ዬ ማጻፋ 16:4 - ጋሞ ማጻፋ

⁴ ዎርዶ ጾሳታ ካሊዛይቲ ባንታ ቦላ ሜቶ ዳርሴቴስ። ጊዶ ኣቲን ታኒ ኤቃ ጾሳታስ ሹኪኬ፤ ኢስታስ ሱንካ ጼይጊኬ።

Geeshsha Maxaafa

⁴ Wordo xoossata kaallizayti bantta bolla meto darseettes. Gido attiin tani eeqa xoossatas shukkike; isttas sunththaaka xeygikke.

ዬ ማጻፋ 16:4 Referans Kwoze

ኬሳ ማጻፋ 23:13

«ታኒ ኢንቴና ጊዳይሳ ኡባ ሚንዲ ኦቴ፤ ሃራ ጾሳታ ሱን ጼይጎፒቴኔ ኢስታ ዎሶፍቴ።

ኢያሶ ማጻፋ 23:7

ሃይታ ኢንቴ ጊዶን ኣቲዳ ካዎቴታራ ኢሲፌቶፍቴ፤ ኢስታ ኤቃ ጾሳታ ሱን ጼይጎፒቴ፤ ኢስታ ሱንን ጫቆፍቴ፤ ኢስታስ ኦፍቴኔ ጎይኖፍቴ።

ዬ ማጻፋ 97:7

ሚስሌታስ ጎይኒዛይቲኔ ኤቃ ጾሳታን ጬቄቲዛይቲ ኡባይ ዬላቴቶ! ኤቃ ጾሳቲ ኡባይ ጎዳስ ጉልባቴቶ!

ዬ ማጻፋ 32:10

ኢታታስ ቱጋይ ዳሮ፤ ጊዶ ኣቲን ጎዳን ኣማኔቲዛይታ ማሮቴ ዶዴስ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ኢሳያሳ ቲንቢቴ 57:6

ሃኔ ዙሌን ዲዛ ሊቆ ሹቻቲ ኔስ ኤቃ ጾሳታ፤ ኢስቲካ ኔ ቃዳታ፤ ቱሙካ ኔ ኢስታ ቦላ ኡሻ ያርሾ ጉሳዳሳ፤ ካ ያርሾካ ሺሻዳሳ፤ ሂስቲን ሃ ዮኦታ ጊሻስ ታ ጮኡ ጋኔ?

ኤርማሳ ቲንቢቴ 7:18

‹ሳሎ ጎዳቴዮ› ጌቴቲዛ ጾሳይሲ ኡኬ ኡካናስ ማጫሳቲ ሌ ሙኑቄቴስ፤ ናይቲ ሚ ሚጼቴስ፤ ኣዋቲ ታማ ኤቴስ። ኢስቲ ታና ቆሃና ጊዲ ኡሻ ያርሾ ሃራ ጾሳታስ ያርሼቴስ።

ኢሳያሳ ቲንቢቴ 66:3

«ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

ኢሳያሳ ቲንቢቴ 65:11

ጊዶ ኣቲን ጎዳ ኣጊዳ ኢንቴስ፥ ታ ጌሻ ዙማ ዶጊዳ ኢንቴስ፥ ‹ታ ባሶ› ጌቴቲዛ ኤቃ ጾሳስ ሶሆ ጊጊሲዳ ኢንቴስ፥ ‹ጋዴ› ጌቴቲዛ ኤቃ ጾሳስ ዋላኬቲዳ ዎይኔ ኡሹ ዋንጫን ኩንዳ ኢንቴስ፥

ሌዌታ ማጻፋ 23:13

ኢዛራ ኢሲፌ ዎጋራ ሚ ዛይቴን ሙኑቄቲዳ ናምኡ ኪሎ ጊዲዛ ሊቆ ሌ ካ ያርሾ ሂስቲ ሺሺቴ፤ ሄሲካ ኢዛ ሳዎይ ጎዳ ኡፋይሲዛ ጹጌቲዛ ያርሾ ጊዳና፤ ኢዛራ ኢሲፌ ኢሲ ሊቲሮ ጊዲዛ ዎይኔ ኡሹ ኢሞታ ሺሺቴ።

ሜቴ ማጻፋ 35:14

ያቆቤይ ጾሲ ባናራ ሃሳይዳ ሶሆን ሹች ኤሲዲ ኢዛ ቦላ ኡሻ ያርሾ ጉሲዴስ፤ ዛይቴካ ኢዛ ቦላ ቲጊዴስ።