ዬ ማጻፋ 14:1 - ጋሞ ማጻፋ

¹ ኤያቲ ባንታ ዎዚናን፥ «ጾሲ ባዋ» ጌቴስ፤ ኢስታ ዴኦይ ሞሬቲዴስ፤ ኢስቲ ሃራሲዛ ሚሽ ኦቴስ፤ ኢስታ ጊዶን ሎኦ ኦዛ ኢሲ ኣሲካ ዴና።

Geeshsha Maxaafa

¹ Eeyati bantta wozinan, «Xoossi baawa» geettes; istta de7oy moorettides; istti harassiza miish ooththeettes; istta giddon lo7o ooththiza issi asikka deenna.

ዬ ማጻፋ 14:1 Referans Kwoze

ዬ ማጻፋ 10:4

ኢታ ኣሲ ኦቶሬቴን ጾሳ ኮዬና፤ ኢዛ ቆፋ ኡባን ጾሲ ዴና።

ዬ ማጻፋ 53:1

ኤያቲ ባንታ ዎዚናን፥ «ጾሲ ባዋ» ጌቴስ፤ ኢስቲ ሞሬቲዳይታ፤ ኢስታ ኦሶይካ ሃራሲዛዛ፤ ኢስታ ጋርሳፌ ሎኦ ኦዛይ ዴና።

ዬ ማጻፋ 92:6

ሄሳ ኤያ ኣሲ ኤራናዉ ዳንዳዬና፤ ዳማ ኣሲካ ኣኬካናዉ ዳንዳዬና።

ሜቴ ማጻፋ 6:5

ጎዳይ ሄ ዎዴ ቢታ ቦላን ዲዛ ኣሳ ኢታቴ ዳሪዳይሳኔ ኢስቲ ባ ዎዚናን ቆፒዛይሲ ዉሪ ኡባ ዎዴካ ኢታ ጻላላ ጊዲዳይሳ ቤኢዴስ፤

Maatosa 12:34

ኢንቴኖ ማርዜራ ዲዛ ሾሻቶ! ኢንቴ ኢታታ ጊዲ ኡቲዲ ዋኒ ሎኦ ሃሳያናስ ዳንዳዬቲ? ኡሎ ጊዶን ኩሚዳዚ ዶናራ ሃሳዬቴስ።

ሉቃሳ ሚሺራቾ 12:20

«ጊዶ ኣቲን፥ ‹ጾሲ ሃይሶ ኤያዞ! ኔ ሼምፖዮ ሃች ኦማርስ ኔፔ ኤካና ኮዬቴስ፤ ሄሳ ጊሻስ ኔ ኔስ ሺሺዳይሲ ኦናስ ጊዳኔ?› ጊዴስ።

Maatosa 15:19

ኢታ ቆፋይ፥ ሼምፖ ዎይ፥ ላይማይ፥ ላይማታናስ ቃቃቶይ፥ ካይሶይ፥ ዎርዶ ማርካቴኔ ኣሳ ሱን ሞሮይ ዉሪ ዎዚናፔ ፑልቴስ።

ሌሚሶ ማጻፋ 1:7

ኣ ኤራቴስ ኮይሮይ ጎዳስ ያሻቴ፤ ኤያቲ ጊዲኮ ኣ ኤራቴኔ ሴራ ካቴስ።

Titosas 3:3

ኑኒካ ካሴ ቆፋይ ባይንዳይታ፥ ኣዛዜቶንታይታ፥ ባሌቲዛይታ፥ ዱማ ዱማ ኣሞኒኔ ሎኦ ዱሳስ ኣይሌቴን ሃሬቲዛይታ፤ ኣሳራኔ ኑርካ ኑ ጋርሳንካ ኦዬቲሼ ኢታቴኒኔ ሚቃይኔቴን ዶስ።

ኤፌሶኔ ኣሳስ 2:12

ኢንቴ ሄ ዎዴ ኪርስቶሳፔ ሻኬቲዲ፥ ኢስራኤሌ ናይታፔ ሃኪዲ፥ ጫቆ ቃላስካ ኣላጋ ጊዲዲ፥ ሃይሳ ኣላሜዛ ቦላ ሂዶታይኔ ጾሲ ባይንዳ ካሴ ኢንቴ ዲዛ ዱሳ ዩሺ ቆፒቴ።

ሌሚሶ ማጻፋ 27:22

ኤያ ኣስ ካ ማላ ኡዱላን ዬጋዳ፥ ኡዱላ ሚን ጫዲዛኮካ ኢዛፔ ኤያቴ ኪቼና።

ሌሚሶ ማጻፋ 1:22

«ኢንቴኖ ዎዚና ፓጬቶ! ኢንቴ ኣዉዴ ጋካናስ ኤያቴ ኦጌ ካላኔ? ቂልጪዛይቶ! ኢንቴ ቂልጪዛይሳን ኣዉዴ ጋካናስ ኡፋዬቴቲ? ኤያቶ! ኤራቴ ኣዉዴ ጋካናስ ኢጻኔ?

ኢዮቤ ማጻፋ 22:13

ኔኒ ጊዲኮ፥ ‹ጾሲ ኣይ ኤሪዜ? ጊርዲ ጊዳ ማን ኢዚ ዋኒ ኑ ቦላ ፒርዳናዉ ዳንዳይዜ?

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

Titosas 1:16

ኢስቲ ባና ኑኒ ጾስ ኤሮስ ጌቴስ ሺን ባ ሃኖቴን ጊዲኮ ካዴቴስ፤ ኢስቲ ሃራሲዛይታ፥ ኣዛዜቶንታይታኔ ሎኦ ኦሶስ ቤሶንታይታ።

ኢሳያሳ ቲንቢቴ 1:4

ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ዬ ማጻፋ 107:17

ኢስታፌ ኢሶቲ ኢሶቲ ባ ማካላቴ ጋሶን ኤያ ጊዲዳ፤ ባ ናጋራ ጋሶንካ ሜቶን ጌሊዳ።

ኢዮቤ ማጻፋ 15:16

ሞሬቲዳይኔ ቱኒዳይ ናጋራካ ሃ ማላ ኡዪዛ ኣሲ ኣይ ማላ ኢታ?

1ሳሜላ ማጻፋ 25:25

ታ ጎዶ! ሄሳ ቦዛ ናባሌ ፓጻ ሚሻን ቆዶፓ! ኣዴዛስ ሱን ቢርሼ ኤያ ጉስ ጊዲዳ ጊሻስ ኢዚካ ባ ሱን ማላ ኤያ! ኤያቴካ ኢዛራ ጋምኢዴስ። ታኒ ኔ ኣይሌያ ጊዲኮ ኔ ታ ጎዳይ ኪቲዳ ናቴታ ቤያቤኬ።

ሌሚሶ ማጻፋ 13:19

ኣሞይ ፖሌቲኮ ኬሂ ኡፋይሴስ፤ ኤያቲ ጊዲኮ ኢታፔ ሃካናስ ኮዬቴና።

ዬ ማጻፋ 73:3

ኣይስ ጊኮ ኢታ ኣሳታኔ ማካላንቻታ ዱሬቴ ቤኣዳ ታኒካ ኢስታ ማላ ሃናናስ ኣሞታዲስ።

ኤራንቻታ ማጻፋ 7:20

ናጋራ ኦንታ ሙሌራ ሱሬ ኦሶኒኔ ጺሎቴን ጻላ ካንዛ ኣሲ ቢታ ቦላ ዴና።

ኤርማሳ ቲንቢቴ 5:12

ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

ኤርማሳ ቲንቢቴ 6:28

ኢስቲ ኡባይ ዚጊርሼ ዩዪዛይታኔ ዮቲን ኤኮንታ ማካላንቻታ፤ ኢስቲ ጻርቂማላ ማላኔ ቢራታ ማላ፤ ኢስቲ ኡባይካ ሞሮ ኦዛይታ።