻፋታ ፒልጌታ፤ ማጻፋቲካ ታ ጊሻስ ማርካቴቴስ።

ኢሳያሳ ቲንቢቴ 8:16

ማርካቴ ሎኤ ኦይካ፤ ታ ታማሬታ ጊዶን ዎጋ ማታሜን ሾጫ።

ዬ ማጻፋ 119:152

ኔ ኢስታ ሜርናስ ሚን ኤሳዳሳ፤ ሄሳ ታኒ ቤኒፔ ዶማዳ ኔ ዎጋፔ ታማራዲስ።

ዬ ማጻፋ 119:9

ናቴ ባ ኦጌ ጌሻቴን ዎስቲ ናጋናስ ዳንዳይዜ? ኔ ቃላይ ጊዛ ማላ ዴኢኮ ዳንዳዬስ።

2ሳሜላ ማጻፋ 23:5

«ታ ኬ ጾሳ ማታን ሊኬ ጊዴኔ? ኡባ ሚሽ ጊግሲዲኔ ናጊዲ፥ ታናራ ሜርና ጫቆ ቃላ ጌሊዳይ ኢዛ ጊዴኔ? ታ ኣቶቴ ፖሎ ጋናይ ታ ኣሞ ኡባ ታስ ኢማናይ ኢዛ ጊዴኔ?

ዮሃኒሳ ኣጁታ 19:10

ታኒካ ሄ ኪታንቻዛስ ጎይናናስ ኢዛ ቶሆ ቦላ ጉፋናዲስ ሺን ኢዚ ታና፥ «ኣጋ! ሄሳ ኦፋ! ታኒካ ኔናራ ዬሱስ ኪርስቶሳ ማርካቴ ኦይኪዳ ኢሻታራ ኢሲፌ ኦዛዴ፤ ኔኒ ጾሳስ ጎይና! ዬሱሳ ማርካይ ቲንቢቴ ኣያና» ጊዴስ።

ኦሮሜ ኣሳስ 3:2

ኣዋራካ ጊዲን ጎኣይ ዳሮ፤ ሃራፔ ኮይሮ ጾሳ ቃላይ ሃዳራ ኣይሁዳታስ ኢሜቲዴስ።