ዬ ማጻፋ 109:23 - ጋሞ ማጻፋ

²³ ታኒ ኦማርሳ ዎዴ ኩዋ ማላ ያና ሃናይስ፤ ቦሌ ማላካ ቆቆፌታዲስ።

Geeshsha Maxaafa

²³ Tani omarsa wode kuwa mala dhayana hanays; boole malakka qoqofettadis.

ዬ ማጻፋ 109:23 Referans Kwoze

ኬሳ ማጻፋ 10:19

ጎዳይካ ኣርሼይ ሞኪዛ ባጋራ ዪዳ ጫርኮዛ ኣርሼይ ዉሊዛ ባጋራ ዪዳ ዎልቃማ ጫርኮን ላሚን ቦሌዛ ቶኪ ኤኪ ኤፊዲ፥ ዞኦ ኣባን ዬጊዴስ። ጊብጼ ቢታ ኩሜን ኢሲ ቦሌይካ ኣቲቤና።

ኢዮቤ ማጻፋ 14:2

ጪሻ ማላ ቤቲዲ ሄራካ ቆኬስ፤ ኤሾ ማላ ዳሮ ጋምኦንታ ሄራ ኣስ።

1ታሪኬ ማጻፋ 29:15

ካሴ ኑ ኣዋታ ማላ ኑኒካ ኔ ሲንን ቤቴኔ ኢማታ፤ ሃ ሳኣ ቦላን ኑ ዴኦ ላይይ ሂዶታይ ባይንዳ ኩዋ ማላ ኤሌ ኣስ።

ያቆቤ ኪታ 4:14

ዎንቶ ሃናናይሳ ኢንቴ ኤሬኬታ፤ ኢንቴ ሼምፖይ ኢዛ ኣዜ? ኢንቴ ጉ ዎዴ ኣይፌን ቤቲዲ ይዛ ሃ ፔንታ ማላ።

ኤራንቻታ ማጻፋ 8:13

ጊዶ ኣቲን ኢታቲ ጾሳስ ያዮንታ ጊሻስ ሎኦ ሚሺ ኢስታስ ሃኔና፤ ኢስታ ላይ ኤሾ ማላ ኤሌ ኣና።

ኤራንቻታ ማጻፋ 6:12

ሃዳኔ ኤሾ ማላ ኤሌ ኣዛ ጉ ላይታን ኣሳስ ሎኦ ሚሺ ሃናናይሳ ኤሪዛይ ኦኔ? ቃሴካ ኢዚ ሃይቂዳፔ ጉዬ ሳሎ ጉፋንን ሃኒዛ ሚሽ ኢዛስ ዮታና ዳንዳይዛይ ኦኔ?

ዬ ማጻፋ 144:4

ኣሲ ኢሲቶ ጫርኪ ኣዛ ጫርኮ ማላ፤ ኢዛ ላይቲካ ኤሶን ይዛ ኩዋ ማላ።

ኬሳ ማጻፋ 10:13

ሙሴይ ባ ኦይኪዳ ጉፋ ጊብጼ ቢታ ቦላ ቁ ሂስቲ ዴንን፥ ሄ ዎዴ ጋላሲኔ ቃማ ጎዳይ ኣርሼይ ሞኪዛ ባጋፌ ዎልቃማ ጫርኮ ቢታ ኡባ ቦላ ዬዲዴስ፤ ጋዴይ ዎንቲሺን ሄ ጫርኮይ ቦሌ ኤኪ ዪዴስ።

ዬ ማጻፋ 102:12

ጊዶ ኣቲን ኣቤት ጎዳዉ! ኔኒ ካዎቴ ኣራታን ሜርናስ ኡታዳሳ፤ ኔ ሱንይካ ዬሌታፔ ዬሌታ ጋካናስ ሃሳኤታና።