ሌሚሶ ማጻፋ 3:7 - ጋሞ ማጻፋ

⁷ ኔርካ ኔና ኣ ኤራንቻ ጎፓ፤ ጎዳስ ያያ፤ ኢታፔካ ሃካ።

Geeshsha Maxaafa

⁷ Nerkka nena aadho eranchcha gooppa; GODAAS yayya; iitappeka haakka.

ሌሚሶ ማጻፋ 3:7 Referans Kwoze

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ኦሮሜ ኣሳስ 12:16

ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።

ሌሚሶ ማጻፋ 26:12

ባርካ ባና፥ «ታኒ ኣ ኤራንቻ» ጊዛ ኣስ ቤያዲ? ኢዛፔ ኤያ ኣሳስ ሎኦ ቃዳይ ዴስ።

ኢዮቤ ማጻፋ 1:1

ኡጼ ጌቴቲዛ ዴሬን ኢሲ ኢዮቤ ጌቴቲዛ ኣሲ ዴስ። ኢዚካ ኢታ ኡባፌ ሃኪዳዴ፤ ዎሶይ ኢዛ ቦላ ባይንዳዴ፤ ጾሳስ ያዪዛዴኔ ሱሬ ኣሳ።

ሌሚሶ ማጻፋ 16:6

ሲቆኒኔ ኣማኔቴን ናጋራይ ኣቶ ጌቴቴስ፤ ጎዳስ ያሻቴን ኣሲ ኢታፔ ሃኬስ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ኢሳያሳ ቲንቢቴ 5:21

ባንታና ባርካ፥ «ታኒ ኣ ኤራንቻ! ታኒ ቃራ ጊዲኪና!» ጊ ቆፒዛይታስ ኣዬ ኣና!

ሌሚሶ ማጻፋ 14:27

ጎዳስ ያሺ ዴኦ ፑልቶ፤ ሃይቆ ዎጺማዴፔ ኣስ ኣሼስ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ኬሳ ማጻፋ 20:20

ሙሴይ ኣሳስ፥ «ጾሲ ኢንቴና ፓጫናስ፥ ኢዛ ያሺ ኢንቴ ዎዚናን ኩሚን ኢንቴ ናጋራ ኦንታ ማላ ዪዳ ጊሻስ ባቦፍቴ» ጊዴስ።

2ሳሜላ ማጻፋ 12:20

ሄ ዎዴ ዳዊቲ ሳኣ ቦላፌ ዴንዲዲ፥ ሜጬቲዲ፥ ጎርፔቲዲኔ ማይኦ ላሚዳፔ ጉዬ ጎዳ ኬ ቢ ጎይኒዴስ። ሄሳፌ ጉዬ ኢዚ ባ ኪፊሌ ጌሊዴስ፤ ባስ ቁማ ኢማና ማላ ኢዚ ኦይቺን ኢሚዳ ቁማ ሚዴስ።

ሌሚሶ ማጻፋ 8:13

ጎዳስ ያሻቴ ኢታ ኢጾ፤ ታኒ ኦቶሮኔ ሃላጫ፥ ሜንጼ ኢታቴኔ ጌላ ሃሳያ ኢጻይስ።

ሌሚሶ ማጻፋ 14:16

ኣ ኤራንቻይ ጎዳስ ያዬሲኔ ሳቲ ታንጌስ፤ ኢታፔካ ሃኬስ፤ ኤያይ ጊዲኮ ዉዳይ ባይንዳ ቢቻሬስ።

ሌሚሶ ማጻፋ 23:4

ዱሬታና ጋዳ ዳቡሮፓ፤ ሃይሳ ማላ ቆፋ ኣጋናስ ኣኬካንቻ ጊዳ።

ሌሚሶ ማጻፋ 26:5

ጊዲኮካ ኤያስ ኢዛ ኤያቴ ቤሳ፤ ሂስቶንታ ኣጊኮ ኢዚ ባና ኤራንቻ ማላ ቆዳና።

ሌሚሶ ማጻፋ 28:11

ዱሬ ኣሲ ባና ኣ ኤራንቻ ጊዲ ቆፔስ፤ ጊዶ ኣቲን ኣኬካይ ዴኢዛ ሂዬሳይ ኢዛ ፓጬስ።

ሌሚሶ ማጻፋ 28:26

ባናን ኣማኔቲዛ ኣሲ ኤያ፤ ጊዶ ኣቲን ኣ ኤራቴን ሄሜቲዛይ ሳሮን ዴኤስ።