ሌሚሶ ማጻፋ 17:3 - ጋሞ ማጻፋ

³ ዎርቃይኔ ቢራይ ታማን ፓጬቲዛይሳ ማላ ጎዳይ ኣሳ ዎዚና ፒልጊ ጼሌስ።

Geeshsha Maxaafa

³ Worqqaynne biray taman paacettizayssa mala GODAY asaa wozina pilggi xeellees.

ሌሚሶ ማጻፋ 17:3 Referans Kwoze

ኢሳያሳ ቲንቢቴ 48:10

ቤኣ ቢራ ማላ ጊዶንታ ኣጊኮካ ኔና ጋጫዲስ፤ ታማ ማላ ሜቶን ፓጫዲስ፤

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ዬ ማጻፋ 26:2

ኣቤት ጎዳዉ! ታና ፓጫ፤ ታ ቃን ፒልጋ፤ ታ ዎዚና ጼላ፤

ሌሚሶ ማጻፋ 27:21

ቢራይኔ ዎርቃይ ታማን ፓጬቲዲ ጌይዛ ማላ ኣሲካ ባ ኤኪዛ ጋላታን ፓጬቴስ።

1ጴጽሮሳ ኪታ 1:7

ሄሲ ሄ ፓጬዚ ኢንቴ ቦላ ጋኪዛይ ኢንቴ ኣማኖዚ ቱሙ ጊዲዳይሳ ቆንጪሳናሳ። ያና ዎርቃይካ ታማን ፓጬቴስ፤ ዎርቃፌ ኣ ቦንቾ ጊዲዳ ኢንቴ ኣማኖይካ ሄሳ ፓጬታናስ ቤሴስ። ሄሲ ፓጬቲዳ ኢንቴ ኣማኖይ ዬሱስ ኪርስቶሲ ቆንጪዛ ጋላስ ጋላታስ፥ ቦንቾሲኔ ሳባስ ኢንቴና ጋና።

1ታሪኬ ማጻፋ 29:17

«ታ ጾሳዉ! ኔኒ ዎዚና ፒልጋ ጼሊዛይሳኔ ሱሬቴ ዶሲዛይሳ ታኒ ኤራይስ፤ ታኒ ታ ሱሬ ዎዚናኒኔ ሎኦ ሼኔን ሃይሳ ኡባ ኢማዲስ፤ ሃይሳን ዲዛ ኔ ኣሳይካ ኔስ ባ ሎኦ ሼኔን ኢሚዲ ኡፋዬቲዳይሳ ታኒ ቤኣዲስ።

ዬ ማጻፋ 66:10

ኣቤት ጾሳዉ! ኔኒ ኑና ፓጫ ጼላዳሳ፤ ቢራ ሴሪሲ ጌሺዛ ማላ ኑና ጌሻዳሳ።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

ዛካራሳ ቲንቢቴ 13:9

ሄ ኣቲዳ ኢሲ ኩሼ ኣሳ ታ ጌዴ ታማን ዬጋና፤ ቢራ ታማን ጌሺዛ ማላ ታ ጌሻና፤ ዎርቃ ማላካ ፓጫና፤ ኢስቲ ታ ሱን ጼይጋና፤ ታኒካ ኢስታስ ኮያና፤ ታ ኢስታስ፥ ‹ታ ዴሬታ› ጋና፤ ኢስቲካ፥ ‹ኑ ጎዳ› ጋና» ጊዴስ።

ዬ ማጻፋ 139:23

ኣቤት ጾሳዉ! ታ ዎዚና ፒልጋዳ ኤራ፤ ታና ፓጫዳ ታ ጬጬ ቆፋካ ሻካ ኤራ።

ሌሚሶ ማጻፋ 15:11

ዱፎኒኔ ዮ ጊዶን ዲዛይሲ ጎዳ ሲንን ቆንጬ፤ ሂስቲን ኣሳ ዎዚና ቆፋይ ዋኒ ኢዛፔ ጌማኔ?

ሌሚሶ ማጻፋ 17:2

ኣኬካንቻ ኣይሌስ ሹፉሮ ጊዲዳ ባ ጎዳ ና ቦላ ማታይ ዴስ፤ ሂስቲዲ ኢሻንታ ማላ ኢስታራ ኢሲፌ ላቴስ።

ሂዚቄላ ቲንቢቴ 22:18

«ሃይሶ ኣሳ ናዉ! ኢስራኤሌ ኬይ ቢራታ ሺኣ ማላ ጊዲዴስ፤ ኢስቲ ኡባይካ ታማ ጊዶን ሴሪ ኣቲዛ ጻርቂማላ፥ ቆርቆሮ፥ ቢራታኔ ኢርሳሴ ሺኣ ማላ።

ዳኔላ ቲንቢቴ 11:35

ኣ ኤራንቻታፔ ኢሶቲ ኢሶቲ ጴታና፤ ሄሳ ሃኒዲ ዉርሴ ዎዴይ ጋካናስ ኢስቲ ጋጬቲዲ፥ ጌዪዲኔ ኢስታ ቦላ ዎሶይ ባይንዳይታ ጊዲዲ ኬዛና፤ ሄሲ ኡባይ ሃናናይ ጾሲ ባሪዳ ዎዴይ ጋካናሳ።

ዛሬ ማጻፋ 8:2

ጎዳ ኢንቴ ጾሳይ ኢንቴስ ኢሚዳ ኣዛዞታ ኢንቴ ናጊዛኮኔ ናጎንታኮ ኢንቴ ዎዚናን ዲዛ ቆፋ ኤራናስ፥ ኢንቴና ፓጫናሲኔ ኢንቴና ኣሽኬሳናስ ኦይዱ ታሙ ላይ ኩሜ ሜቶ ጊዶራ ኣዲ ኢዚ ኢንቴና ዎስቲ ዎስቲ ካሌዳኮ ኣኔ ዩሺ ቆፒቴ።

ዛሬ ማጻፋ 8:16

ኢንቴና ኣሽኬሳናሲኔ ፓጫናስ ዉርሴንካ ሎኦ ጊዳና ማላ ካሴ ኢንቴ ኣዋቲ ሚ ኤሮንታ ማና ባዞ ቢታን ኢንቴስ ኢሚዴስ።

ኢዮቤ ማጻፋ 23:10

ኢዚ ታ ታንጎ ኡባ ኤሬስ፤ ታና ኢዚ ፓጪኮካ ታኒ ዎርቃ ማላ ጌሽ ጊዳ ዲሺን ኢዚ ታና ዴማና።

ኢዮቤ ማጻፋ 28:1

«ቱማፔ ቢታ ጋርሳን ዲዛ ማኢዲኔቲ ቦኬቲዲ ቢራ ኬኢዛሶይኔ ዎርቃይ ሴሪ ኦሴቲዛሶይ ዴስ።

ሌሚሶ ማጻፋ 16:2

ኣሲ ቢዛ ኦጌ ኡባይ ኢዛስ ሎኦ ሚሳቴስ፤ ጎዳይ ኮይሮ ዴን ቆፋ ጫዲ ጼሌስ።

ሌሚሶ ማጻፋ 21:2

ኣሲ ቢዛ ኦጌይ ኢዛዴስ ሱሬ ሚሳቴስ፤ ጎዳይ ጊዲኮ ዎዚና ፒልጊ ጼሌስ።