ታይቦ ማጻፋ 24:17 - ጋሞ ማጻፋ

¹⁷ ታኒ ኢዛ ቤኣይስ፤ ጊዶ ኣቲን ሃኢ ጊዴና፤ ታ ኢዛ ጼላይስ፤ ጊዲኮካ ሃኢ ማታን ጊዴና፤ ጾሊንቴይ ያቆቤፔ ቤታና፤ ካዎቴ ጉፌይ ኢስራኤሌፔ ኬዛና፤ ሞኣቤ ዜሬኔ ሴቴ ዜሬታ ኡባ ዲፒ ሂስቲ ይሳና።

Geeshsha Maxaafa

¹⁷ Tani iza be7ays; gido attiin ha7i gidenna; ta iza xeellays; gidikkoka ha7i matan gidenna; Xoolinttey Yaaqoobeppe beettana; Kawoteththa guufey Isra7eeleppe kezana; Mo7aabe zereththaanne Seete zereththata ubbaa dippi histti dhayssana.

ታይቦ ማጻፋ 24:17 Referans Kwoze

ዮሃኒሳ ኣጁታ 22:16

«ታኒ ዬሱሲ ሃይሳ ኢንቴስ ማርካታና ማላ ታ ኪታንቻዛ ዎሳ ኬታስ ዬዳዲስ፤ ታስ ዬሌታ ዛርኬይኔ ቆሞይ ካሴ ዳዊቴኮ፤ ታኒ ፖኢሲዛ ዎንታ ጾሊንቴ።»

ሜቴ ማጻፋ 49:10

ዴሬ ሃሪዛዴይ ያና ጋካናሼ፥ ካዎቴ ኣልጋይ ዩሁዳፔ፥ ሃላቃቴ ጉፌይ ኢዛ ኬፌ ሻኬቴና። ቃሴ ዴሬ ኣሳይ ኢዛስ ኣዛዜታና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ዮሃኒሳ ኣጁታ 1:7

ሄኮ ኢዚ ሳሎፔ ሻራራ ጊታ ቦንቾራ ያና፤ ካሴ ኢዛ ጫዲ ዎዳይቲካ ኢሶይካ ኣቶንታ ዉሪ ኢዛ ቤያና፤ ቢታ ቦላ ዲዛ ዴሬይካ ዉሪ ኢዛ ጊሻስ ዬካና። ሃይሲ ሃ ዮኦዚ ቱሙኮ! ኣሚን።

2ጴጽሮሳ ኪታ 1:19

ሄሲ ዉሪካ ካሴ ናቤቲ ዮቲዳይሲ ቱሙ ጊዲዳይሳ ሎኤ ቆንጪሴስ፤ ሄሳ ጊሻስ ኢንቴ ማሶን ዲዛ ጾምፔስ ሎኤ ናጌቲዛይሳ ማላ ካሴ ናቤቲ ዮቲዳይሳ ሎኤ ናጌቲቴ። ኢንቴ ሄሳ ኦናይ ጋዴይ ዎንታናስ፥ ባዞይ ዞኣና ጋካናሲኔ ዎንቲ ማ ጾሊንቴዚ ኢንቴ ዎዚናን ፖኣና ጋካናሳ።

ዛካራሳ ቲንቢቴ 10:4

ዩሁዳፔ ጉላን ዎዛ ሹቺ፥ ዱንካኔ ቶሊዛ ሽኬይ፥ ኦላ ቶራይኔ ዴሬ ኡባ ሃሪዛይ ኬዛና።

ዬ ማጻፋ 45:6

ኣቤት ጾሳዉ! ኔ ካዎቴ ኣልጋይ ሜርናስ ዳና፤ ኔ ካዎቴ ጉፌይካ ሱሬቴ ጉፌ።

ሉቃሳ ሚሺራቾ 1:78

ኑ ጾሳ ሎኦ ማሮቴፌ ዴንዲዳይሳን ሳሎፔ ኑስ ኣርሼይ ኬዚዴስ።

Ibirawe 1:8

ናዛ ጊሻስ ቃሴ፥ «ጎዶ! ኔ ዙፋኔይ ሜርናፔ ሜርና ጋካናስ ሚኒ ዳና፤ ኔኒ ኔ ካዎቴ ሊኬ ካሌሳ።

ዩሁዳ ኪታ 1:11

ኢስቲ ቃዬሌ ኦጌን ቢዳ ጊሻስ ሚሻስ ጊዲ ባላኣሜ ማላ ባላን ኩንዲዳ፤ ቃሴ ቆሬይ ኤቄቲዳ ማላ ኢስቲካ ኤቄቲዲ ይዳ ጊሻስ ኢስታስ ኣዬ ኣና!

1ታሪኬ ማጻፋ 18:2

ሂስቲን ሞኣቤ ዴሬ ኣሳይ ኢዛስ ሃሬቲዲ ጊራ ኤሂዴስ።

2ሳሜላ ማጻፋ 8:2

ሄሳካ ዳዊቲ ሞኣቤታ ጾኒዴስ፤ ኢስታ ቢታ ቦላ ኢሺሲዲ ዎዶሮን ዋ ጼሊዴስ፤ ዋ ጼሊዳይታፔ ናምኡ ኩሼ ጊዲዛይታ ኢዚ ዎን ኢሲ ኩሼ ጊዲዛይቲ ፓጻ ኣቲዳ፤ ሄሳ ጊሻስ ሞኣቤ ኣሳይ ዳዊቴስ ሃሬቲዴሲኔ ኢዛስ ጊሪዴስ።

ዛካራሳ ቲንቢቴ 12:10

«ሄ ዎዴ ዳዊቴ ኬ ኣሳ ቦላኔ ዬሩሳላሜን ዲዛ ኣሳ ቦላ ኪያቴ ኣያናኔ ዎሳ ኣያና ታ ጉሳና፤ ታና ጫዲዳይቲ ታኮ ጼላና፤ ኢስቲካ ኣሲ ባስ ዲዛ ኢሲ ናይ ሃይቂን ዬኪዛ ኣሳ ማላ ኢዛስ ዬካና፤ ባይራ ናስ ኣሲ ዬኪዛ ማላ ጫሞ ዬሆ ዬካና።

ኤርማሳ ቲንቢቴ 48:45

«ሃሴቦኔፔ ሞኣቤ ሊጴ፥ ጬቄቲዛይታ ፒ ጹጊዛ ታማይ፥ ታማ ላጮይ ሲሆኔ ኬፌ ኬዚዴስ፤ ባቃቲ ቢዳይቲ ሃሴቦኔ ኩዋ ጋርሳን ባናሶ ይዲ ኤቂዳ።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ኢሳያሳ ቲንቢቴ 15:1

ሞኣቤ ቢታ ጊሻስ ጎዳይ ዮቲዳ ቃላይ ሃይሳ፤ ቂሬ-ሞኣቤን ዲዛ ኤሬያ ላሌታዱስ፤ ኢሲ ጋላሳ ኦማርሳን ዲፒ ጋዱስ፤ ቃሴ ቂሬ-ሞኣቤን ዲዛ ቂሬያ ላሌታዱስ፤ ኢሲ ጋላሳ ኦማርስ ዲፒ ጋዱስ።

ዬ ማጻፋ 110:2

ጎዳይ ኔስ ማታ ጉፌ ጺዮኔፔ ኪታና፤ ኔኒካ ሞርኬታ ሃራና።

2ካዎታ ማጻፋ 3:5

ኣካቤይ ሃይቂዳፔ ጉዬ ሞኣቤ ካዎይ ኢስራኤሌ ካዎ ቦላ ማካሊዴስ።

1ሳሜላ ማጻፋ 14:38

ሄሳ ጊሻስ ሳኦሊ፥ «ኦላንቻታ ካሌዛ ኡባቶ፥ ሃ ሺቂቴ፤ ሃች ኣይ ናጋራይ ኦሴቲዳኮ ኣኔ ሻኪ ኤሮስ።

ታይቦ ማጻፋ 21:29

ሃኔ ሞኣቤ ኔስ ኣዬ ኣና! ኢንቴኖ ካሞሼስ ጎይኒዛይቶ! ኢንቴ ዲፒ ጊ ያና፤ ኢንቴ ኣቱማ ናይታ ቤቴስ፥ ኢንቴ ማጫ ናይታካ ዲኤቴስ ኣሞሬ ካዎ ሲሆኔስ ኣ ኢሚዴስ።

Ibirawe 7:14

ኑ ጎዳይ ዩሁዳ ባጋፌ ዪዳይሲ ቱማ፤ ሙሴይ ቄሴታ ጊሻስ ዮቲሼ ሃ ዜሬ ጊሻስ ዮቲዳይሲ ኢሲ ሚሺካ ዴና።

ታይቦ ማጻፋ 24:16

ጾሳ ቃላ ሲዪዛዴ፥ ኢዚ ኩንዲ ዲሺን ኢዛ ኣይፌቲ ዶዬቲን ዎልቃማ ጾሳፌ ኤራቴ ዴሚዳዴ፥ ኡባ ዳንዳይዛ ጾሳ ኣጁታ ቤኢዛዴ ኪታይ ሃይሳ።

2ሳሜላ ማጻፋ 8:14

ኩሜ ኤዶሜን ኦላንቻታ ካምቤ ጊግሲዴስ፤ ኤዶሜ ኣሳይ ኡባይ ዳዊቴስ ሃሬቲዴስ፤ ዳዊቲ ቢዳሶ ኡባን ጎዳይ ኢዛስ ጾኖ ኢሚዴስ።

ኤርማሳ ቲንቢቴ 48:1

ሞኣቤ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ኔቦይ ያና ጊሻስ ኢዚስ ኣዬ ኣና! ቂሪያታይሜይ ካዉያናኔ ኦይኬታና፤ ሚጻቲካ ኦይኬታናኔ ላሌታና።