ሌሚሶ ማጻፋ 22:4 - ጋሞ ማጻፋ

⁴ ኣሽኬቴኔ ጎዳስ ያሺ፥ ዱሬቴ፥ ቦንቾኔ ዴኦ ኢሜስ።

Geeshsha Maxaafa

⁴ Ashketeththinne GODAAS yashshi, dureteth, bonchchonne de7o immees.

ሌሚሶ ማጻፋ 22:4 Referans Kwoze

Maatosa 6:33

ሃራፔ ሲንቲዲ ጾሳ ካዎቴ ጺሎቴ ኮዪቴ፤ ሃይቲ ዉሪ ኢንቴስ ጉጄታና።

ያቆቤ ኪታ 4:10

ጎዳ ሲንን ኢንቴ ኢንቴና ካዉሺቴ፤ ኢዚ ኢንቴና ቁ ቁ ሂስታና።

ሌሚሶ ማጻፋ 21:21

ጺሎቴኔ ሲቆ ካሊዛዴይ ዴኦ፥ ዱሬቴኔ ቦንቾ ዴሜስ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ሌሚሶ ማጻፋ 3:16

ኢዛ ኡሻቻ ኩሼን ኣዱሳ ላይ፥ ሃዲርሳ ኩሼን ኣቆታኔ ቦንቾ ኦይካዱስ።

ያቆቤ ኪታ 4:6

ጊዶ ኣቲን ኢዚ ባ ኪያቴ ኑስ ጉጂ ኢሜስ፤ ማጻፋይካ፥ «ጾሲ ኦቶራንቻታራ ኤቄቴስ፤ ኣሽኬታስ ጊዲኮ ባ ኪያቴ ኢሜስ» ጊዳይ ሄሳሳ።

ኢሳያሳ ቲንቢቴ 33:6

ኢዚ ኔ ዲዛ ላይ ኡባን ኣማንዛ ዮች፥ ኣቶቴ፥ ኣ ኤራቴኔ ኤራቴ ጊዳና፤ ጎዳስ ያሻቴ ሃይሳ ሃ ኣቆታታስ ቁልፔ ጊዳና።

1ጺምቶሳስ 4:8

ኣሳቴ ኣሾ ኦጌን ዶሲሶይ ጉ ዎዴስ ጎኤስ ሺን ቱሙ ኣያና ዱሳስ ባና ታማርሶይ ጊዲኮ ሃይሳ ሃ ኣላሜዛሲኔ ቡሮ ያና ዱሳስ ሂዶታይ ዲዛ ጊሻስ ኡባስ ጎኤስ።

ሌሚሶ ማጻፋ 21:20

ዎዚናማ ኣሳ ሶን ማልኦ ቁማይኔ ዛይቴይ ዳጋቲ ዴስ፤ ጊዶ ኣቲን ኤያ ኣሲ ባስ ዲዛይሳ፥ ባይንዳ ኡባ ዲፒ ሂስቲ ሜስ።

ሌሚሶ ማጻፋ 22:3

ኣኬካንቻ ኣሲ ኢታ ቤኢዲ ኣታናስ ባቃቴስ፤ ጊዶ ኣቲን ኣኬካይ ፓጪዳ ኣሲ ሜቶን ጌሊዲ ቆሄቴስ።

ሌሚሶ ማጻፋ 22:5

ኢታ ኣሳ ኦጌን ኣጉንኔ ያርዴይ ዴስ፤ ጊዶ ኣቲን ባና ናጊዛ ኣሲ ሄሳፌ ሃኬስ።

ሌሚሶ ማጻፋ 29:23

ኦቶሮይ ኣስ ካዉሼስ፤ ጊዶ ኣቲን ኣሽኬቴ ቦንቺሴስ።

ሌሚሶ ማጻፋ 31:30

ማላ ሎኦይ ባሌስ፤ ፑላይካ ቆኬስ፤ ጊዶ ኣቲን ጎዳስ ያዪዛ ማጫሲ ኢዛ ኣንጄቲዳሮ።

ዳኔላ ቲንቢቴ 4:36

«ታ ዎዚና ካሃይ ታኮ ሲሚን ሄራካ ታ ካዎቴስ ቦንቾይ፥ ኣዮቴኔ ቴማይ ሲሚዴስ፤ ካሴ ታና ዞሪዛይቲኔ ታ ሹሜቲ ታና ኡፋይሳን ሞኪ ኤኪዳ፤ ካሴ ታኒ ካዎቴ ኣራታን ሲማ ኡታዲስ፤ ካሴይሳፌ ቦላራ ኣ ቦንቼታዲስ።

ሌሚሶ ማጻፋ 19:23

ጎዳስ ያሺ ዴኦስ ካሌስ፤ ሄሳ ማላ ኣሲ ዎፓን ዴስ፤ ኢታይካ ኢዛ ቦቼና።