ዬ ማጻፋ 133:3 - ጋሞ ማጻፋ

³ ቃሴካ ሄርሞኔ ዙማታፔ ዱጌ ጺዮኔ ዙምቡላታ ቦላ ጾኪዛ ጻዛ ማላ፤ ጎዳይ ሄሳን ኣንጆኔ ዴኦ ሜርናስ ኣዛዚዴስ።

Geeshsha Maxaafa

³ Qasseka Hermoone zumatappe duge Xiyoone Zumbullata bolla xokkiza xaaza mala; GODAY hessan anjjonne de7o mernaas azazides.

ዬ ማጻፋ 133:3 Referans Kwoze

ዛሬ ማጻፋ 28:8

ጎዳይ ኔ ኩሼይ ኦይኪዳ ኡባኔ ኔ ጎታራ ኡባ ኣንጃና፤ ቃሴ ኢዚ ኔስ ኢሚዳ ቢታንካ ኔና ኣንጃና።

ዬ ማጻፋ 42:8

ጎዳይ ባ ሜርና ሲቆ ጋላስ ታስ ኪቴስ። ታኒካ ኦማርስ ኢዛስ ጋላታ ማዛሙሬ ሺሻይስ፤ ሄሲካ ታ ዴኦ ጾሳስ ሺሺዛ ዎሳ።

ሌዌታ ማጻፋ 25:21

ኡሱፑን ላይታን ቢታዮ ኣንጃና፤ ሂስቲኮ ኢዛ ኢንቴስ ሄ ላይስ ጊዳና ካ ኢማና።

ዛሬ ማጻፋ 4:48

ሄ ቢታይ ኣርኖኔ ሻፋ ዶናን ዲዛ ኣሮኤሬ ካታማፔ ቢዲ ሲሪዮኔ ዙማ ጋኬስ፤ ሲሪዮኔ ጌቴቲዛ ዙማዚ ሄርሞኔ ዙማ።

1ዮሃኒሳ ኪታ 5:11

ኢዛ ማርካቴካ ጾሲ ሜርና ዴኦ ኑስ ኢሚዴስ፤ ሄ ዴኦይካ ኢዛ ናዛን ዴስ ጊዛይሳ።

ኦሮሜ ኣሳስ 5:21

ሄሲካ ሃኒዳይ ናጋራይ ሃይቆ ቦላ ካዎቲዳይሳ ማላ ዬሱስ ኪርስቶሳ ባጋራ ቃሴ ሜርና ዴኦይ ቤታና ማላ ኢዛ ኪያቴ ጺሎቴን ካዎታናሳ።

ሚኪያሳ ቲንቢቴ 5:7

ያቆቤ ዜሬፌ ኣቲዳይቲ ዳሮ ዴሬ ጊዶን ጾሳ ኣቻፌ ዎዛ ኢራ ማላ ማታ ቦላ ሎዳራ ፑሲሼ ቢታ ካሌዛ ፑሴ ኢራ ማላ ኣሳፔ ኣይኮካ ኮዮንታ ኣሳ ጊዳና።

ዬ ማጻፋ 16:11

ኔኒ ታና ዴኦ ኦጌ ቤሳሳ፤ ኔ ማታን ኩሜ ኡፋይሲ፥ ኔስ ኡሻቻን ሜርና ኡፋይሲ ዴስ።

ኦሮሜ ኣሳስ 6:23

ናጋራ ዋጋይ ሃይቆ፤ ጊዶ ኣቲን ጾሳ ኢሞታይ ጊዲኮ ጎዳ ዬሱስ ኪርስቶሳ ባጋራ ሜርና ዴኦ።

ዮሃኒሳ ሚሺራቾ 6:68

ሄ ዎዴ ሲሞና ጌቴቲዛ ጴጽሮሲ፥ «ጎዶ፥ ኔስ ሜርና ዴኦ ቃላይ ዲሺን ኑ ኦናኮ ባኔ?

ዮሃኒሳ ሚሺራቾ 5:29

ሎኦ ኦዳይቲ ሃይቆፔ ዴንዲዲ ፓጻና። ጊዶ ኣቲን ኢታ ኦዳይቲ ሃይቆፔ ዴንዲዲ ፒርዴታና።

ኢያሶ ማጻፋ 13:11

ሄሳካ ጋላኣዴ ቢታ፥ ጌሹሬታ ቢታ፥ ማኢካቴ ቢታ፥ ሄርሞኔ ዙማ ኡባ፥ ባሳኔ ቢታ ቢዲ ሳላካ ጋካናስ ኦይኬስ።

ዮሃኒሳ ኣጁታ 1:18

ታኒ ፓጻ ዳይስ። ካሴ ሃይቃዲስኮሺን ሄኮ ታኒ ሃይሳፌ ሜርናስ ፓጻ ዳና፤ ሃይቆ ቦላኔ ሲኦሌ ቦላ ታኒ ጎዳ።

1ዮሃኒሳ ኪታ 2:25

ሜርና ዴኦይ ኢዚ ኑስ ኢማና ጊዳ ሂዶታ ቃላ።

ሌሚሶ ማጻፋ 19:12

ካዎ ሃንቆይ ጋሞ ጻጎ ማላ፤ ጊዶ ኣቲን ኢዛ ሲንን ሳባ ዴሞይ ማታ ጪሊሊሲዛ ኢራ ማላ።

ዬ ማጻፋ 21:4

ኔኒ ዴኦ ኢዛስ ኢማና ማላ ኔና ዎሲዴስ፤ ኔካ ኢዛስ ዴኦኔ ኣዱሳ ላይ ኢማዳሳ።

ዮሃኒሳ ሚሺራቾ 5:24

«ታ ኢንቴስ ቱማ ጋይስ፤ ታ ቃላ ሲዪዛዴሲኔ ታና ኪቲዳዴን ኣማኒዛዴስ ሜርና ዴኦይ ዴስ። ኢዛዴይ ሃይቆፔ ጌዴ ዴኦን ፒኒዴስ ኣቲን ኢዛ ቦላ ፒርዴቴና።

ዮሃኒሳ ሚሺራቾ 4:14

ታ ኢሚዛ ሃ ኡዪዛዴይ ጊዲኮ ሜርናስ ሙሌካ ሳሜቴና፤ ጋሶይካ ታ ኢሚዛ ሃ ኡዪዛዴስ ሜርና ዴኦስ ፑልቲዛ ፑልቶ ሃ ጊዳና» ጊዴስ።

ዬ ማጻፋ 21:5

ኔኒ ጾኖ ኢሚዳ ጊሻስ ኢዛስ ቦንቾይ ዳሪዴስ፤ ጊታቴኔ ቴማ ኢዛስ ኢማዳሳ።