ዬ ማጻፋ 13:5 - ጋሞ ማጻፋ

⁵ ጊዶ ኣቲን ኔ ማሮቴ ዳሮን ታኒ ኣማኔታይስ፤ ኔኒ ታና ኣሺዛ ጊሻስ ታኒ ኡፋዬታይስ።

Geeshsha Maxaafa

⁵ Gido attiin ne maaroteththa daron tani ammanettays; neni tana ashshiza gishshas tani ufayettays.

ዬ ማጻፋ 13:5 Referans Kwoze

ዩሁዳ ኪታ 1:21

ኑ ጎዳ ዬሱስ ኪርስቶሲ ባ ማሮቴን ኢንቴና ሜርና ዴኦን ጋናይሳ ናጌቲሼ ኢንቴናቴ ጾሳ ሲቆን ናጊቴ።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኢምባቆ ቲንቢቴ 3:18

ታኒ ታ ጎዳን ኡፋዬታና፤ ታ ኢዛን ኣቲዳ ጾሳን ኡፋዬታና።

ዬ ማጻፋ 52:8

ጊዶ ኣቲን ኣጪዛ ዎጋራ ሚ ማላ ታኒ ጾሳ ኬን ኣጫይስ፤ ኢዛ ሜርና ሲቆን ታኒ ሜሪ ሜርናስ ኣማኔታይስ።

ዬ ማጻፋ 9:14

ሄሲካ ታኒ ጺዮኔ ኣሳ ካሬን ኤቃዳ ኔና ጋላታናሲኔ ኔ ኣሺዳይሳን ኬሃ ኡፋዬታናሳ።

ዬ ማጻፋ 119:81

ኔ ታና ኣሻና ማላ ታ ሼምፖያ ኬሃ ላሞታዱስ፤ ታኒካ ኔ ቃላ ሂዶታ ኦዲስ።

ዬ ማጻፋ 36:7

ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።

ዬ ማጻፋ 33:18

ጎዳ ኣይፌቲ ኢዛስ ያዪዛይታኔ ኢዛ ሜርና ሲቆ ሂዶታ ኦዛ ኣሳታ ጼሌስ።

ዬ ማጻፋ 32:10

ኢታታስ ቱጋይ ዳሮ፤ ጊዶ ኣቲን ጎዳን ኣማኔቲዛይታ ማሮቴ ዶዴስ።

ዬ ማጻፋ 147:11

ጎዳይ ባስ ያዪዛይታኒኔ ኢዛ ሲቆን ኣማኔቲዛይታን ኡፋዬቴስ።

ዬ ማጻፋ 51:12

ኔ ኣቶቴ ኡፋይሳ ታስ ዛራዳ ኢማ፤ ኤኖ ጊሲዛ ኣያናን ኔ ታና ኩን።

1ሳሜላ ማጻፋ 2:1

ሃናይ፥ «ታ ዎዚናይ ጎዳን ኡፋዬቲዴስ፤ ታ ካጬይ ጾሳን ቁ ቁ ጊዴስ፤ ኔኒ ታና ኣሺዳ ኣሾን ታኒ ኡፋዬቲዳ ጊሻስ ታ ዶናይ ታ ሞርኬታ ቦላ ዶዬቲዴስ።

ሉቃሳ ሚሺራቾ 2:20

ሄሚዛይቲካ ሃኒዳይሲ ዉሪካ ኪታንቻይ ኢስታስ ዮቲዳ ማላ ጊዲዲ ቤቲዳ ጊሻስ ሲዪዳይሳሲኔ ቤኢዳይሳስ ኡባስ ጾሳ ጋላቲሼኔ ቦንቺሼ ሲሚዳ።

ዬ ማጻፋ 25:2

ኣቤት ታ ጾሳዉ! ታኒ ኔናን ኣማኔታይስ፤ ታና ዬላሶፓ፤ ታ ሞርኬቲካ ታ ቦላ ጬቄቶፌቶ።

ዬ ማጻፋ 38:17

ታኒ ኩንዳና ማታዲስ፤ ታ ሳኮይካ ፓጾንታ ኢጺዴስ።