ዬ ማጻፋ 137:3 - ጋሞ ማጻፋ

³ ኑና ዲኢዳ ኣሳቲ ኑኒ ዬጺዲ ኢስታ ኡፋይሳና ማላ፥ «ጺዮኔ ዬፌ ኢሳ ኣኔ ኑስ ዬጺቴ» ጊዳ።

Geeshsha Maxaafa

³ Nuna di7ida asati nuni yexxidi istta ufayssana mala, «Xiyoone yeththafe issaa ane nuus yexxite» gida.

ዬ ማጻፋ 137:3 Referans Kwoze

ሚኪያሳ ቲንቢቴ 3:12

ሄሳ ጊሻስ ኢንቴ ጌዶን ጺዮኔይ ጎሻ ቢታ ማላ ጎዬታና፤ ዬሩሳላሜይካ ቆሌቲዳ ኬ ዶሬ ጊዳና፤ ጾሳ ኬይ ዲዛ ዙማይካ ሻራፋ ማታይ ኢዛ ቦላ ዲጪዳ ዙማ ጊዳና።

ኤርማሳ ቲንቢቴ 26:18

«ሂዝቂያሲ ዩሁዳን ካዎቲዲ ዲዛ ዎዴ ሞሬሼቴፔ ዪዳ ሚኪያሲ ዩሁዳ ዴሬ ኡባስ፥ «ኡባፌ ዎልቃማ ጎዳ ጾሳይ፥ ‹ጺዮኔይ ጎሻ ጋዴ ማላ ጎዬታና፤ ዬሩሳላሜይ ላሊ ኮሪዳ ኬ ማላ ጊዳና፤ ጾሳ ኬይ ኢዛ ቦላ ኬጼቲዳ ዙማይ ዎራ ማይኣና› ጊዴስ።

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

ዬ ማጻፋ 80:6

ኑ ሾሮቲ ኑ ቢታ ኤካናስ ባንታ ጊዶን ኦዬታና ማላ ኦዳሳ፤ ኑ ሞርኬቲካ ኑ ቦላ ሚጪዳ።

ዬ ማጻፋ 79:1

ኣቤት ጾሳዉ! ካዎቴቲ ኔ ቢታ ዎራጂዳ፤ ጌሻ ጊዲዳ ጾሳ ኬ ቱኒሲዳ፤ ዬሩሳላሜ ላሊ ዬጊዳ።

ዬ ማጻፋ 65:1

ኣቤት ጾሳዉ! ጺዮኔን ኔስ ጋላታይ ቤሴስ፤ ኑኒ ኔስ ኣዲኔቲዳይሳ ጋና።

ዬ ማጻፋ 9:14

ሄሲካ ታኒ ጺዮኔ ኣሳ ካሬን ኤቃዳ ኔና ጋላታናሲኔ ኔ ኣሺዳይሳን ኬሃ ኡፋዬታናሳ።

ናሂሚያ ማጻፋ 4:2

ባ ላጌታኔ ሳማሪያ ዎታዳራታ ሲንን፥ «ሃይቲ ላፋ ኣይሁዳቲ ኣይ ኦና ቆፒዶ? ባ ካታማ ጊምቤዛ ዛሪ ኦና ቆፒዞ? ያርሾ ሺሻናስ ኮዪዞ? ኦሶዛ ኢሲ ጋላስ ፖላናስ ኢስታስ ሚሳቲዜ? ጊምቤስ ጊዲዛ ሹቻታ ካሴ ጹጌቲ ላሌቲዳ ጊምቤ ጋርሳፌ ኬሲ ጊምባናስ ዳንዳይዞ?» ጊዲ ናጪዴስ።

1ታሪኬ ማጻፋ 16:7

ሄ ጋላስ ዳዊቲ ካሴቲዲ ኣሳፌሲኔ ኢዛራ ኦዛ ላጌታስ ጎዳ ጋላቲዛ ዬ ኢሚዴስ።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

1ታሪኬ ማጻፋ 15:27

ዳዊቲ፥ ታቦታ ቶኪዳ ሌዌቲ ኡባይ፥ ዬ ዬጺዛይቲኔ ኢስታ ሃላቃ ካናኒያ ቃጪናፔ ዳዴቲዳ ላይኖ ማይኢዳ፤ ቃሴካ ዳዊቲ ሌኤ ቃጪናፔ ዳዴቲዳ ኤፉዴ ማይኢዴስ።

ሌሚሶ ማጻፋ 25:20

ጬጪ ኡቲዳ ኣሳስ ማዛሙሬ ዬጼ ሜጎ ጋላስ ማይኦ ቃሪዛ ማላኔ ማዱን ቦላ ጹጊዛ ሚሽ ቲጊዛ ማላ።