ዬ ማጻፋ 18:15 - ጋሞ ማጻፋ

¹⁵ ኣቤት ጎዳዉ! ኔኒ ሴሪዳ ዎዴኔ ኔ ሃንቆይ ኤጺዳ ዎዴ፥ ጊታ ኣባቲ ኢቺዳ ቢታይ ቤቲዴስ፤ ቃሴ ሳኣ ዮቻይ ቆንጪዴስ።

Geeshsha Maxaafa

¹⁵ Abeet GODAWU! Neni seerida wodenne ne hanqoy eexxida wode, gita abbati ichchida biittay beettides; qasse sa7a yochchay qonccides.

ዬ ማጻፋ 18:15 Referans Kwoze

ዬ ማጻፋ 106:9

ኢዚ ዞኦ ኣባ ሴሪዴስ፤ ኣባይካ ሜሊዴስ፤ ባዞን ካሌዛይሳ ማላ ጪማ ጊዶራ ኢስታ ካሌዲ ፒንዴስ።

ኬሳ ማጻፋ 15:8

ኔ ፔኖይ ሃ ፑዴ ኤሲ ዶሪዴስ። ጎጊዛ ሃካ ጎዳ ማላ ሚኒ ኤቂዴስ፤ ጪማ ጊዶን ዲዛ ሃ ኣባ ጊዶን ኢርኪዴስ።

ሚኪያሳ ቲንቢቴ 6:2

ዙማቶ! ጾሳ ሞቶ ሲዪቴ፤ ኢንቴኖ ቢታ ሚኖ ጻጶቶ ሲዪቴ፤ ጾሳስ ኣሳራ ፓላማይ ዴስ፤ ኢዚ ኢስራኤሌ ናይታራ ፒርዴቴስ።

ኤርማሳ ቲንቢቴ 31:37

ጎዳይ፥ «ቦላን ዲዛ ሳሎታ ጋኪ ዋናስ ዳንዳዬቲኮ፥ ዎይኮ ጋርሳን ዲዛ ቢታ ጻጶ ጋኪ ፒልጊ ኤራናስ ዳንዳዬቲኮ ሄ ዎዴ ታኒ ኢስራኤሌይ ኦዳ ኦሶ ኡባ ጊሻስ ታ ኢስታ ዬጋ ኣጋና» ጌስ።

ዬ ማጻፋ 104:5

ኔኒ ሳኣ ዮቻ ቦላ ኤሳዳሳ፤ ኢዚ ሜሪ ሜርናስካ ቃጼና።

ዬ ማጻፋ 76:6

ኣቤት ያቆቤ ጾሳዉ! ኔ ሃንቆ ጋሶን ቶጋ ኣሳቲኔ ቶጋ ፓራቲ ኩንዲ ኣቲዳ።

ኢዮቤ ማጻፋ 4:9

ኢስቲ ጾሳ ፔኖን ያና፤ ኢዛ ሃንቆ ዳምባላን ኢስቲ ዲፒ ጊ ያና።

2ሳሜላ ማጻፋ 22:16

ጎዳ ሴራፔኔ ኢዛ ሲፔ ኬዚዛ ሃንቆ ጩዋፔ ዴንዲዳይሳን፥ ኣባ ጊዶን ዲዛ ዙሌቲ ቤቲዳ፤ ሳኣ ዮቻቲ ቆንጪዳ።

ዬ ማጻፋ 74:15

ኔኒ ፑልቶታኔ ካንቼታ ዶያ ዬዳዳሳ፤ ኡባ ዎዴ ጎጊዛ ሻፋታ ቃሴ ሜሊሳዳሳ።

2ካዎታ ማጻፋ 19:7

ታኒ ኢዛ ቦላ ሄሳ ማላ ኣያና ዬዳና፤ ኢዚካ ዎሬ ሲዪዲ ጉዬ ባ ዴሬ ሲሚ ባና፤ ኢዚ ሄን ማሻን ሃይቃና ማላ ታ ኢዛ ኦና› ጊ ዮቲቴ» ጊዴስ።

ዮናሳ ቲንቢቴ 2:6

ታኒ ዙማታ ጋርስ ዱጌ ዎዲስ፤ ሄን ቢታ ጋርሳን ሜርናስ ጎርዳን ኡታዲስ፤ ጊዲኮካ ኣቤት ታ ጎዳዉ! ኔኒ ታ ሼምፖ ጪማ ኦላፌ ኬሳዳሳ።

ኢሳያሳ ቲንቢቴ 11:4

ጊዶ ኣቲን ሂዬሳታስ ጺሎ ፒርዳና፤ ሳኣ ቦላ ማንቆታስ ሱሬ ፒርዳና፤ ባ ኢንጻርሳ ጻምኣን ሳኣ ሾጫና፤ ባ ዶና ፔኖን ኢታታ ዎና።

ኢሳያሳ ቲንቢቴ 30:33

ቤኒ ዎዴፔ ዶሚዲ ቶፌቴ ጌቴቲዛ ጹጊዛሶይ ጊጌቲ ኡቲዴስ፤ ካዎዛሲካ ጊጌቲ ኡቲዴስ፤ ጹጋና ጎንጎሎዚካ ኣሆኔ ጪማ፤ ኢዛ ጊዶን ዳሮ ታማይኔ ኤጻና ሚ ዴስ፤ ጎዳ ፔኖይ ዲኔ ታማ ማላ ኤ ኬሳና።

1ሳሜላ ማጻፋ 7:10

ሳሜሊ ጹጌቲዛ ያርሾዛ ያርሺዛ ዎዴ ፊሊስጼሜቲ ኢስራኤሌታ ኦላናስ ኬዚ ዪዳ፤ ጊዶ ኣቲን ሄ ጋላስ ጎዳይ ፊሊስጼሜታ ቦላ ዎልቃማ ዳዳ ጊርስ ዳዳሲዳ ጊሻስ ኬሂ ኤቲ ባቲ ጊዳ፤ ጾኔቲዲካ ኢስራኤሌታ ሲንፌ ባቃቲዳ።

ኢዮቤ ማጻፋ 36:32

ዎልቃን ኢዚ ባ ኩሼን ኦይኬስ፤ ኦይኪዲ ባ ዶሲዳ ባጋ ባና ማላ ኣዛዜስ።

ዬ ማጻፋ 77:18

ኔ ዳዳ ጉንይ ጎቴ ጫርኮ ጊዶን ኮሺሚዴስ፤ ኔ ዎልቃን ጶሌ ሳኣ ፖኢሲዴስ፤ ቢታይካ ቃጺ ኮኮሪዴስ።

ዬ ማጻፋ 92:10

ታ ካጬዛ ሜን ካጬ ማላ ቂሳዳሳ፤ ሎኦ ዛይቴንካ ታና ቲያዳሳ።

ዬ ማጻፋ 144:6

ዎልቃን ዬዳዳ ኔ ሞርኬታ ላላ! ኔ ዎንዳፌ ዪሻን ዱካዳ ዬዴ!

ዛካራሳ ቲንቢቴ 9:14

ጎዳይ ኢስታ ቦላ ቆንጫና፤ ኢዛ ዪሻይ ዎልቃን ማላ ፖፖልኡ ጋና፤ ኡባፌ ዎልቃማ ጎዳይ ጹሩምባ ፑናና። ዱጌሃፔ ኬዚዛ ጎቴ ጫርኮ ማላ ኢዚ ባና።