6 ታኒ ኬሂፔ ሂዶታ ቃንጺዳ ጊሻስ ኔ ታ ዋሶ ሲያ! ታና ጎዲዛይቲ ታፔ ዎልቃቲዳ ጊሻስ ታና ኣሻ።
6 Tani keehippe hidota qanxxida gishshas ne ta waaso siya! Tana gooddizayti taappe wolqqatida gishshas tana ashsha.
ካሴ ኑ ኣዋታ ናጋራ ኑ ቦላ ቆዶፓ፤ ኤሶን ኔ ማሮታ ኑስ ኪታ፤ ኣይስ ጊኮ ኑኒ ኬሂፔ ሜቶቲዶስ።
ጎዳይ ኣሽኬታ ናጌስ፤ ታኒ ሜቶቲዳ ዎዴ ኢዚ ታና ኣሺዴስ።
ኑኒ ካዉዪዳ ዎዴ ኢዚ ኑና ቆፒዴስ፤ ኢዛ ሲቆይ ሜርናሳ።
ኣቤት ጎዳዉ! ታ ጺሎቴን ማጋኒዛ ማጋና ሲያ፤ ታ ዋሶዛ ኤዝጋ፤ ጪሞይ ባይንዳ ዎሲዛ ዎሳስ ዛሮ ኢማ።
ኑና ኣዚካ ኢዛፔ ሻኬና፤ ሃይሳ ኡባን ኑና ሲቂዳይሳን ጾኒዛይታፔካ ኑ ኣስ።
ጾሲ ዶሪዳይታ ሞቲዛይ ኦኔ? ጺሊሲዛይ ጾሳ።
ኣቤት ጎዳዉ! ታኒ ዳቡራዲስ፤ ኔ ታስ ዛሮ ኢማናስ ኤሌላ! ታኒ ሃይቂዳ ኣሳታ ዱጌ ዱፎን ጌሎንታ ማላ ኔ ሲን ታፔ ጌንፋ።
ኣቤት ጎዳዉ! ኢስቲ ታና ዎናዉ ዛማዲዲ ናጊዛይሳ ቤኣ! ሜንጼ ኢታ ኣሳቲ ታኒ ሞሮኔ ናጋራ ኦንታ ዲሺን ታ ቦላ ዱላቴቴስ።
ታ ሞርኬቲ ጊታኔ ዎልቃማ፤ ታና ጮ ኢጺዛይቲ ጮራ።
ኢዚ ታ ቦላ ዎልቃቲዛ ታ ሞርኬታፔ፥ ታና ኢጺዛይታፔ ኣሺዴስ።
ጎዳዉ! ታ ሞርኬቲ ኣይ ኬና ጮራቲዶ! ታ ቦላ ኣፑናቲ ዴንዲዶ!
«ኢስራኤሌ ካዎይ ኦና ቦላ ኬኢዴ? ኔኒ ኦና ጎዳይ? ሃይቂዳ ካና ዎይኮ ካስቶሌ ጎዳይ?
ታ ሃይቃና ጋካናስ ታ ሞርኬቲ ታና ዬዴዳ፤ ታና ዲርጺዲ ቢታ ጋርስ ጌልዳ፤ ካሴ ሃይቂዳ ኣሳታ ማላካ ታና ማን ዎዳ።
ታኒ ሼምፖራ ፓጻ ዳሼ ጎዳ ኪያቴ ቤያናይሳ ሂዶታ ኦይስ።
ሄሳ ጊሻስ ቢታይ ቃጺኮ፥ ዙማቲካ ዱጌ ኣባን ጌሊኮ ኑኒ ያዮኮ።
ታኒ ጎዳ፥ «ኔኒ ታስ ዜምፖ፥ ሚጻኔ ታኒ ኔናን ኣማኔቲዛ ታ ጾሳ» ጋና።