ሌሚሶ ማጻፋ 13:16 - ጋሞ ማጻፋ

¹⁶ ኣኬኪዛ ኣሲ ኤራን ኦስ፤ ኤያይ ጊዲኮ ባ ኤያቴ ቆንጪሴስ።

Geeshsha Maxaafa

¹⁶ Akeekiza asi eran ooththees; eeyay gidikko ba eeyateththa qonccisees.

ሌሚሶ ማጻፋ 13:16 Referans Kwoze

ሌሚሶ ማጻፋ 15:2

ኣ ኤራንቻ ኢንጻርሳፌ ኤራቴ ፑልቴስ፤ ጊዶ ኣቲን ዶጋታ ዶናፔ ኤያቴ ፑልቴስ።

ኤፌሶኔ ኣሳስ 5:17

ሄሳ ጊሻስ ኤያታ ጊዶፒቴ፤ ጎዳ ሼኔይ ኣዛኮ ዩሺ ቆፒቴ።

ኢሳያሳ ቲንቢቴ 52:13

ጎዳይ፥ «ቤኢቴ፥ ታ ኣሽካራይ ኣኬካን ኦና፤ ኢዚ ኤሬቲዳዴ ጊዳና፥ ኢዚ ቁ ቁ ጋና፤ ኢዚ ኬሂ ቦንቼታና።

ኤራንቻታ ማጻፋ 10:3

ኤያይ ኦጌ ቢሺን ኢዛስ ኣኬካይ ፓጬስ፤ ባ ኤያቴ ኦናስካ ቆንጪሴስ።

ኦሮሜ ኣሳስ 16:19

ኢንቴ ሚሺራቾ ቃላስ ኣዛዜቲዛይታ ጊዲዳይሳ ኣሲ ዉሪ ሲዪዴስ፤ ሄሲካ ታና ዳሮ ኡፋይሲዴስ፤ ጊዲኮካ ኢንቴ ሎኦ ሃኖስ ጪንጫታ ቃሴ ኢታ ኦሶስ ኤያታ ጊዳና ማላ ታ ኮያይስ።

1ቆሮንቶሴ ኣሳስ 14:20

ታ ኢሻቶ! ኢንቴ ኢንቴ ቆፋን ጉ ናይታ ማላ ጊዶፒቴ፤ ኢታ ኦሶስ ጊዲኮ ጉ ናይታ ማላ ጊዲቴ፤ ቆፋን ጊዲኮ ካሃ ኩንዳ ኣሳታ ጊዲቴ።

Maatosa 10:16

«ታ ኢንቴና ዶርሳ ማላ ካና ሱይቴታ ጊዶራ ኪታይስ። ሄሳ ጊሻስ ሾሻ ማላ ጪንጫታኔ ሃራጴ ማላ ኣሽኬታ ጊዲቴ።

ሌሚሶ ማጻፋ 21:24

ኦቶራንቻይኔ ሃላጫ ኣሲ ቂንቻ ጌቴቴስ፤ ኢዚ ኦቶሮ ሃኖ ሃኔስ።

ዬ ማጻፋ 112:5

ኪያቴን ጮ ታልኢዛ ኣሳስ፥ ባ ኦሶ ሱሬቴን ኦዛ ኣሳስ ዴኦይ ኢንጄታና።

1ሳሜላ ማጻፋ 25:25

ታ ጎዶ! ሄሳ ቦዛ ናባሌ ፓጻ ሚሻን ቆዶፓ! ኣዴዛስ ሱን ቢርሼ ኤያ ጉስ ጊዲዳ ጊሻስ ኢዚካ ባ ሱን ማላ ኤያ! ኤያቴካ ኢዛራ ጋምኢዴስ። ታኒ ኔ ኣይሌያ ጊዲኮ ኔ ታ ጎዳይ ኪቲዳ ናቴታ ቤያቤኬ።

1ሳሜላ ማጻፋ 25:17

ሃኢ ኑ ጎዳ ቦላኔ ኢዛሶ ኣሳ ቦላ ሜቶይ ኣላንሼ ዲዛ ጊሻስ ኔኒ ዩሻ ቆፓዳ ኦናስ ቤሲዛይሳ ኦ። ኢዚ ጊዲኮ ሄሳ ማላ ቦዛ ኣስ ጊዲዳ ጊሻስ ኢዛስ ጻሊ ዮታና ኢሳዴይካ ዴና» ጊዴስ።

ሌሚሶ ማጻፋ 18:2

ኤያይ ባ ቆፋ ቆንጪሳናሮ ጻላ ዶሴስ፤ ጊዶ ኣቲን ሃራ ኣሳፔ ኤራ ኤካናስ ዶሴና።

ሌሚሶ ማጻፋ 14:33

ኣኬካንቻ ኣሳ ዎዚናን ኣ ኤራቴ ኩሚዴስ፤ ጊዶ ኣቲን ኤያቲ ኣ ኤራቴ ጊሻስ ኣይኮካ ኤሬቴና።

ኤራንቻታ ማጻፋ 10:13

ኮይሮፔ ዶሚዲ ኢዛ ቃላይ ኤያቴ፤ ዉርሴንካ ኢታ ጎሽ ጊዴስ።