ዬ ማጻፋ 12:2 - ጋሞ ማጻፋ

² ኢሶይ ኢሳስ ዎርዶ ሃሳዬስ፤ ኢሶይ ኢሳ ዶናን ጪሜቴስ፤

Geeshsha Maxaafa

² Issoy issaas wordo haasayees; issoy issaa doonan cimmeettes;

ዬ ማጻፋ 12:2 Referans Kwoze

ኦሮሜ ኣሳስ 16:18

ሄይታንታ ማላ ኣሳቲ ዬሱስ ኪርስቶሳስ ኦዛይታ ጊዶንታ ባ ቃን ካ ጊሻስ ኦዛይታ፤ ሹጎ ቃላራ ሃሳያኒኔ ዎዚና ኪያ ኣሳታ ባሌቴስ።

ኤርማሳ ቲንቢቴ 9:8

ኢስታ ኢንጻርሳይ ዎዛ ዪሻ ማላ፤ ኢስቲ ጪሞ ሃሳያ ሃሳዬቴስ። ኡባይካ ባንታ ላጌታራ ሲቆ ቃላን ሃሳዬቴስ፤ ጊዶ ኣቲን ባንታ ዎዚናራ ዎጺማዴ ጊጊሴቴስ።

ዬ ማጻፋ 41:6

ታና ቤያናዉ ዪዛ ኦኒካ ባ ዎዚናን ኢታ ሚሽ ሱሼ ቆፔ ቆሞን ሃሳዬስ፤ ካሬ ኬዚዲካ ዚጊርስ ፑኔስ።

ዬ ማጻፋ 144:8

ኢስታ ዶናይ ዎርዶ ሃሳዬስ፤ ኢስቲ ኡሻቻ ኩሼ ዴንዲ ዎርዶ ጫቄቴስ።

ዬ ማጻፋ 10:7

ኢዛ ዶናን ቃንጌ፥ ዎርዶይኔ ማንዴይ ኩሚዴስ፤ ኢዛ ኢንጻርሳን ጌኔይኔ ባሌይ ዴስ።

ዬ ማጻፋ 5:9

ኢስታ ዶናፔ ኬዚዛ ቃላይ ቱሙ ጊዴና። ኢስታ ዎዚናንካ ጌኔይ ኩሚዴስ፤ ኢስታ ዶናይ ዶዬቲዳ ዱፎ ማላ፤ ኢስቲ ባንታ ኢንጻርሳን ኣስ ጪሜቴስ።

ያቆቤ ኪታ 1:8

ሄሳዴይ ናምኡ ቆፋን ኦይኬቲዲ ባ ቢዛ ኦጌ ቦላ ያኔ ሃ ጊዛ ኣሳ ማላ።

ዬ ማጻፋ 28:3

ባ ዎዚናን ኢታ ቆፒሼ ባ ላጌታራ ሳሮቴ ሃሳይዛ ኢታ ኦዛይታራ ታና ኢስታራ ጋ ኤፎፓ።

1ታሶሎንቄ ኣሳስ 2:5

ኑ ሙሌካ ባሌ ቃላ ዮቲቤኮ ዎይኮ ኑ ኡዜቴ ካማናስ ጊዲ ባሌ ሃኖ ኑ ሃኖንታይሳ ኢንቴ ኤሬታ፤ ሃይሳስካ ኑ ማርካይ ጾሳ።

ሂዚቄላ ቲንቢቴ 12:24

ሃይሳፌ ጉዬ ኢስራኤሌ ዴራ ጊዶን ዎርዶ ኣጁታይኔ ኣስ ሙሬኖ ኦሶይ ዴና።

ሌሚሶ ማጻፋ 29:5

ባ ላጌዛስ ጪሞ ሃሳይዛ ኣሲ ኢዛ ቶሆስ ዎጺማዴ ዋጼስ።

ሌሚሶ ማጻፋ 20:19

ዚጊራንቻይ ጹራ ላሌስ፤ ሄሳ ጊሻስ ሎምኡሎምኣ ኣሳፔ ሃካ።

ዬ ማጻፋ 144:11

ዎርዶ ሃሳይዛይታፔኔ ባ ኡሻቻ ኩሼ ዴንዲ ዎርዶ ጫቂዛይታፔኔ ኣላጋታፔ ታና ኣሻኔ ናጋ።

ዬ ማጻፋ 62:4

ኢስቲ ኢዛ ቦንቾ ሶሆፔ ካዉሻናስ ጻላ ኮዬቴስ፤ ኢስቲ ዎርዶን ኡፋዬቴቴስ፤ ባንታ ዶናን ኣንጄቴስ፤ ጊዶ ኣቲን ባንታ ዎዚናን ቃንጌቴስ።

ዬ ማጻፋ 55:21

ኢዛ ዶናፔ ኬዚዛ ቃላይ ኦይሳ ማላ፤ ጊዶ ኣቲን ኢዛ ዎዚናይ ጫዲዛ ቶራ ማላ፤ ኢዛ ቃላቲ ዛይቴፔካ ኣ ሹጎ፤ ጊዶ ኣቲን ቃንጺዛ ማሻ ማላ።

ዬ ማጻፋ 59:12

ኢስቲ ባንታ ዶናፔ ኬሲዛ ናጋራ ጊሻስ፥ ባንታ ኢንጻርሳ ቃላ ጊሻስ፥ ኢስቲ ቃንጊዳ ቃንጌ ጊሻሲኔ ዎርዶቲዛ ጊሻስ ባንታ ኦቶሬቴን ኦይኬቴቶ።

1ታሪኬ ማጻፋ 12:33

ኦላ ሜዜቲዳይቲ፥ ኦላ ማሳራ ኡባን ኦሌታናስ ዳንዳይዛይቲኔ ዎዚናይ ባላቶንታ ዳዊቴ ማዳናስ ዪዳ ዛቢሎኔ ባጋቲ ኢቻሽ ታሙ ሺያ።

ዬ ማጻፋ 38:12

ታና ዎናዉ ኮይዛይቲ ባንታ ናርጻ ታና ኦይካና ዎዳ፤ ታና ቆሃናዉ ኮይዛይቲ፥ «ናጋሻ፤ ኑኒ ኔና ዴማና» ጊዲ ታ ቦላ ማንዲዳ፤ ጋላስ ኩሜ ታ ቦላ ጌኔን ዱላቲዳ።

ዬ ማጻፋ 116:11

ታስ ጊዛዚ ዪን፥ «ኣሲ ኡባይ ዎርዶ» ጋዲስ።

ሌሚሶ ማጻፋ 20:6

ዳሮ ኣሳቲ ባንታ ኪያቴ ዮቴቴስ፤ ጊዶ ኣቲን ኣማኔቲዛ ኣስ ኦኒ ዴማናስ ዳንዳይዜ?

ኤርማሳ ቲንቢቴ 7:28

ሄሳ ጊሻስ ኔኒ ኢስታስ፥ ‹ሃይሲ ዴሬዚ ጎዳ ባ ጾሳስ ኣዛዜቶንታኔ ኢዛ ዞሬ ኤኮንታ ዴሬ፤ ቱማይ ዴና፤ ኢስታ ኢንጻርሳፌ ይዴስ።

ሚኪያሳ ቲንቢቴ 7:2

ጾሳስ ባቢዛ ኣሲ ቢታ ቦላፌ ይዴስ፤ ሱሬ ኣሲ ኢሳዴይካ ባዋ፤ ኣሲ ዉሪካ ሱ ጉሳናስ ዙጌስ፤ ኢሲ ኢሲ ኣሲ ባ ኢሻ ያርዴን ኦይኬስ።