ዬ ማጻፋ 141:2 - ጋሞ ማጻፋ

² ታ ዎሳይ ኤጻኔ ጩዋ ማላ ኔ ሲን ሺቆ፤ ታኒ ታ ኩሼዛ ሚጪዛይሲ ኔስ ኦማርሳ ዎዴ ያርሾ ማላ ጊዶ።

Geeshsha Maxaafa

² Ta woosay exaane cuwa mala ne sinth shiiqo; tani ta kusheza miccizayssi nees omarsa wode yarsho mala gido.

ዬ ማጻፋ 141:2 Referans Kwoze

ዮሃኒሳ ኣጁታ 5:8

ጻ ማጻፋዛ ኤኪዳ ማላ ኦይዱ ዶኣቲኔ ናምኡ ታማኔ ኦይዱ ጪማቲ ሄ ዶርሳ ሲንን ባ ሊጴን ጉፋኒዳ። ኢስቲካ ኢሶይ ኢሶይ ባ ኩሼን ዲ ሚሳቲዛ ሚሽ ኦይኪዳ፤ ሄሳካ ጌሻታ ዎሳ ጊዲዳ ኤጻኔይ ኢዛን ኩሚዳ ዎርቃ ጻሮ ባ ኩሼን ኦይኪ ዴቴስ።

1ጺምቶሳስ 2:8

ሄሳ ጊሻስ ኣቱማ ኣሳይ ኡባሶን ሃንቆይ ባይንዳኔ ፓላማይ ባይንዳ ባ ጌሻ ኩሼታ ፑዴ ቁ ሂስቲዲ ዎሳና ማላ ታ ኮያይስ።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ዳኔላ ቲንቢቴ 9:21

ታኒ ዎሳ ቦላ ዳሼ ኮይሮ ኣጁታን ቤኢዳ ጋብሬሌይ ኦማርሳ ዎዴ ያርሾይ ሺቂዛ ዎዴን ታኮ ኤሶን ፒራሼ ዪዴስ።

ዬ ማጻፋ 134:2

ጾሳ ኬን ኢንቴ ኩሼ ዴንዲ ጎዳ ጋላቲቴ።

ዬ ማጻፋ 63:4

ታ ዴኦ ላይንካ ታኒ ኔና ጋላታና፤ ኔ ሱንን ታ ኩሼ ፑዴ ኔኮ ዴንና።

ዬ ማጻፋ 28:2

ታ ኩሼዛ ኔ ጌሻ ኣቆሶ ሚጫዳ ዎሲሺኔ ታና ማዳርኪ ጋዳ ታ ዋሲሺን ኔ ሲያ።

ዬ ማጻፋ 5:3

ኣቤት ጎዳዉ! ማላዶ ማላዶ ጉራን ኔኒ ታ ቃላ ሲያሳ። ማላዶ ማላዶ ጉራን ታኒ ታ ዎሳ ኔ ሲን ሺሻዳ፥ ኔኒ ታስ ኢሚዛ ዛሮ ኤካና ጋዳ ናጋይስ።

ኢዝራ ማጻፋ 9:4

ታኒ ኦማርሳ ዎዴ ሺቂዛ ያርሾይ ሺቃና ጋካናስ ዳጋማኒኔ ሙዞቴን ጋምኣዲስ፤ ዲኤቴፌ ሲሚዳ ኣሳይ ባ ኦዳ ናጋራፔ ዴንዲዳይሳን ኢስራኤሌ ጾሳይ ዮቲዳ ቃላ ሲዪዳ ኣሳይ ኡባይ ዳጋሚዲ ያዪሼ ታ ዲዛሶ ሺቂዴስ።

ኬሳ ማጻፋ 29:39

ኣዴ ላቃታፔ ኢሳ ማላዶ፥ ቃሴ ናምኣንዛ ኦማርሳ ዎዴ ያርሻ።

ሃዋሬታ ኦሶ 3:1

ኢሲ ዎዴ ጋላሳፌ ኡዱፉን ሳቴ ቦላ ጴጽሮሲኔ ዮሃኒሲ ዎሳ ሳቴን ጾሳ ኬ ባና ኬዚዳ።

1ካዎታ ማጻፋ 18:36

ኦማርሳ ዎዴ ያርሾ ሺሺዛ ዎዴይ ጋኪን ናቤ ኤላሲ ያርሾሶሆ ሺቂዲ፥ «ኣቤት ጎዳዉ! ኣብራሃሜ ጾሳዉ፥ ዪሳቃ ጾሳዉ፥ ኢስራኤሌ ጾሳዉ፥ ኔኒ ኢስራኤሌ ጾሳ ጊዲዳይሲ፥ ታኒካ ኔ ኣይሌ ጊዲዳይሲኔ ታኒ ሃይሳ ኡባ ኔ ቃላን ኦዳይሲ ሃች ኤሬቶ።

ታይቦ ማጻፋ 16:35

ቃሴካ ጎዳይ ሳሎፔ ታማ ዬዲዲ ኤጻኔ ጩዋሲዛ 250 ኣሳ ጹጊዴስ።

ኬሳ ማጻፋ 35:15

ኤጻኔ ጩዋሲዛሶዛኔ ኢዛ ቶኪዛ ቶሆ ሚታ፥ ቲዬቲዛ ዛይቴኔ ሳዊዛ ኤጻኔ፥ ጾሳ ዱንካኔዛ ፔንጌ ማጋላሻ፥